Son illərdə Azərbaycanda digər sahələrdə olduğu kimi, vəkillik institutu da davamlı inkişaf yolunu tutub. Bu istiqamətdə ardıcıl və əsaslı tədbirlər həyata keçirilib ki, görülən işlərin nəticəsində ölkəmizdə vəkillik institutunun sürətli inkişafı təmin olunub. Vəkil korpusunun güclənməsi, vəkil qurumlarının və üzvlərinin sayının artması, habelə vəkillik peşəsinin nüfuzunun yüksəlməsi bu islahatların mühüm nəticələrindəndir.

2025-ci ildə də Azərbaycan Respublikası Vəkillər Kollegiyasında (VK) bir sıra beynəlxalq və yerli əhəmiyyətli tədbirlər, imtahanlar, ixtisasartırma təlimləri keçirilib, hüquqi maarifləndirmə işləri genişləndirilib, vəkillərin sayı isə daha da artıb. Bununla yanaşı, vəkillik fəaliyyətinin keyfiyyətinin yüksəldilməsi, vətəndaşlara göstərilən hüquqi yardımın əlçatanlığının artırılması istiqamətində mühüm addımlar atılıb.

VK-nın son bir il ərzində gördüyü işlər və həyata keçirdiyi ardıcıl, sistemli islahatlar barədə hesabatı təqdim edirik:

 

VƏKİLLİYƏ QƏBUL

Vəkilliyə test üsulu ilə qəbulun 2004-cü ildən tətbiq olunduğunu nəzərə alsaq, qeyd edilməlidir ki, 2004-2018-ci illər ərzində (14 il ərzində) cəmi 5 yazılı test imtahanı keçirilib. Son 8 il ərzində isə bu rəqəm 16-ya çatıb. Bu 16 imtahanlarda 6 893 namizəd iştirak edib, onlardan 1 975 nəfər icbari təlim mərhələsini uğurla başa vuraraq and içib və nəticədə ölkəmizdə vəkillərin sayı 3 dəfədən çox artıb.

2025-ci ildə Vəkillərin İxtisas Komissiyası tərəfindən imtahanın şifahi mərhələsi üzrə 34 iclas, vəkilliyə qəbulla bağlı isə 2 yazılı test imtahanı təşkil olunub. 06.07.2025 və 28.11.2025-ci il tarixlərində keçirilən yazılı test imtahanlarında ümumilikdə 823 namizəd iştirak edib, onlardan 420 nəfər müvəffəqiyyət qazanıb. Hesabat ili ərzində 469 nəfər şifahi müsahibədə iştirak edib, 366 nəfər növbəti mərhələyə keçib. İl ərzində isə 347 nəfər vəkil and içərək Kollegiyanın üzvlüyünə qəbul olunub.

Nəticə etibarilə, 2025-ci ildə vəkillərin ümumi sayı artaraq 2 836 nəfərə çatıb. Hazırda fəaliyyət göstərən 2 836 vəkildən 2 203 nəfəri (77,68%) kişi, 633 nəfəri (22,32%) qadındır. Onlardan 2 314 nəfəri (81,59%) Bakıda, 522 nəfəri (18,41%) isə ölkənin müxtəlif regionlarında fəaliyyət göstərir. Bu göstəricilər vəkillik institutunun inkişaf dinamikasının davamlı xarakter daşıdığını təsdiqləyir.

Kollegiyada 400-dən artıq vəkil köməkçiləri fəaliyyət göstərir.

Onu da qeyd edək ki, 2018-2025-ci illər ərzində VK üzvlüyünə qəbul olunan 2 156 şəxs müxtəlif dövlət və özəl qurumlarda fəaliyyət göstərib.

Rəqəmlərlə göstəricilər:

- Özəl sahə: 1 227 nəfər

Dövlət qurumları:

- Prokurorluq: 58 nəfər

- Polis: 105 nəfər

- Ədliyyə: 80 nəfər

- Məhkəmə: 370 nəfər

- Hakimlər: 96 nəfər

- Digər dövlət qurumları: 220 nəfər

Bildirmək istərdik ki, Kollegiyanın Rəyasət Heyətinin sədri Anar Bağırovun Ədliyyə Akademiyasında martın 17-də yazılı və şifahi imtahanlarda müvəffəqiyyət qazanmış 129 vəkilliyə namizədlə, aprelin 30-da 105 vəkilliyə namizədlə, iyunun 11-də 88 vəkilliyə namizədlə və noyabrın 20-də isə 65 vəkilliyə namizədlə görüşü keçirilib. Görüşlərdə çıxış edən sədr namizədlərə uğurlar arzulayıb, təlimlər zamanı vəkillərin lazımi biliyə və peşə hazırlığına yiyələnmələrinə, habelə beynəlxalq təcrübəni öyrənmələrinə xüsusi diqqət yetirildiyini bildirib.   

Bundan başqa, hesabat ilində VK-nın təşəbbüsü ilə vəkilliyə namizədlər üçün vəkil qurumlarının rəhbərləri və nümayəndələri tərəfindən büroların təqdimatı olub. Məqsəd Ədliyyə Akademiyasında icbari təlim keçmiş namizədlərin büro seçimini könüllü həyata keçirməsidir. Təqdimat zamanı vəkil qurumlarının rəhbərləri və nümayəndələri namizədlərə öz bürolarının fəaliyyəti, keyfiyyətli hüquqi xidmətlərin göstərilməsi barədə məlumatlar veriblər. Həmçinin onlar hüquqi yardımın təşkilində və peşəkar etik davranış prinsiplərinə riayət olunmasında vəkilliyin vacib rolunu vurğulayıblar.

 

RƏYASƏT HEYƏTİ VƏ VƏKİLLƏRƏ DƏSTƏK

2025-ci il ərzində VK Rəyasət Heyətinin 21 iclası keçirilib. İclaslarda vəkilliyə qəbul üzrə ixtisas imtahanlarını və icbari təlimi uğurla başa vuran namizədlərin andiçmə mərasimləri təşkil olunub. Bununla yanaşı, Vəkillərin İntizam Komissiyasının rəylərinə baxılıb, bir sıra vəkillərin dövlət qulluğuna qəbul olunması ilə əlaqədar fəaliyyətlərinə xitam verilməsi, onların mükafatlandırılması, öz ərizələri əsasında vəkillik fəaliyyətinin dayandırılması, müəyyən müddətə üzvlük haqqından azad edilməsi, maddi yardım göstərilməsi, borclarının silinməsi, başqa vəkil qurumlarına keçməsi ilə bağlı müraciətlərinə dair qərarlar qəbul olunub. Ümumilikdə Rəyasət Heyəti hesabat ili ərzində 790 qərar çıxarıb.

Qeyd etmək istərdik ki, Rəyasət Heyətinə daxil olan müraciətlər və sənədlər vətəndaşlar tərəfindən birbaşa, habelə dövlət orqanları, nazirliklər, hüquqi şəxslər və digər qurumlar vasitəsilə göndərilib. 2025-ci ildə Rəyasət Heyətinə ümumilikdə 5 041 müraciət daxil olub, həmin müraciətlər araşdırılaraq aidiyyəti üzrə cavablandırılıb.

Rəyasət Heyətinin qərarlarına əsasən, hesabat ili ərzində xəstəlikləri ilə bağlı 4 vəkilə Vəkilliyin İnkişafı Fondundan maddi yardım göstərilib. Bundan əlavə, 82 vəkil analıq məzuniyyəti, təhsil və digər əsaslarla üzvlük haqqı ödəməkdən azad olunub.  

Eyni zamanda hesabat ili çərçivəsində VK Rəyasət Heyətində mütəmadi olaraq vətəndaş qəbulu təşkil edilib, onarın müraciətləri dinlənilib. Belə ki, qaynar xətt, onlayn müraciətlər və birbaşa qəbul da daxil olmaqla, ümumilikdə 1 578 müraciət üzrə vətəndaş qəbulu həyata keçirilib. Daxil olan hər bir müraciət aidiyyəti üzrə diqqətlə araşdırılıb, qanunvericiliyin tələblərinə uyğun olaraq müvafiq qaydada cavablandırılıb.

Onu da bildirək ki, yanvarın 17-də, fevralın 10-da, martın 14-də, iyunun 13-də, sentyabrın 5-də, sentyabrın 26-da və noyabrın 21-də VK sədri Anar Bağırovun rəhbərliyi ilə vətəndaş qəbulu keçirilib. Kollegiyanın inzibati binasında təşkil olunan qəbulda Bakı şəhəri və respublikanın bölgələrindən müraciət edən vətəndaşların keyfiyyətli hüquqi yardımla bağlı məsələləri dinlənilib, bütün müraciətlər qeydə alınıb.

