“Elektron order” sahəsi üzrə yeniliklər və təkmilləşdirmələrin, o cümlədən “Elektron order” xidmətləri barədə məlumatların vəkillərlə bölüşdürülməsi məqsədi ilə Vəkillər Kollegiyası Akademiyasının təşkilatçılığı ilə cari il sentyabrın 21-də növbəti hibrid təlim keçirilib.

Təlimdə açılış nitqi ilə çıxış edən Vəkillər Kollegiyası Akademiyasının elmi katibi Mələkxanım Rəhimova iştirakçıları Kollegiyanın rəhbərliyi adından salamlayıb və onlara uğurlar arzulayıb.

Təlimçi qismində çıxış edən Vəkillər Kollegiyasının üzvü Lalə Namazova “Elektron order” sahəsi üzrə müvafiq məlumatları, o cümlədən mövcud texniki məsələlər və yenilikləri vəkillərin diqqətinə çatdırıb.

Həmçinin təlimdə iştirak edən Vəkillər Kollegiyasının üzvü, “Elektron vəkillik” Komitəsinin sədri, “HGNS Kaunsilor” Vəkil Bürosunun müdiri Nihad Əliyev vəkilləri bu sahədə maraqlandıran sualları ətraflı cavablandırıb.

Qeyd edək ki, hibrid təlimdə Vəkillər Kollegiyası Rəyasət Heyətinin üzvü Dilarə Əfrasiyabova, büro müdirləri - Həbib Əliyev, Xalidə İsayeva, Mətanət Həsənova, Tofiq Şahmarov, Zaman Bağırov və Ziya Kazımov da daxil olmaqla 37 vəkil əyani, 96 vəkil distant qaydada olmaqla, ümumilikdə 133 vəkil iştirak edib.