Avqustun 23-də Vəkillər Kollegiyası Tədris Mərkəzinin təşkilatçılığı ilə “Mübahisələrin alternativ həlli üsullarının hüquqi və etik tərəfləri” mövzusunda distant formada təlim keçirilib.

Təlimdə açılış nitqi ilə çıxış edən hüquq elmləri doktoru, professor Əmir Əliyev iştirakçıları salamlayıb və təlim mövzusunun aktuallığı ilə bağlı məqamları qeyd edib.

Təlimin əsas hissəsində Vəkillər Kollegiyasının üzvü, “Legalize Hüquq Şirkəti”nin təsisçi-partnyoru Fuad Qəşəmov mübahisələrin alternativ həlli üsullarının üstünlükləri, konsensual vasitə, mühakimə prosedurlarının istifadəsi, qeyri-məcbur qaydalar, konfidensiallıq, o cümlədən sahə üzrə yerli və beynəlxalq təcrübə barədə ətraflı çıxış edib.

Təlimçi tərəfindən müvafiq sahədə geniş təhlillər aparılıb və sonda vəkillərin müvafiq sahədə müxtəlif sualları cavablandırılıb.

Qeyd edək ki, təlimdə 79 vəkil iştirak edib.