Hesabat ilində Rəyasət Heyətinə 1 556 şikayət daxil olub. Bunlardan 162 (11 %) müraciət üzrə intizam icraatı başlanılıb (10 müraciət bir icraatda birləşdirilməklə), 1 394 (89 %) müraciət üzrə isə intizam icraatı başlanılması üçün əsas müəyyən edilməyib. İntizam icraatı başlanılan 162 müraciətin 114-ü (71 %) fiziki və hüquqi şəxslərdən, 46-sı (28 %) dövlət orqanlarından, 2-si (1 %) isə qeyri-dövlət orqanlarından daxil olan müraciətlərdir.

Vəkillərin İntizam Komissiyasının icraatında 190 intizam işi olub, onlardan 38-i (20 %) 2024-cü ildən qalıq qalan işlər, 152-si (80 %) isə 2025-ci ildə daxil olan işlərdir.

Vəkillərin İntizam Komissiyasının 15 iclası keçirilib. 190 intizam işindən 161 iş üzrə (85 %) müvafiq rəylər qəbul edilib, 25 iş üzrə (18 %) icraata xitamla bağlı VK Rəyasət Heyəti qarşısında məsələ qaldırılıb, 4 iş (2 %) isə hələ icraatda olmaqla araşdırması davam etdirilir.

Müvafiq rəy qəbul edilən 161 işdən 117 iş üzrə (73 %) pozuntu müəyyən olunub, 13 iş üzrə (8 %) pozuntu müəyyən olunmayıb, 31 iş üzrə (19 %) isə hüquqi qiymət verilməsinin mümkün olmaması nəticəsinə gəlinib.

2024-cü ildə daxil olmuş və baxılmış 16, 2024-cü ildə daxil olmuş və 2025-ci ildə baxılmış 35, 2025-ci ildə daxil olmuş və baxılmış 118 intizam işi üzrə Vəkillərin İntizam Komissiyasının qəbul etdiyi müvafiq rəylər (habelə icraata xitamla bağlı arayışlar) əsasında VK Rəyasət Heyəti tərəfindən ümumilikdə 169 qərar qəbil edilib. Onlardan: İntizam tənbehi tətbiq edilmədən qanunvericiliyin tələblərinə riayət etməni diqqətə çatdırma 36 (21 %), xəbərdarlıq etmə 4 (2 %), irad tutma 18 (11 %), töhmət vermə 21 (12 %), cərimə 2 (1 %), vəkillik fəaliyyətini müəyyən müddətə dayandırma 10 (6 %), Kollegiya üzvlüyündən xaric etmə (vəkil sayına görə) 5 (3 %), pozuntu müəyyən olunmadığına, şikayət geri götürüldüyünə görə və sair əsaslarla intizam icraatına xitam vermə 40 (24 %), habelə qiymət verilməsinin mümkün olmaması 33-dür (20 %).

2025-ci ildə Vəkillərin İntizam Komissiyası tərəfindən baxılaraq müvafiq rəy qəbul edilən və VK Rəyasət Heyəti tərəfindən hələ müvafiq qərar qəbul edilməyən iş sayı isə 21-dir.

 

2025-ci il üzrə intizam icraatlarına dair statistik məlumatlar

Rəyasət Heyətinə daxil olan şikayət və müraciətlər

 

 

Vəkillərə dəstək

Digər tərəfdən VK dövlət orqanları ilə əməkdaşlıq və danışıqlar çərçivəsində daim çalışır ki, vəkillərin peşə fəaliyyətinin həyata keçirilməsi zamanı mövcud olan və ya yarana biləcək bütün problemlər aradan qaldırılsın.

Hər il olduğu kimi, 2025-ci ildə də vəkillər tərəfindən Kollegiyaya müraciətlər daxil olub. Onlar bir sıra dövlət qurumlarında yaranmış süni maneələr, çətinliklər və müxtəlif məsələlərlə bağlı narahatlıqlarını, iradlarını bildiriblər. VK isə bu müraciətləri diqqətlə nəzərdən keçirərək, onların həlli istiqamətində zəruri dəstəyi göstərib və məsələlərin aradan qaldırılması üçün müvafiq addımlar atıb.

Qeyd etmək lazımdır ki, bu fəaliyyət vəkillərin hüquqlarının müdafiəsi, peşə fəaliyyətlərinin səmərəli həyata keçirilməsi və vətəndaşlara göstərilən hüquqi yardımın keyfiyyətinin yüksəldilməsi baxımından xüsusi əhəmiyyət daşıyır.

Bundan başqa, ötən 8 ildə ölkəmizdə Vəkil bürolarının sayı da təxminən 4 dəfə artaraq 144-ə çatıb. 2025-ci ildə Bakıda bir neçə Vəkil büroları təsis edilərək fəaliyyətə başlayıb, habelə Gəncə şəhərində Gəncə Regional Vəkil Bürosunun açılışı olub. Vətəndaşlara keyfiyyətli hüquqi yardımın göstərilməsi üçün vəkillərin iş şəraitinin yüksək standartlara cavab verilməsi məqsədilə həmin bürolar müasir maddi-texniki baza ilə tam şəkildə təchiz olunub.

Qeyd etmək istərdik ki, hazırda Bakı şəhəri, Nərimanov rayonu, Zaur Nudirəliyev küçəsi, 77 ünvanında yerləşən Kollegiyanın inzibati binasının (“Vəkil evi”) tikinti və təmiri işləri uğurla davam etdirilir. Tikinti və təmiri işlərinin 2026-cı ilin əvvəllərində yekunlaşdırılması və binanın açılış mərasiminin keçirilməsi nəzərdə tutulur.

Eyni zamanda Lənkəran şəhərində torpaq sahəsində müvafiq inzibati binanın tikintisinin başlanılması məqsədilə hazırlıq işləri aparılır. Sözügedən layihələrin həyata keçirilməsi vəkillərin peşə fəaliyyətinin daha müasir və səmərəli mühitdə təşkil olunmasına, vətəndaşlara göstərilən hüquqi xidmətlərin keyfiyyətinin yüksəldilməsinə xidmət edir.

Bildirmək istərdik ki, 2025-ci il ərzində Rəyasət Heyətinin qərarı ilə ümumilikdə 298 vəkil təltif edilib. Onlardan 107 nəfərə Fəxri Fərman, 165 nəfərə Təşəkkür, 4 nəfərə Fəxri Hüquq Doktoru diplomu, 3 nəfərə Fəxri vəkil diplomu və 19 nəfərə isə qiymətli hədiyyələr təqdim olunub. Bu təltiflər vəkillərin peşə fəaliyyətində göstərdikləri xidmətlərin, peşəkarlıq səviyyələrinin və hüquqi yardım sahəsindəki töhfələrinin yüksək qiymətləndirilməsini əks etdirir.

Eyni zamanda iyulun 2-də VK Rəyasət Heyətinin növbəti iclası keçirilib. İclası giriş söz ilə açan VK sədri Anar Bağırov Rusiya Federasiyasının Yekaterinburq şəhərində azərbaycanlılara qarşı baş vermiş zorakılıq hallarını və qanunsuz saxlamaları qəti şəkildə pisləyib, bu cür hadisələrin yolverilməz olduğunu ifadə edib.

Bundan başqa, VK Rəyasət Heyətinin 02.07.2025-ci il tarixli qərarı ilə Vəkillər Kollegiyası Akademiyasının adı dəyişdirilərək Vəkillər Kollegiyasının Tədris Mərkəzi adlandırılıb. 

Noyabrın 5-də isə Kollegiyanın sədri Anar Bağırov Vətən müharibəsində iştirak etmiş vəkillərlə görüş keçirib. Sədr vəkilləri qarşıdan gələn 8 Noyabr – Zəfər Günü, 9 Noyabr – Dövlət Bayrağı Günü və 12 Noyabr – Konstitusiya Günü münasibətilə təbrik edib, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə Vətən müharibəsində qazanılan tarixi Qələbənin əhəmiyyətindən danışıb.

Həmçinin dekabrın 25-də “Konstitusiya və Suverenlik İli” çərçivəsində vəkillik institutunun hüquqi əsaslarını və praktik fəaliyyətini əhatə edən “Vəkillik fəaliyyəti” adlı dərslik nəşr olunub. Dərslik BP şirkətinin və onun müvafiq layihələr üzrə tərəfdaşlarının dəstəyi, Kollegiya və “İnsan Hüquqları Təşviqi Mərkəzi” İctimai Birliyinin birgə təşəbbüsü əsasında hazırlanaraq çap edilib.

Dekabrın 27-də isə “Hilton” mehmanxanasında 28 dekabr - Vəkil Günü peşə bayramı münasibətilə VK üzvlüyünə yeni qəbul olunan vəkillərin təntənəli andiçmə və peşə fəaliyyəti dövründə fərqlənən vəkillərin təltif olunması mərasimi keçirilib. Tədbirdən əvvəl Kollegiya rəhbərliyi, onun orqanları və qurum rəhbərləri Fəxri xiyabanı ziyarət edib, Ümummilli Lider Heydər Əliyevin məzarı önünə gül qoyulub, dahi şəxsiyyətin əbədiyaşar xatirəsi dərin ehtiramla yad edilib. Eyni zamanda görkəmli oftalmoloq-alim, akademik Zərifə xanım Əliyevanın xatirəsi anılıb, məzarı üzərinə tər çiçəklər düzülüb.

