Aprel ayının 10-da Vəkillər Kollegiyası Akademiyasının təşkilatçılığı ilə "Vəkilin internetə çıxışı və özünü ifadə etməsi" mövzusunda distant qaydada təlim keçirilib.

Təlimdə açılış nitqi ilə çıxış edən Vəkillər Kollegiyası Akademiyasının rektoru, professor Əmir Əliyev iştirakçıları Kollegiyanın sədri Anar Bağırovun adından salamlayıb və təlim mövzusunun aktuallığını qeyd edib.

Təlimin əsas hissəsində Vəkillər Kollegiyası Vəkillərin İntizam Komissiyasının üzvü, Deontologiya Komitəsinin sədri Paşa Səfərov və həmin Komitənin üzvü Araz Nurməmmədov vəkilin internet resurslarına çıxışı və özünü ifadə etməsi, peşəkar davranış qaydaları, sosial media fəaliyyəti üçün üstün təcrübələr, o cümlədən mövcud beynəlxalq təcrübə barədə müzakirələr aparıb.

Təlimçilər tərəfindən müvafiq sahədə geniş təhlillər aparılıb və vəkilləri maraqlandıran suallar cavablandırılıb.

Qeyd edək ki, təlimdə 40 vəkil iştirak edib.