Azərbaycan Respublikasının Vəkillər Kollegiyası tərəfindən
“Gəncə şəhərində regional vəkil qurumunun fəaliyyəti üçün nəzərdə tutulan
inzibati binanın (binanın memarlıq abidəsi hissəsinin FASAD İŞLƏRİ istisna olmaqla) təmiri işləri”nin satınalınması üzrə açıq tender elan edilir.
TENDER ELANI
I.Tender predmetinin adı: “Gəncə şəhərində regional vəkil qurumunun fəaliyyəti üçün nəzərdə
tutulan inzibati binanın (binanın memarlıq abidəsi hissəsinin FASAD İŞLƏRİ istisna olmaqla) təmiri işləri”nin
satınalınması
Təmir işlərinin aparılması nəzərdə tutulan ünvan və obyekt: Gəncə şəhəri, Həsən Əliyev küçəsi
49 ünvanında yerləşən Azərbaycan Respublikasının Vəkillər Kollegiyasının əvəzsiz istifadəsində
olan ümumi sahəsi 718,3 kv.m olan (mərtəbəlilik 3 və 1) inzibati bina
Qeyd olunan inzibati binanın mərtəbəliliyi 1 olan hissəsi Azərbaycan Respublikası Nazirlər
Kabinetinin 2 avqust 2001-ci il tarixli 132 nömrəli Qərarı ilə təsdiq edilmiş “Dünya əhəmiyyətli
daşınmaz tarix və mədəniyyət abidələrinin Siyahısı”nda memarlıq abidəsi kimi (yerli əhəmiyyətli
memarlıq abidəsi – “Yaşayış evi” XIX əsrə aiddir, inventar №3927-dir) təsbit olunmuşdur. Abidə
dövlət tərəfindən qorunur.
Bu baxımdan təmir işləri aparılarkən “Tarix və mədəniyyət abidələrinin qorunması haqqında”
Azərbaycan Respublikası Qanununun tələblərinə xüsusilə əməl edilməli və memarlıq abidəsinə hər
hansı xələl gətirilməməlidir. Vurulmuş ziyana görə iddiaçı (podratçı) birbaşa məsuliyyət
daşıyacaqdır.
Tender iştirakçılarına (iddiaçılara, podratçılara) təklif edilir ki, öz tender təkliflərini möhürlənmiş,
imzalanmış şəkildə ikiqat qapalı zərflərdə yazılı surətdə Vəkillər Kollegiyası Rəyasət Heyətinin
Aparatına (ünvan: Bakı şəhəri, Nərimanov rayonu, Ceyhun Hacıbəyli küçəsi 100) təqdim etsinlər.
Müqavilənin icrasını təmin etmək üçün iddiaçılar (podratçılar) lazımi maliyyə və texniki imkanlara
malik olmalıdırlar.
II.İştirak haqqı və onun ödənilməsi
Tenderdə iştirak etmək istəyən iddiaçılar (podratçılar) iştirak haqqını tam məbləğdə aşağıda
göstərilən hesaba köçürdükdən sonra tenderin əsas şərtlər toplusunu Bakı şəhəri, Nərimanov
rayonu, Ceyhun Hacıbəyli küçəsi 100 ünvanından ala bilərlər.
İştirak haqqının məbləği 900,00 (doqquz yüz) manatdır.
İştirak haqqı heç bir halda iddiaçıya geri qaytarılmır.
Tenderdə iştirak haqqının ödənilməsi üçün satınalan təşkilatın bank rekvizitləri aşağıdakı kimidir:
Satınalan təşkilat: Azərbaycan Respublikası Vəkillər Kollegiyasının Rəyasət Heyəti
Hesab:AZ56IBAZ38090019449331108204
Təşkilatın VOEN-i:1400546811
Hüquqi ünvan: Bakı şəhəri, Nəsimi rayonu, S.Vurğun küçəsi 32
Faktiki ünvan: Bakı şəhəri, Nərimanov rayonu, Ceyhun Hacıbəyli küçəsi 100
Bank: “Azərbaycan Beynəlxalq Bankı" ASC-nin Mərkəzi filialı
Kod:805722
Bankın VOEN-i: 9900001881
Müxbir hesab: AZ03NABZ01350100000000002944
S.W.İ.F.T BİK: IBAZAZ2X
III.Satınalma (tender) üzrə maliyyə mənbəyi
“Vəkillər və vəkillik fəaliyyəti haqqında” Azərbaycan Respublikası Qanununun 9-cu maddəsinə
əsasən Vəkillər Kollegiyası qeyri-dövlət, müstəqil, özünü idarə edən və bütün vəkillərin daxil
olduğu hüquqi şəxsdir.
Satınalma Azərbaycan Respublikası Vəkillər Kollegiyasının vəsaiti hesabına həyata keçiriləcəkdir.