Açılış nitqi ilə Kollegiyanın üzvü, VK-nın Ağsaqqallar Şurasının sədri, respublikanın əməkdar hüquqşünası İkram Kərimov, Azərbaycan Respublikasının Ali Məhkəməsinin və Azərbaycan Respublikasının Məhkəmə-Hüquq Şurasının sədri İnam Kərimov, Azərbaycan Respublikasının Baş prokuroru Kamran Əliyev, Azərbaycan Respublikası Prezidentinin Administrasiyasının Hüquq mühafizə orqanları ilə iş şöbəsinin Hüquqi xidmətlərin göstərilməsi məsələləri sektorunun müdiri Həsən Bağırov və VK sədri Anar Bağırov çıxış edərək peşə bayramı münasibəti ilə bütün vəkilləri təbik ediblər.

Mərasimdə elan edilib ki, Rəyasət Heyətinin qərarına əsasən VK ilə səmərəli əməkdaşlığa görə Ali Məhkəmə 2025-ci ilin “Vəkilliyin dostu” mükafatı ilə, Kamran Əliyev isə Kollegiyanın “Fəxri vəkili” adı ilə təltif olunub. Eyni zamanda Kamran Əliyevə rəmzi vəkil mantiyası təqdim edilib.

Tədbir çərçivəsində vəkilliyə qəbul üzrə ixtisas imtahanlarını uğurla keçən, icbari təlim mərhələsini tamamlayan və şifahi müsahibədən müsbət nəticə əldə edən 60 namizədin təntənəli andiçmə mərasimi keçirilib. Namizədlər Azərbaycan Respublikasının Dövlət Bayrağı önündə and içərək vəkil peşəsini şərəflə, vicdanla və məsuliyyətlə icra edəcəklərinə dair öhdəlik götürüblər.

Həmçinin mərasimdə 2025-ci il ərzində fəaliyyətində fərqlənən vəkillər və vəkil qurumları mükafatlandırılıb. Kollegiyanın ictimai fəaliyyətinə verdiyi töhfəyə görə "Pro Bono" Vəkil Bürosu “İlin vəkil qurumu”, il ərzində sosial aksiyaların keçirilməsində fəallığına görə Qadın Vəkillər Alyansı “İlin vəkil komitəsi”, VK-nın ictimai fəaliyyətinə verdiyi töhfəyə görə Deontologiya Komitəsi “İlin vəkil komitəsi”, il ərzində ən çox bəraət əldə edən Lənkəran şəhər Vəkil Bürosunun vəkili Həsənov İbarət Əhəd oğlu ilə Sumqayıt Regional Vəkil Bürosunun vəkili İsayev Elşad Nəsrəddin oğlu “İlin vəkili” və il ərzində keçirilən təlimlərdə fəal iştirakına görə “Universal” Vəkil Bürosunun vəkili Piriyev Vəfadar Namiq oğlu isə “İlin təlimçi vəkili” elan olunub. Sonda fəaliyyətində fərqlənmiş və yubiley yaşını qeyd edən Kollegiyanın bir qrup üzvü də təltif edilib.

Bundan başqa, dekabrın 29-da VK rəhbərliyinin iştirakı ilə Bakı şəhəri 1 saylı Vəkil Bürosunun yeni inzibati binasının açılış mərasimi keçirilib. Kollegiyanın sədri Anar Bağırov açılış mərasimində çıxış edərək iştirakçıları salamlayıb, yeni büronun fəaliyyətə başlaması münasibətilə təbriklərini çatdırıb və kollektivə uğurlar arzulayıb. 

 

YERLİ ƏMƏKDAŞLIQ

Məlum olduğu kimi, son illərdə VK ilə Ədliyyə Nazirliyi Ədliyyə Akademiyasının birgə əməkdaşlığı çərçivəsində ixtisasartırma təlimləri təşkil olunur və bu təlimlər hazırda da davam etdirilir.

Hesabat ilində təşkil olunan təlimlər vəkillərin peşə bacarıqlarının artırılmasına, hüquqi biliklərin yenilənməsinə və hüquqi xidmətlərin keyfiyyətinin yüksəldilməsinə mühüm töhfə verib. Təlimlərdə iştirak edən vəkillər müasir hüquqi problemlərin həlli, qanunvericilikdəki yeniliklər, məhkəmə praktikası və vəkillik fəaliyyəti ilə bağlı digər aktual məsələlər barədə ətraflı məlumat əldə ediblər.

Bildirmək istərdik ki, 2025-ci ildə Kollegiya dövlət və qeyri-dövlət qurumları ilə əməkdaşlıq çərçivəsində 50-dən çox normativ hüquqi akt layihəsinə rəy və təkliflər verib.

Bundan əlavə, Konstitusiya Məhkəməsi ilə əldə olunmuş razılığa əsasən hesabat ili ərzində VK tərəfindən 26 iş üzrə mütəxəssis mülahizəsi təqdim edilib. Bu fəaliyyətlər hüquqi aktların hazırlanmasında və vəkillik fəaliyyətinin səmərəli təşkili istiqamətində Kollegiyanın aktiv iştirakını və töhfəsini əks etdirir.

Onu da qeyd edək ki, hesabat ili çərçivəsində Baş nazir Əli Əsədovun qərarı ilə dövlət hesabına hüquqi yardıma görə vəkillərə ödənilən vəsaitin məbləği artırılıb. Dəyişikliyə əsasən hüquqi yardımın göstərilməsinə görə vəkillərə ödənilən haqq hər iş saatı üçün 6 manatdan 11 manata artırılıb.

Yanvarın 16-da VK sədri Anar Bağırov Kənd təsərrüfatı naziri Məcnun Məmmədovla görüşüb. Görüş çərçivəsində hər iki rəhbər şəxs çıxış edib, habelə əməkdaşlıq haqqında memorandum imzalanıb.

Fevralın 19-da isə Kollegiyanın inzibati binasında VK sədrinin iştirakı ilə cinayət-prosessual qanunvericiliklə bağlı yaradılmış İşçi Qrupunun iclası keçirilib. Görüşdə çıxış edən Kollegiyanın sədri Anar Bağırov İşçi Qrupunun üzvlərini salamlayıb, cinayət-prosessual qanunvericilikdə mövcud olan boşluqlar, bu boşluqların hüquq sisteminə və vəkillik fəaliyyətinə təsirlərindən danışıb.

Bundan əlavə, fevralın 27-də VK-nın Hüquqi Yardım Mərkəzi tərəfindən Ədliyyə Nazirliyinin Probasiya xidmətinin birgə təşkilatçılığı ilə növbəti hüquqi yardım aksiyası təşkil edilib. Gəncə şəhər 1 saylı Vəkil Bürosunun vəkilləri tərəfindən Ədliyyə Nazirliyinin Gəncə Şəhər Probasiya Şöbəsində qeydiyyatında olan 30-a yaxın şəxs qəbul edilib, onların qarşılaşdığı hüquqi problemlərin həlli ilə bağlı müvafiq tədbirlər görülüb.

Eyni zamanda VK ilə Ədliyyə Nazirliyinin Penitensiar xidməti arasında imzalanmış birgə tədbirlər planına uyğun olaraq Bakı şəhəri 2, 3 və 9 sayı Vəkil bürolarının vəkilləri tərəfindən 2, 9 və 17 saylı cəzaçəkmə müəssisələrində 103 məhkuma pulsuz hüquqi yardım göstərilib. Görüşlər zamanı onlara qanunvericiliyin müddəaları izah olunub, hüquq və azadlıqlarının təmin edilməsi istiqamətində sualları cavablandırılıb.

12.03.2025-ci il tarixində isə “Konstitusiya və Suverenlik İli” çərçivəsində Milli Məclisin Ailə, qadın və uşaq məsələləri komitəsində “Ailə, qadın və uşaq hüquqları - konstitusion hüquqların əsas prioriteti kimi" mövzusunda ictimai dinləmə keçirilib və VK sədri Anar Bağırov çıxış edib.

Aprelin 9-da isə Ədliyyə Nazirliyinin Ədliyyə Akademiyası ilə VK arasında pulsuz hüquqi yardım sahəsində əməkdaşlıq memorandumu imzalanıb. Akademiyanın rektoru Şahin Əliyev və Kollegiyanın Rəyasət Heyətinin sədri Anar Bağırovun imzaladığı memorandumda məlumat, təcrübə mübadiləsi və ikitərəfli əməkdaşlığın inkişaf etdirilməsi və s. məsələlər nəzərdə tutulub.

Bundan əlavə, aprelin 11-də Hüquq və İnsan Haqları İnstitutu hüquq sahəsində məqalə dərc edən jurnallara dair hazırladığı ikinci Monitorinq Hesabatını təqdim edib. Tədbirdə Kollegiyanın sədri Anar Bağırov çıxış edərək VK tərəfindən təsis edilmiş “Azərbaycan Vəkili” elmi-praktik hüquq jurnalının hüquq ictimaiyyəti üçün əhəmiyyətindən danışıb. Sorğu nəticəsində ən çox oxunan jurnallar sırasında “Azərbaycan vəkili” (57,2%), jurnalının birinci olduğu elan edilib.

