Ceyhun Hacıbəyli küçəsi 100, AZ1007

VƏKİLLƏRİN İXTİSAS KOMİSSİYASI

Vəkillərin İxtisas Komissiyası vəkilliyə namizədlərin “Vəkillər və vəkillik fəaliyyəti haqqında” Azərbaycan Respublikasının 28 dekabr 1999-cu il tarixli Qanununda nəzərdə tutulmuş tələblərə uyğunluğu və peşə hazırlığının müəyyən edilməsi üçün yaradılır. Onun tərkibinə beş vəkil, üç hakim və üç hüquqşünas alim daxildir. Vəkillərin İxtisas Komissiyası vəkilliyə namizədlərin peşə yararlılığının, vəkilliyə layiqli olmasının müəyyən edilməsi məqsədi ilə Vəkillər Kollegiyasının Rəyasət Heyəti ilə əlaqəli şəkildə test imtahanının keçirilməsini təşkil edir və onlarla müsahibə aparır. Üzvlərinin 2/3 hissəsi iştirak etdikdə, Vəkillərin İxtisas Komissiyasının iclası səlahiyyətlidir. Qərarlar iclasda iştirak edən üzvlərin 50%-dən çoxu lehinə səs verdikdə, qəbul edilmiş sayılır.