IV.Təqdim olunmalı sənədlər barədə
İddiaçılar (podratçılar) tenderdə iştirak etmək üçün aşağıdakı sənədləri təqdim etməlidirlər:
1) Tender prosedurunda iştirak etmək üçün yazılı müraciət (müraciətdə iddiaçının tam adı, hüquqi
statusu, hüquqi və faktiki ünvanı, qeydiyyata alındığı ölkə barədə məlumatlar qeyd olunmalı, habelə müraciət səlahiyyətli şəxs tərəfindən imzalanmalı və möhürlənməlidir);
2) Tenderdə iştirak haqqının ödənilməsi barədə bank sənədi (sənədin üzərinə bankın ştampı və ya
möhürü vurulmalıdır);
3) İddiaçının rekvizitləri (sənədin üzərinə bankın ştampı və ya möhürü vurulmalıdır);
4) İddiaçının vergi orqanında qeydiyyata alınmasına dair və təsisçilərinin adları əks olunan dövlət
reyestrindən çıxarışlarının; nizamnaməsinin (hüquqi şəxslər üçün); əgər təsisçi direktor deyilsə,
direktorun təyin edilməsi barədə əmrin və əmək müqaviləsi bildirişinin və vergi uçotunda
olduğunu təsdiq edən sənədin (VÖEN-nin) surəti (bütün sənədlər notarial qaydada, bu tender
elanından sonrakı tarixdə təsdiq edilməlidir, əmrin surətinin notarial qaydada təsdiqinə zərurət yoxdur);
5) İddiaçının tikinti işlərinin həyata keçirilməsinə dair malik olduğu lisenziya və ya icazə
sənədlərinin notarial qaydada, bu tender elanından sonrakı tarixdə təsdiq olunmuş surətləri;
6) İddiaçının Azərbaycan Respublikasında vergilərə və digər icbari ödənişlərə dair yerinə
yetirilməsi vaxtı keçmiş öhdəliklərinin, habelə son bir il ərzində (fəaliyyətini dayandırdığı müddət
nəzərə alınmadan) vergi ödəyicisinin Azərbaycan Respublikasının Vergi Məcəlləsi ilə müəyyən
edilmiş vəzifələrinin yerinə yetirilməməsi hallarının mövcud olmaması barədə Arayış (Arayış və ya
məktub müvafiq vergi orqanından cari tarix (tender elanından sonrakı tarix) üçün alınmalı və notarial
qaydada, bu tender elanından sonrakı tarixdə təsdiq olunmalıdır);
7) İddiaçının öz əmlakından sərbəst və məhdudiyyətsiz istifadə etmək imkanı, habelə ödəmə
qabiliyyəti olması, müflis elan olunmaması, əmlakı üzərinə həbs qoyulmaması, ödənişə yönəlmiş
girovun olmaması, məhkəmənin qərarı ilə kommersiya fəaliyyəti dayandırılmış şəxs olmaması
barədə Arayışlar (Yüklülüyün olmaması barədə arayış (məktub) müvafiq vergi orqanından cari tarix
(tender elanından sonrakı tarix) üçün alınmalı və notarial qaydada, bu tender elanından sonrakı tarixdə
təsdiq olunmalı, digər arayış (məktub) isə Ədliyyə Nazirliyinin müvafiq icra və probasiya şöbəsindən cari
tarix (tender elanından sonrakı tarix) üçün alınmalı və notarial qaydada, bu tender elanından sonrakı
tarixdə təsdiq olunmalıdır);
8) Satınalma prosedurlarının başlanmasından əvvəlki 5 il ərzində direktorun, təsisçilərin və
işçilərinin peşəkar fəaliyyətləri, yaxud satınalma müqaviləsinin bağlanması üçün ixtisas
göstəricilərini yanlış göstərmələri ilə əlaqədar cinayətə görə məhkum olunmaması, yaxud onların
müvafiq peşə fəaliyyətləri ilə məşğul olmasının məhkəmə qaydasında qadağan edilməməsi barədə
cari tarixə (tender elanından sonrakı tarixə) Arayış (iddiaçı direktor, bütün təsisçilər və ən azı 3 işçi ilə
bağlı Arayışları Daxili İşlər Nazirliyinin müvafiq qurumundan və ya ASAN Xidmət Mərkəzlərindən əldə edə
bilər, həmin Arayışların əsli Vəkillər Kollegiyasına təqdim edilməlidir);
9) İddiaçının mikro, kiçik və ya orta sahibkarlıq subyekti olması barədə sənəd (iddiaçı bu barədə
məktubu cari tarixə (2023-cü ildə alınan) Dövlət Statistika Komitəsindən almalı və məktubun əslini, əsli
olmadıqda notarial qaydada, bu tender elanından sonrakı tarixdə təsdiq edilmiş surətini təqdim etməlidir);
10) İddiaçının son 1 il 7 ay ərzindəki (01.01.2022-ci il tarixdən 01.08.2023-cü il tarixədək olan