Onu da bildirək ki, hesabat ilində baş redaktoru hüquq üzrə fəlsəfə doktoru, VK sədri Anar Bağırov olan “Azərbaycan Vəkili” elmi-praktik hüquq jurnalının növbəti sayları beynəlxalq standartlara uyğun olaraq və müasir yanaşmalar əsasında nəşr edilib. Qeyd etmək lazımdır ki, jurnal il ərzində 2 dəfə çap olunaraq oxucuların istifadəsinə təqdim edilib. Eyni zamanda jurnalın 2025-ci ildə çapdan çıxan 2-ci sayı “Konstitusiya və Suverenlik İli”nə həsr edilən xüsusi buraxılışıdır.

Həmçinin aprelin 18-də “Badamdar Estates” mehmanxanasında VK Rəyasət Heyətinin geniştərkibli iclası və vəkilliyə namizədlərin təntənəli andiçmə mərasimi keçirilib. Tədbirdə 102 namizəd vəkil andı içərək Kollegiyaya qəbul olunublar.

Bundan başqa, VK ilə Penitensiar Xidmət arasında imzalanmış birgə Tədbirlər Planına uyğun olaraq aprelin 18-də “Arbitrium” Vəkil Bürosunun vəkilləri Xidmətin 3 saylı istintaq təcridxanasında və Bakı şəhəri 7 saylı Vəkil Bürosunun vəkilləri tərəfindən isə Bakı istintaq təcridxanasında saxlanılan ümumilikdə 45 nəfərə qanunvericiliyin müddəaları izah olunub, hüquq və azadlıqlarının təmin edilməsi istiqamətində sualları cavablandırılıb.

Aprelin 29-da isə Azərbaycan Respublikasının Prezidenti yanında Dövlət İdarəçilik Akademiyasında “Konstitusiya milli iradənin və suverenliyin təzahürü kontekstində: yeni reallıqlar, strateji hədəflər” mövzusunda respublika elmi-praktik konfransı keçirilib. Tədbirdə VK-nın sədr müavini, Hüquqi Yardım Mərkəzinin direktoru Şahmar Məmmədov çıxış edib.

Həmçinin Ədliyyə Nazirliyinin Probasiya xidməti və VK-nın birgə təşkilatçılığı ilə aprel ayı ərzində Bakı şəhər Probasiya idarəsinin və Sumqayıt şəhər probasiya şöbəsinin qeydiyyatında olan məhkumlar üçün növbəti hüquqi yardım aksiyaları həyata keçirilib. Yerli icra məmurlarının (probasiya üzrə) iştirakı ilə paytaxtda Bakı şəhəri 25 saylı Vəkil Bürosunun və Sumqayıt şəhərində isə Sumqayıt Regional Vəkil Bürosu ilə Sumqayıt şəhər 1 saylı Vəkil Bürosunun vəkillər tərəfindən probasiya qeydiyyatında olan ümumilikdə 50-yə yaxın şəxs qəbul edilib, onların qarşılaşdığı hüquqi problemlərin həlli ilə bağlı müvafiq tədbirlər görülüb.

“Konstitusiya və Suverenlik İli” çərçivəsində, habelə VK ilə Ədliyyə Nazirliyinin Penitensiar Xidməti arasında imzalanmış birgə Tədbirlər Planına uyğun olaraq 30.04.2025-ci il tarixində Qadın Vəkillər Alyansının üzvləri 4 saylı cəzaçəkmə müəssisəsi ilə birgə Yetkinlik yaşına çatmayanlar üçün penitensiar müəssisəsində və “Verdiktum” Vəkil Bürosunun vəkilləri isə İxtisaslaşdırılmış müalicə müəssisəsində 53-ə yaxın məhkuma pulsuz hüquqi yardım göstəriblər.

Bundan əlavə, "Konstitusiya və Suverenlik İli" çərçivəsində mayın 3-də VK və Oğuz Rayon İcra Hakimiyyətinin birgə təşkilatçılığı ilə Oğuz rayonunda vətəndaşlara pulsuz hüquqi yardım göstərilib. Aksiya çərçivəsində “Arbitrium” Vəkil Bürosunun təcrübəli vəkilləri tərəfindən rayon sakinləri hüquqi məsləhətlərlə təmin olunub.

Mayın 8-də isə VK-nın təşkilatçılığı ilə Gəncə şəhərinin mərkəzində Gəncə Regional Vəkil Bürosunun yeni inzibati binasının rəsmi açılış mərasimi keçirilib. Tədbirdə Gəncə Şəhər İcra Hakimiyyətinin başçısı Niyazi Bayramov, Azərbaycan Respublikası Prezident Administrasiyasının Hüquq mühafizə orqanları ilə iş şöbəsində sektor müdiri (keçmiş) Otari Qvaladze, Kollegiyanın sədri Anar Bağırov, Kollegiyanın Rəyasət Heyətinin üzvləri, vəkillər və media nümayəndələri iştirak ediblər.

Bundan başqa, “Konstitusiya və Suverenlik İli” çərçivəsində mayın 8-də Kollegiyanın təşkilatçılığı ilə Gəncə Regional Vəkil Bürosunun yeni inzibati binasında “Müasir Konstitusiyamızın banisi Ulu Öndər Heydər Əliyev” mövzusunda elmi-praktiki konfrans keçirilib. Tədbirdə Azərbaycan Respublikası Prezident Administrasiyasının Hüquq mühafizə orqanları ilə iş şöbəsində sektor müdiri (keçmiş) Otari Qvaladze, VK sədri Anar Bağırov, məhkəmə sədrləri, hüquq-mühafizə orqanlarının rəhbərləri, Kollegiyanın Rəyasət Heyətinin üzvləri, vəkillər və digər rəsmi qonaqlar iştirak ediblər. Mərasim çərçivəsində Azərbaycan elminin, ədəbiyyatının, təhsilinin inkişafında misilsiz xidmətlər göstərmiş görkəmli yazıçı, böyük alim Mir Cəlal Paşayevin Gəncə şəhərində yerləşən ev-muzeyi ziyarət edilib.

Həmçinin sözügedən konfrans çərçivəsində Azərbaycan Respublikası Prezident Administrasiyasının Hüquq mühafizə orqanları ilə iş şöbəsində sektor müdiri (keçmiş) Otari Qvaladze, VK sədri Anar Bağırov, Kollegiyanın Aparat rəhbərini müavini Səttar Məmmədov, Türkiyənin İzmir Barosunun vəkilləri Forough Amirabedinlə Afhan Topel Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan 2 saylı Gəncə “ASAN xidmət” mərkəzinin fəaliyyəti ilə tanış olublar.  

Azərbaycan Respublikası Prezidentinin 2025-ci ili “Konstitusiya və Suverenlik İli” elan etməsi ilə əlaqədar həyata keçirilən tədbirlər çərçivəsində mayın 13-də Kollegiyanın və Zərdab Rayon İcra Hakimiyyətinin birgə təşkilatçılığı ilə Zərdabda vətəndaşlara pulsuz hüquqi yardım göstərilib. Heydər Əliyev Mərkəzində keçirilən aksiya zamanı “Mirzəyev və Partnyorları” Vəkil Bürosunun təcrübəli vəkilləri tərəfindən sakinlərin hüquqi müraciətləri dinlənilib.

"Konstitusiya və Suverenlik İli" çərçivəsində, həmçinin VK ilə Ədliyyə Nazirliyinin Penitensiar Xidməti arasında imzalanmış birgə Tədbirlər Planına uyğun olaraq, mayın 15-də “Presedent” Vəkil Bürosunun vəkilləri 1 saylı cəzaçəkmə müəssisəsində, Bakı şəhəri 17 saylı Vəkil Bürosunun vəkilləri isə 6 saylı cəzaçəkmə müəssisəsində cəzaçəkən ümumilikdə 50-yə yaxın şəxslərlə görüşlər keçirib, onlara fərdi qaydada pulsuz hüquqi yardım göstəriblər.

Eyni zamanda mayın 16-da VK-nın sədr müavini, Hüquqi Yardım Mərkəzinin direktoru Şahmar Məmmədov "Caspian Energy Club" və Azərbaycan Milli Biznes Assosiasiyası tərəfindən keçirilən Milli Biznesin İnkişafı Forumunda iştirak edib. Tədbirdə çıxış edən Şahmar Məmmədov iştirakçıları Kollegiyanın sədri Anar Bağırovun adından salamlayıb, Forumun xüsusi sessiyasının işinə uğurlar arzulayıb.

Mayın 29-da isə Azərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsi və VK-nın birgə təşkilatçılığı ilə Bakı şəhərinin Sabunçu rayonundakı Kürdəxanı qəsəbəsində, məcburi köçkünlərin müvəqqəti məskunlaşdığı yaşayış kompleksində “Konstitusiya və Suverenlik İli” və “İnsan Hüquqları Aylığı” çərçivəsində “Yurdumuza Qayıdış” adlı hüquqi maarifləndirmə tədbiri keçirilib. Kollegiyanın sədr müavini, Hüquqi Yardım Mərkəzinin direktoru Şahmar Məmmədov tədbirin açılışında çıxış edib.

“Konstitusiya və Suverenlik İli”, “İnsan Hüquqları Aylığı” və Milli Qurtuluş Günü çərçivəsində iyunun 14-də Kollegiyanın və Şamaxı Rayon İcra Hakimiyyətinin birgə təşkilatçılığı ilə Şamaxı rayonunda vətəndaşlara pulsuz hüquqi yardım göstərilib. Aksiyada “Pro Bono” Vəkil Bürosunun təcrübəli vəkilləri və sözügedən rayonda fərdi qaydada fəaliyyət göstərən Tural Baloğlanov tərəfindən 20 sakinin hüquqi müraciətləri dinlənilib, fərdi qaydada qəbul təşkil olunub.

Bundan başqa, iyunun 18-də Bakıda Məhkəmə-Hüquq Şurasının fəaliyyətinin 20 illiyinə həsr olunan “Məhkəmə idarəçiliyi sahəsində qlobal çağırışlar” mövzusunda beynəlxalq konfrans keçirilib. Tədbirdə VK sədri, Məhkəmə-Hüquq Şurasının üzvü Anar Bağırov iştirak edib. 

“Konstitusiya və Suverenlik İli”, eləcə də Milli Qurtuluş Günü münasibətləri ilə iyunun 19-da Əmək və Əhalinin Sosial Müdafiəsi Nazirliyinin Şağan Reabilitasiya Pansionatında Vətən müharibəsi qaziləri və ümumi xəstəlik səbəbi ilə əlilliyi olan şəxslərlə görüş keçirilib, onlar üçün pulsuz hüquqi yardım aksiyası təşkil edilib. Aksiya zamanı Kollegiyanın üzvü, VK-nın Ağsaqqallar Şurasının rəhbəri, respublikanın əməkdar hüquqşünası İkram Kərimov çıxış edib.

Eyni zamanda Ədliyyə Nazirliyinin Penitensiar xidməti ilə VK arasında imzalanmış birgə Tədbirlər Planına uyğun olaraq "Konstitusiya və Suverenlik İli" çərçivəsində iyunun 20-də Penitensiar xidmətin 15 saylı cəzaçəkmə müəssisəsində və Müalicə Müəssisəsində saxlanılan şəxslərə Bakı şəhəri 6 saylı Vəkil Bürosunun vəkilləri tərəfindən hüquqi yardım göstərilib.

Hesabat ili çərçivəsində Şəmkir rayonunda Milli Məclisin sədri, 102 saylı Şəmkir şəhər seçki dairəsindən deputat Sahibə Qafarovanın təşəbbüsü, VK-nın dəstəyi ilə vətəndaşlara növbəti pulsuz hüquqi yardım aksiyası keçirilib. Mərasimdə Kollegiyanın sədri Anar Bağırov çıxış edib.

VK və Ədliyyə Nazirliyinin Probasiya xidmətinin birgə təşkilatçılığı ilə iyunun 24-də Kollegiyanın Hüquqi Yardım Mərkəzi tərəfindən Probasiya xidmətində növbəti belə hüquqi yardım aksiyası təşkil edilib. Lənkəran rayon Vəkil Bürosunun vəkilləri tərəfindən Ədliyyə Nazirliyinin Lənkəran rayon icra və probasiya şöbəsində qeydiyyatında olan 32 şəxs qəbul edilib.

"Konstitusiya və Suverenlik İli" çərçivəsində həyata keçirilən silsilə tədbirlərin davamı olaraq Milli Məclisin deputatı Kəmaləddin Qafarovun təşəbbüsü, Kollegiyanın dəstəyi ilə Bakı şəhəri 11 saylı Vəkil Bürosunun vəkilləri tərəfindən Yeni Azərbaycan Partiyasının Binəqədi rayon təşkilatının inzibati binasında vətəndaşlar üçün növbəti pulsuz hüquqi yardım aksiyası təşkil edilib. Görüşdə 40-dan çox vətəndaşın müraciətinə baxılaraq onlara şifahi və yazılı hüquqi məsləhətlər verilib.

İyunun 25-də isə “Badamdar” mehmanxanasında “Konstitusiya və Suverenlik İli” çərçivəsində VK Rəyasət Heyətinin geniştərkibli iclası və vəkilliyə namizədlərin təntənəli andiçmə mərasimi keçirilib. Tədbirdə Kollegiyanın sədri Anar Bağırov, Milli Məclisin deputatı, Hüquq siyasəti və dövlət quruculuğu komitəsinin sədri Əli Hüseynli və Milli Məclisin deputatı, İnsan hüquqları komitəsinin sədri, Sosial Tədqiqatlar Mərkəzinin İdarə Heyətinin rəhbəri Zahid Oruc çıxış edib. Mərasimdə 92 namizəd vəkil andı içərək Kollegiyaya qəbul olunub.

"Konstitusiya və Suverenlik İli" çərçivəsində VK və Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə Uşaq və Ailələrə Dəstək Mərkəzlərinin psixoloq, sosial işçiləri və vəkillərin iştirakı ilə iyunun 25-də “Açıq qapı” günü keçirilib.

Bundan başqa, "Konstitusiya və Suverenlik İli", eləcə də Azərbaycan Respublikasının Silahlı Qüvvələri Günü münasibətləri ilə iyunun 26-da Kollegiya tərəfindən pulsuz hüquqi yardımla bağlı respublika ərazisində fəaliyyət göstərən vəkil qurumlarında “Açıq qapı" günü təşkil edilib.

Eyni zamanda "Konstitusiya və Suverenlik İli" çərçivəsində Zaqatala rayonunda Milli Məclisin sədri Sahibə Qafarovanın təşəbbüsü, VK-nın dəstəyi ilə vətəndaşlara ödənişsiz hüquqi yardım aksiyası keçirilib. Heydər Əliyev Mərkəzində təşkil olunan tədbirdə Zaqatala rayon Vəkil Bürosunun peşəkar vəkillər tərəfindən müxtəlif hüquq sahələri üzrə vətəndaşlara məsləhətlər verilib, onların müraciətləri dinlənilib və aidiyyəti üzrə yönləndirilib.

Bundan əlavə, Gəncə şəhərində keçmiş məcburi köçkünlərin müvəqqəti məskunlaşdığı yaşayış kompleksində pulsuz hüquqi yardım və maarifləndirmə tədbiri təşkil olunub. 

“Konstitusiya və Suverenlik İli” çərçivəsində Azərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsi ilə Kollegiyanın birgə təşəbbüsü ilə Gəncə şəhərində keçmiş məcburi köçkünlərin müvəqqəti məskunlaşdığı yaşayış kompleksində pulsuz hüquqi yardım və maarifləndirmə tədbiri təşkil olunub. “Yurdumuza Qayıdırıq” devizi altında keçirilən görüşdə əmlak hüquqları, sosial müdafiə, güzəştlər və kompensasiya mexanizmləri kimi məsələlər üzrə 100-ə yaxın vətəndaşın sualları cavablandırılıb.

Həmçinin "Konstitusiya və Suverenlik İli" çərçivəsində Milli Məclis ilə VK arasında birgə əməkdaşlıq zamanı aztəminatlı şəxslərə pulsuz hüquqi yardımın göstərilməsi istiqamətində Nərimanov rayon sakinləri ilə görüş keçirilib. Görüşdə 20 saylı Nərimanov ikinci seçki dairəsinin deputatı Samir Vəliyev, Milli Məclisin İnsan Hüquqları üzrə Qanunvericilik sektorunun müdiri Sarvan Sadıqov, “Presedent” Vəkil Bürosunun vəkilləri və 25 sakin iştirak edib.

Bundan başqa, Xaçmaz Rayon İcra Hakimiyyətinin inzibati binasında deputat Ağalar Vəliyevin təşəbbüsü və VK-nın dəstəyilə, Xaçmaz şəhər Vəkil Bürosunun vəkillərinin iştirakı ilə aksiya keçirilib. Aksiyada 41 vətəndaşa peşəkar vəkillər tərəfindən müxtəlif hüquq sahələri üzrə məsləhətlər verilib. 

İyulun 8-də isə Ədliyyə Akademiyasında hakimliyə namizədlər üçün təşkil edilən icbari tədris çərçivəsində VK sədri, Məhkəmə-Hüquq Şurasının üzvi Anar Bağırov tərəfindən “Ədalət mühakiməsinin təmin edilməsində vəkillik institutunun rolu” mövzusu tədris olunub. Sonda sədr hakimlərin və hakimliyə namizədlərin tədrisində göstərdiyi səmərəli fəaliyyətə görə Ədliyyə Akademiyası tərəfindən Fəxri Fərmanla təltif edilib.