dövr üzrə) maliyyə vəziyyəti haqqında bank çıxarışı (üzərinə bankın ştampı və ya möhürü vurulmuş
bank çıxarışı, bank çıxarışı çoxsəhifəli olduqda isə onun hər bir səhifəsinin üzərinə bankın ştampı və ya
möhürü vurulmalıdır);
11) İddiaçının 2022-ci il üzrə fəaliyyəti haqqında vergi orqanları tərəfindən təqdim olunmuş
maliyyə hesabatlarının (bəyannamələrinin) surətləri (bəyannamələrin surəti notarial qaydada, bu
tender elanından sonrakı tarixdə təsdiq olunmalıdır);
12) İddiaçının vəkillik, məhkəmə və ya ədliyyə sahəsi üzrə ayrıca inzibati binaların tikintisində
kifayət qədər təcrübəyə malik olmasını təsdiq edən sənədlərin surəti (iddiaçı sübut üçün ayrı-ayrı
təşkilatlarla bağladığı satınalma müqavilələrinin surətini təqdim etməlidir, digər tərəflərin kommersiya
sirrinin qorunması məqsədilə həmin müqavilələrdə qiymət hissələri çıxarıla (göstərilməyə) bilər);
13) İddiaçının işçi qüvvəsinə malik olması barədə sənədlər, habelə iddiaçının texniki-istehsalat
(işinin əsas istiqamətləri) fəaliyyəti, satınalma müqaviləsinin icrasını təmin etmək üçün
müvafiq sahədə peşəkarlığının, təcrübəsinin və texniki imkanlarının, işçi qüvvəsinin, idarəetmə
səriştəsinin, etibarlılığının olması barədə məlumatlar (ən azı 5 işçi barədə əmək müqaviləsi
bildirişlərinin surəti və bu bəndə aid digər müvafiq təsdiqedici sənədlər təqdim olunmalıdır);
14) Tenderin əsas şərtlər toplusunda göstərilən digər sənədlər (tender təklifi, tender təklifinin təminatı
ilə əlaqədar bank qarantiyası).
Sənədlər Azərbaycan dilində 2 nüsxədə (1 nüsxə əsli və 1 nüsxə surəti) təqdim edilməlidir (xarici
dildə olan tender təklifləri Azərbaycan dilinə tərcümə edilməli və həmin tərcümə notarial qaydada, bu tender
elanından sonrakı tarixdə təsdiq edilməlidir).
V. Tender iştirakçısının (iddiaçının, podratçının) “sanksiya tətbiq olunmalı şəxslər” sırasında
olmaması
Tender iştirakçısının (iddiaçının, podratçının) və ya onun işçi qüvvəsindən hər hansı şəxsin
Azərbaycan Respublikasının Maliyyə Monitorinqi Xidmətinin rəsmi internet səhifəsində
aşkar edildikdə, həmin tender iştirakçısı dərhal tenderdən kənarlaşdırılacaqdır.
VI.Sənədlərin təqdim edilməsi prosedurları və zərflərin açılması
İddiaçılar tərəfindən sənədlər ikiqat qapalı, möhürlənmiş və imzalanmış zərfdə Vəkillər Kollegiyası
Rəyasət Heyətinin Aparatına təqdim olunmalıdır. Yazılı müraciətlər və digər müşayiət məktubları
qapalı zərflərə daxil edilmir və həmin müraciətlər (müşayiət məktubları) iddiaçılar tərəfindən
qapalı zərfin üzərinə tikilir. Əks təqdirdə, satınalan təşkilat bununla bağlı məsuliyyət daşımır.
İddiaçılar bu Tender elanının IV hissəsinin 1-13-cü bəndlərində göstərilən bütün sənədləri
30.08.2023-cü il saat 18:00-a qədər, bu Tender elanın IV hissəsinin 14-cü bəndində göstərilən
tender təklifini, tender təklifinin və satınalma müqaviləsinin yerinə yetirilməsi təminatlarını isə
09.09.2023-cü il saat 15:00-a qədər Bakı şəhəri, Nərimanov rayonu, Ceyhun Hacıbəyli küçəsi 100
ünvanında yerləşən Vəkillər Kollegiyası Rəyasət Heyətinin Aparatına təqdim etməlidirlər.
Yuxarıda göstərilən vaxtdan gec təqdim olunmuş zərflər açılmadan geri qaytarılacaqdır.
İddiaçıların təklifləri 11.09.2023-cü il saat 15:00 tarixində Bakı şəhəri, Nərimanov rayonu,
Ceyhun Hacıbəyli küçəsi 100 ünvanında yerləşən Vəkillər Kollegiyası Rəyasət Heyətinin
Aparatında Vəkillər Kollegiyasının Tender Komissiyası tərəfindən açılacaqdır.
Açılışda iddiaçıların səlahiyyətli nümayəndələri iştirak edə bilərlər.
Əlaqələndirici şəxs: Cəmilə Səfərli,
Telefon: 012-594-14-95, E-mail: jamila.safarli@barassociation.az
Vəkillər Kollegiyasının Tender Komissiyası