Eyni zamanda "Konstitusiya və Suverenlik İli" çərçivəsində Milli Məclis ilə VK arasında əməkdaşlıq zamanı iyulun 9-da paytaxtın Sabunçu rayonu, Maştağa qəsəbəsində deputat Eldar Quliyevin, Bakı şəhəri, Xətai rayonu 265 nömrəli tam orta məktəbdə deputat Qüdrət Həsənquliyevin, Sabirabad rayonu Heydər Əliyev Mərkəzində deputat Əhliman Əmiraslanovun, habelə Zəngilan Rayon İcra Hakimiyyətinin binasında (Masazır, keçmiş məcburi köçkünlər üçün salınmış yeni yaşayış massivi) deputat İmamverdi İsmayılovun təşəbbüsü və VK-nın dəstəyiylə aztəminatlı şəxslərə pulsuz hüquqi yardım göstərilib.

Həmçinin bu çərçivədə iyulun 10-da və 11-də deputatlar - Heydər Əsədov (Şirvan), Məzahir Əfəndiyev (Göyçay), Fatma Yıldırım (Bərdə), Anar Məmmədov (Tərtər) və Azər Badamovun (Qusar) təşəbbüsü ilə vətəndaşlarla görüşlər keçirilib. Aksiyalar Yeni Azərbaycan Partiyasının yerli təşkilatlarının inzibati binalarında və Heydər Əliyev Mərkəzlərində təşkil olunub.

İyulun 14-də isə Ədliyyə Akademiyasında ədliyyə orqanlarına işə qəbul olunan şəxslər üçün təşkil edilən icbari tədris çərçivəsində Kollegiyanın sədri, hüquq üzrə fəlsəfə doktoru Anar Bağırov tərəfindən “Ədalət mühakiməsinin təmin edilməsində vəkillik institutunun rolu” mövzusu tədris olunub. Tədris zamanı VK sədri ədliyyə sisteminə yeni qoşulan əməkdaşları təbrik edərək, onlara gələcək fəaliyyətlərində uğurlar arzulayıb.

Bundan əlavə, iyulun 16-da Azərbaycan Respublikası Konstitusiyasının 30 illik yubileyinə həsr olunan “Konstitusiya ədalət mühakiməsinin həyata keçirilməsi yolu ilə Konstitusiyanın aliliyinin təmin edilməsində müasir tendensiyalar” mövzusunda beynəlxalq konfrans və Türk Dünyası Konstitusiya Yurisdiksiyaları Konfransının birinci konqresi keçirilib. Tədbirdə VK sədri Anar Bağırov açılış nitqi ilə çıxış edib.

"Konstitusiya və Suverenlik İli" çərçivəsində Milli Məclis ilə VK arasında əməkdaşlıq zamanı iyulun 16-da paytaxtın Yasamal rayonu, Heydər Əliyev Mərkəzində deputat Ülvi Quliyevin təşəbbüsü və “Pro Bono” Vəkil Bürosunun vəkillərinin iştirakı ilə keçirilən aksiyada 15-ə yaxın vətəndaşa müxtəlif hüquq sahələri üzrə məsləhətlər verilib, onların müraciətləri dinlənilib və aidiyyəti üzrə yönləndirilib.

İyulun 18-də isə “Badamdar” mehmanxanasında “Konstitusiya və Suverenlik İli” çərçivəsində VK Rəyasət Heyətinin geniştərkibli iclası və vəkilliyə namizədlərin təntənəli andiçmə mərasimi keçirilib. Kollegiya sədri Anar Bağırov açılış nitqi ilə çıxış edib, daha 77 yeni namizəd and içərək VK-ya üzv qəbul olunub. 

Eyni zamanda VK ilə Ədliyyə Nazirliyinin Penitensiar xidməti arasında imzalanmış birgə Tədbirlər Planına uyğun olaraq avqustun 5-də Gəncə və Şəki Regional Vəkil Bürolarının vəkilləri tərəfindən 2 saylı istintaq təcridxanasında və Şəki penitensiar müəssisəsində məhkum və həbs edilmiş ümumilikdə 40-a yaxın şəxs üçün hüquqi yardım göstərilib.

Bundan başqa, sözügedən Tədbirlər Planına uyğun olaraq "Konstitusiya və Suverenlik İli" çərçivəsində avqustun 27-də Bakı şəhəri 38 saylı Vəkil Bürosunun vəkilləri Penitensiar xidmətin 7 saylı cəzaçəkmə müəssisəsində və “Alyans” Vəkil Bürosunun vəkilləri isə 16 saylı cəzaçəkmə müəssisələrində saxlanılan ümumilikdə 70-ə yaxın azadlıqdan məhrum edilmiş şəxsə müxtəlif hüquqi məsələlər ətrafında geniş izahatlar verilib, onları maraqlandıran suallar cavablandırılıb.

VK və Ədliyyə Nazirliyinin Probasiya xidmətinin birgə təşkilatçılığı ilə sentyabrın 26-da Bakı şəhəri 28 saylı Vəkil Bürosunun vəkilləri tərəfindən Ədliyyə Nazirliyinin Bakı şəhər Probasiya idarəsinin qeydiyyatında olan 25 şəxs qəbul edilib, onların qarşılaşdığı hüquqi problemlərin həlli ilə bağlı müvafiq tədbirlər görülüb.

Həmçinin sentyabrın 26-da Daxili İşlər Nazirliyinin Polis Akademiyasının təşkilatçılığı ilə “Konstitusiya və Suverenlik ili” çərçivəsində “Polisin inzibati fəaliyyətində hüquqi bilik və bacarıqların rolu” mövzusunda elmi-praktik seminar keçirilib. Seminarda VK Tədris Mərkəzinin direktoru, hüquq elmləri doktoru, professor Əmir Əliyev iştirak edərək nitq söyləyib.

VK ilə Ədliyyə Nazirliyinin Penitensiar xidməti arasında imzalanmış birgə Tədbirlər Planına uyğun olaraq "Konstitusiya və Suverenlik İli" çərçivəsində Salyan rayon Vəkil Bürosunun vəkilləri 5 saylı cəzaçəkmə müəssisəsində və Lənkəran rayon Vəkil Bürosunun vəkilləri isə Lənkəran penitensiar müəssisəsində cəza çəkən ümumilikdə 75-ə yaxın məhkuma pulsuz hüquqi yardım göstəriblər.

Bundan əlavə, oktyabrın 12-də Bakı Konqres Mərkəzində Beynəlxalq Hakimlər Assosiasiyasının 67-ci Baş Assambleyası öz işinə başlayıb. Dünyanın 71 ölkəsindən 300-ə yaxın nümayəndə, hakimlər, vəkillər, hökumət rəsmiləri və beynəlxalq təşkilatların təmsilçiləri, eləcə də tanınmış hüquqşünas-ekspertlərin qatıldığı Assambleyanın açılış mərasimində VK sədri Anar Bağırov da iştirak edib.

VK və Ədliyyə Nazirliyinin Probasiya xidmətinin birgə təşkilatçılığı ilə oktyabrın 17-də Gəncə Regional Vəkil Bürosunun vəkilləri tərəfindən sözügedən nazirliyin Gəncə Şəhər Probasiya Şöbəsində qeydiyyatında olan 10-dan şəxs çox qəbul edilib, onların qarşılaşdığı hüquqi problemlərin həlli ilə bağlı müvafiq tədbirlər görülüb.

Ədliyyə Nazirliyinin Penitensiar xidməti ilə VK arasında imzalanmış birgə Tədbirlər Planına uyğun olaraq "Konstitusiya və Suverenlik İli", habelə "Uşaq Hüquqları Aylığı" çərçivəsində oktyabrın 24-də “Alibi” Vəkil Bürosunun vəkilləri 10 saylı cəzaçəkmə müəssisəsində və Bakı şəhəri 11 saylı Vəkil Bürosunun vəkilləri isə 11 saylı cəzaçəkmə müəssisəsində cəza çəkən ümumilikdə 40-a yaxın məhkuma pulsuz hüquqi yardım göstəriblər.

Oktyabrın 25-də isə paytaxtın Xətai rayonu, Humanitar fənlər təmayüllü məktəb-liseydə deputat Zahid Orucun təşəbbüsü və VK-nın dəstəyi ilə vətəndaşlara pulsuz hüquqi yardım aksiyası təşkil edilib. Bakı şəhəri 13 saylı Vəkil Bürosunun vəkillərinin iştirak etdiyi aksiyada 20-dən çox şəxsə müxtəlif hüquq sahələri üzrə məsləhətlər verilib, onların müraciətləri dinlənilib və aidiyyəti üzrə yönləndirilib.

Eyni zamanda oktyabrın 27-28-də Qax rayonu Heydər Əliyev Mərkəzində Milli Məclisin deputatı Əli Məsimlinin, Ağdaş rayonu Heydər Əliyev Mərkəzində deputat Sahib Alıyevin, Şabran rayonu Yeni Azərbaycan Partiyasının rayon təşkilatının inzibati binasında isə deputat Mahir Süleymanlının təşəbbüsü və VK-nın dəstəyi ilə növbəti hüquqi maarifləndirmə aksiyaları keçirilib. Aksiyalarda Zaqatala rayon Vəkil Bürosunun, Ağdaş rayon Vəkil Bürosunun və Şabran rayonunda fərdi qaydada fəaliyyət göstərən vəkillərin iştirakı ilə 40-a yaxın vətəndaşa pulsuz hüquqi yardım göstərilib.

"Konstitusiya və Suverenlik İli", eləcə də 8 Noyabr – Zəfər Gününün beşinci ildönümü münasibətilə Milli Məclis və VK-nın birgə əməkdaşlığı çərçivəsində oktyabrın 30-da Ağsu rayon şahmat məktəbində Milli Məclisin deputatı Elçin Mirzəbəylinin, noyabrın 1-də isə Bakı şəhəri, Xətai rayonu, 86 saylı orta məktəbdə deputat Mixail Zabelinin təşəbbüsü və Kollegiyanın dəstəyi ilə növbəti hüquqi maarifləndirmə aksiyaları təşkil olunub.

Bundan başqa, oktyabrın 31-də DİN-in Polis Akademiyasında 8 Noyabr – Zəfər Gününə həsr olunan “Zəfərə aparan yol-Qarabağ Salnaməsi” mövzusunda konfrans keçirilib. Tədbirdə Kollegiyanın sədri Anar Bağırov çıxış edərək iştirakçıları salamlayıb, konfransın işinə uğurlar arzulayıb. 

Noyabrın 3-də isə Bakı Dövlət Universitetinin Hüquq fakültəsində Kollegiyanın üzvü, Ağsaqqallar Şurasının sədri, respublikanın əməkdar hüquqşünası İkram Kərimovun tələbələrlə görüşü keçirilib. Ağsaqqallar Şurasının sədri kriminalist və müstəntiq kimi fəaliyyət göstərdiyi illərdə istintaq apardığı ağır cinayətlər, eləcə də hüquqi təcrübəsi dövründə əldə etdiyi bilik və bacarıqlardan danışıb.

Həmçinin noyabrın 6-da Qarabağ Dirçəliş Fondunun təşkilatçılığı ilə Zəfər Gününün beşinci ildönümü münasibətilə “Qalib Azərbaycan: beş ildə Zəfərdən Zirvəyə” mövzusuna həsr olunan tədbir keçirilib.  Mərasimdə Kollegiyanın sədr müavini, Hüquqi Yardım Mərkəzinin direktoru Şahmar Məmmədov çıxış edib.

"Konstitusiya və Suverenlik İli" çərçivəsində 8 Noyabr – Zəfər Gününün beşinci ildönümü münasibətilə Milli Məclis və VK-nın birgə təşəbbüsü ilə 6-7 noyabr tarixlərində Quba, Zərdab və Lənkəran rayonlarında vətəndaşlara pulsuz hüquqi yardımın göstərilməsi təşkil olunub. Aksiyalarda Quba, Ağcabədi və Lənkəran rayon Vəkil bürolarının vəkilləri tərəfindən ümumilikdə 40-dan çox vətəndaşa müxtəlif hüquq sahələri üzrə pulsuz hüquqi yardım göstərilib.

Noyabrın 17-də Azərbaycan Həmkarlar İttifaqları Konfederasiyasında (AHİK) Vəkillər Kollegiyasının nümayəndələri ilə görüş keçirilib. Görüşdə hər iki qurum arasında birgə əməkdaşlığa dair memorandum imzalanıb.

Eyni zamanda noyabrın 20-də Kollegiyada Azərbaycan Qiymətləndiricilər Palatasının Rəyasət Heyətinin üzvləri ilə görüş keçirilib. Görüşü giriş sözü ilə açan VK sədri Anar Bağırov qonaqları salamlayaraq Kollegiyanın tarixi, son illərdə görülən işlər, həyata keçirilən islahatlar və inkişaf istiqamətləri barədə məlumat verib.

Bundan əlavə, noyabrın 26-da Ali Məhkəmədə "Femida Dialoq Platforması" çərçivəsində VK ilə növbəti görüş baş tutub. Vəkillərlə yanaşı, Ali Məhkəmənin hakimləri və Məhkəmə-Hüquq Şurasının üzvlərinin də iştirak etdiyi tədbirdə Kollegiya sədri Anar Bağırov çıxış edib.

Dekabrın 1-də isə Bakı Dövlət Universitetində “Konstitusiya və Suverenlik İli” çərçivəsində “Azərbaycan Respublikasının kontitusiyası – Dövlətçiliyimizin tarixi, hüquqi və siyasi-iqtisadi əsası kimi” mövzusunda Respublika elmi konfransının açılış mərasimi keçirilib. Tədbirdə Kollegiyanın sədr müavini, Hüquqi Yardım Mərkəzinin direktoru Şahmar Məmmədov açılış nitqi söyləyib.

Həmçinin dekabrın 4-də “Regional İnkişaf” İctimai Birliyi, “100 gün – 100 təşəbbüs” aksiyasına qoşulan VK-nın birgə təşkilatçılığı və Nizami Rayon İcra Hakimiyyətinin dəstəyi ilə Nizami Rayon İcra Hakimiyyətində səyyar hüquqi yardım aksiyası həyata keçirilib. Aksiya çərçivəsində Kollegiyanın Hüquqi Yardım Mərkəzinin nümayəndəsi və Bakı şəhəri 6 saylı Vəkil Bürosunun vəkilləri tərəfindən vətəndaşlara səyyar hüquqi xidmətlər göstərilib.

Azərbaycan Respublikası Mədəniyyət Nazirliyinin təşkilatçılığı ilə dekabrın 10-da Heydər Əliyev Mərkəzində "Mədəniyyət və hüquq: müasir çağırışlar” mövzusunda forum keçirilib. Forumda Anar Bağırov çıxış edib.

İnsan Hüquqları üzrə Müvəkkili (Ombudsman) Aparatı və Birləşmiş Millətlər Təşkilatının Azərbaycandakı Nümayəndəliyinin birgə təşkilatçılığı ilə Bakıda 10 dekabr – Beynəlxalq İnsan Hüquqları Gününə həsr olunan “İnsan hüquqları: həyatımızın əsas dəyərləri” mövzusunda xüsusi tədbir keçirilib. Mərasimdə Kollegiyanın sədr müavini, Hüquqi Yardım Mərkəzinin direktoru Şahmar Məmmədov çıxış edib.

10 dekabr - Beynəlxalq İnsan Hüquqları Günü münasibətilə Kollegiyanın təşəbbüsü ilə pulsuz hüquqi yardımla bağlı respublika üzrə fəaliyyət göstərən vəkil qurumlarında ənənəvi “Açıq qapı” günü təşkil edilib. Bu çərçivədə “Pro Bono”, “Presedent”, “Union” Vəkil büroları, Bakı şəhəri 5, 7 və 38 saylı Vəkil büroları, eləcə də Abşeron rayon, Gəncə Regional, Şəki Regional və Şirvan Regional Vəkil bürolarının vəkilləri ümumilikdə 60-dan çox aztəminatlı şəxslə ödənişsiz hüquqi yardım göstəriblər.

Bundan başqa, dekabrın 18-də “Regional İnkişaf” İctimai Birliyinin “100 gün – 100 təşəbbüs” aksiyasına qoşulan VK tərəfindən, Nərimanov Rayon İcra Hakimiyyətinin dəstəyi ilə Nərimanov Rayon İcra Hakimiyyətində səyyar hüquqi yardım aksiyası həyata keçirilib. Aksiya çərçivəsində Kollegiyanın əməkdaşları tərəfindən vətəndaşlara səyyar hüquqi xidmətlər göstərilib, hüquqi məsləhətlər verilib, ərizə və şikayətlərin tərtibində praktiki dəstək təqdim olunub, müraciətlərin hüquqi qiymətləndirilməsi aparılıb və ailə, əmək, sosial təminat, mənzil-kommunal və mülki münasibətlər kimi mövzular üzrə məlumat verilib.

Eyni zamanda, dekabrın 19-da Polis Akademiyasında “Konstitusiya və Suverenlik İli” çərçivəsində “Ümumdünya İnsan Hüquqları Bəyannaməsi”nin 77-ci ildönümünə həsr olunmuş “Müasir dövrdə insan hüquqlarının təminatının aktual problemləri” mövzusunda respublika elmi-praktik konfrans keçirilib. Tədbirdə Kollegiyanın sədr müavini Pərviz Ələkbərov çıxış edib.

Dekabrın 20-də isə Şəmkirdə “Konstitusiya və Suverenlik İli” çərçivəsində VK və Probasiya xidməti tərəfindən probasiya qeydiyyatında olan şəxslərin hüquq və azadlıqlarının təmin olunması məqsədilə pulsuz hüquqi yardım aksiya keçirilib. Şəmkir rayon Vəkil Bürosunun vəkilləri tərəfindən Ədliyyə Nazirliyinin Şəmkir rayon icra və probasiya şöbəsində qeydiyyatda olan 15 nəfər qəbul edilib.

Ədliyyə Nazirliyinin Penitensiar xidməti ilə VK arasında imzalanmış birgə Tədbirlər Planına uyğun olaraq növbəti dəfə 8, 12 və 13 saylı cəzaçəkmə müəssisələrində cəza çəkən ümumilikdə 180 nəfərə yaxın məhkumun müraciəti vəkillər tərəfindən dinlənilib, onlara müxtəlif hüquqi məsələlər ətrafında geniş izahat verilib, sualları cavablandırılıb.

Bundan əlavə, dekabrın 25-də Azərbaycan Dillər Universitetində “Dünya və Azərbaycan ədəbiyyatlarında qadın taleyi” mövzusunda esse müsabiqəsinin nəticələrinin elan olunmasına həsr edilmiş tədbir keçirilib. Mərasimdə Qadın Vəkillər Alyansının sədri Dilarə Əfrasiyabova çıxış edib.

Həmçinin dekabrın 24-də Ədliyyə Akademiyasında ədliyyə orqanlarına işə qəbul olunan şəxslər üçün təşkil edilən icbari tədris çərçivəsində VK sədri Anar Bağırov tərəfindən “Ədalət mühakiməsinin təmin edilməsində vəkillik institutunun rolu” mövzusu tədris olunub. Tədris zamanı sədr “Vəkillər və vəkillik fəaliyyəti haqqında” Qanuna edilmiş mütərəqqi və sistemli dəyişikliklərə toxunaraq, həmin yeniliklərin vəkillik institutunun institusional baxımdan daha da möhkəmləndirilməsinə, eləcə də peşə fəaliyyətinin səmərəli, çevik və müasir tələblərə uyğun şəkildə təşkilinə xidmət etdiyini vurğulayıb.

Hesabat ili çərçivəsində VK Rəyasət Heyətinin üzvü İlhamə Həsənova Baş prokuror yanında Elmi-Məsləhət Şurasının iclaslarında iştirak edib.

 

VƏKİLLİKDƏ İNNOVASİYALARIN TƏTBİQİ - ELEKTRON XİDMƏTLƏR

Məlum olduğu kimi, vəkillikdə innovasiyaların tətbiqi hər zaman xüsusi diqqət və həssaslıq tələb edən məsələlərdən biridir. Vətəndaşların hüquqi yardıma əlçatanlığını təmin etmək məqsədilə VK-nın veb-saytında bütün vəkil qurumlarının və vəkillərin onlayn reyestri yaradılıb və “Elektron vəkil orderi” sistemi təsis edilib. Reyestrdəki məlumatların dəqiqliyi və aktuallığı daim təmin olunur, bununla da vətəndaşlar müasir texnologiyalar vasitəsilə hüquqi yardıma çevik şəkildə çıxış əldə edə bilirlər. Həmçinin bu sistemlər vəkillik fəaliyyətində şəffaflığın artırılmasına, hüquqi xidmətlərin əlçatanlığının genişləndirilməsinə və iş yükünün effektiv idarə olunmasına mühüm töhfə verir.

Qeyd etmək istərdik ki, 2025-ci ildə ümumilikdə 56 469 elektron order rəsmiləşdirilib. Bu göstəricilər vəkillik fəaliyyətində rəqəmsallaşmanın sürətləndiyini və hüquqi xidmətlərin müasir texnologiyalar vasitəsilə daha əlçatan olduğunu təsdiqləyir.   

Eyni zamanda qeyd etmək lazımdır ki, elektron xidmətlərin təkmilləşdirilməsi məqsədilə Kollegiya rəhbərliyi və əməkdaşları dövlət qurumlarının, həmçinin özəl şirkətlərin nümayəndələri ilə bir sıra mühüm görüşlər həyata keçiriblər. Bu görüşlər elektron xidmətlərin səmərəliliyinin artırılmasına, vəkillərin və vətəndaşların ehtiyaclarına uyğun həllərin tətbiqinə, eləcə də informasiya-kommunikasiya texnologiyaları sahəsində əməkdaşlığın gücləndirilməsinə xidmət edib.

Yanvarın 25-də isə Vəkillər Kollegiyası Akademiyasının təşkilatçılığı ilə “Vəkillərin elektron kabinetlərdən istifadəsinin səmərəliliyinə nail olunması” mövzusunda distant qaydada təlim keçirilib. Təlimçi qismində Kollegiyanın və “Elektron vəkillik” Komitəsinin üzvü Nurlan Səfərovun iştirak etdiyi təlimə VK-nın 58 üzvü qatılıb.

 

VƏKİLLƏR KOLLGİYASININ KOMİTƏLƏRİ VƏ QADIN VƏKİLLƏR ALYANSI

Yanvarın 10-da VK sədri Anar Bağırovun rəhbərliyi ilə Kollegiyanın Deontologiya Komitəsinin üzvləri ilə görüş keçirilib. Sədr Komitənin gələcəkdə görəcəyi işlərə toxunub, onların zəruriliyini vurğulayaraq “Vəkillərin davranış qaydaları haqqında“ Əsasnamənin kommentariyasının hazırlanmasının və bu işdə Komitə ilə yanaşı Vəkillərin İntizam Komissiyasının üzvlərinin, eləcə də VK üzvü ola vəkillərin də iştirakının mümkünlüyünü qeyd edib.

Bundan başqa, VK Rəyasət Heyətinin 27.01.2025-ci il tarixli iclasında Kollegiyanın Deontologiya Komitəsinin təqdimatına baxılıb və Komitə tərəfindən hazırlanacaq ""Vəkillərin davranış qaydaları haqqında" Əsasnamənin kommentariyası" adlı kitabın mündəricatı və yazılma qaydası təsdiq edilib. Komitə üzvləri və digər vəkillərin iştirakı ilə “Vəkillərin davranış qaydaları haqqında“ Əsasnamənin kommentariyası” adlı kitabın ilkin variantı hazırlanıb, son variantın təqdim edilməsi 2026-cı ilin fevral ayına planlaşdırılıb.

Eyni zamanda Rəyasət Heyətinin 13.03.2025-ci il tarixli iclasında “Hüquq mühafizə orqanları və vəkil peşələri arasında etik məsələlər üzrə əməkdaşlığa dair” İşçi Qrupunun yaradılması və vəkil üzvlərinin təyin edilməsi ilə bağlı Deontologiya Komitəsindən daxil olan müraciətə baxılıb. Rəyasət Heyəti tərəfindən "Hüquq mühafizə orqanları ilə etik davranış qaydaları üzrə əməkdaşlığa dair" və "Məhkəmə orqanları ilə etik davranış qaydaları üzrə əməkdaşlığa dair" İşçi Qruplarının yaradılması qərara alınıb.

Komitə tərəfindən vəkil etikası və davranış qaydaları ilə bağlı təlimlər keçirilib.

Komitənin İş Planına uyğun olaraq Vəkillər Kollegiyasının Tədris Mərkəzinin təşkilatçılığı ilə 15.02.2025-ci il tarixdən başlayaraq 31.10.2025-ci il tarixədək Komitə tərəfindən vəkil etikası və peşə qaydalarına dair müxtəlif mövzularda 26 (iyirmi altı) təlim təşkil olunub. Bu təlimlər Komitənin üzvləri ilə yanaşı Komitə tərəfindən əməkdaşlığa cəlb edilən Rəyasət Heyətinin, Vəkillərin İntizam Komissiyasının üzvlərinin, vəkil qurumlarının rəhbərlərinin, eləcə də digər vəkillərin təlimçi qismində iştirakı ilə baş tutub. Nəticədə 1000-dən artıq vəkil təlimə qatılıb. Həmçinin təlimlərlə bağlı Komitə tərəfindən 3 dəfə “deontologiya həftəsi”, 1 dəfə isə “deontologiya ayı” (2025-ci ilin oktyabr ayı) elan edilib.

Bundan başqa, “Miqrasiya Könüllüsü” İctimai Birliyinin və VK-nın birgə təşkilatçılığı ilə “Hüquq məktəbi” layihəsi üzrə, Ali Məhkəmə, Məhkəmə-Hüquq Şurası və Vəkillər Kollegiyasının tərəfdaşlığı ilə “Femida Könüllüləri” Təşkilatı tərəfindən təşkil edilən “DİVАN” Milli Məhkəmə Simulyasiyası üzrə, habelə Kollegiya ilə Ədliyyə Akademiyasının birgə əməkdaşlığı ilə “İnsan Hüquqları Aylığı” çərçivəsində keçirilən təlimlərdə Komitə üzvləri təlimçi qismində iştirak ediblər.

Hesabat ili ərzində Biznes Hüququ Komitəsinin (BHK) fəaliyyəti çərçivəsində bir sıra mühüm təşəbbüslər həyata keçirilib, “amicus curiae” rəyləri hazırlanıb, beynəlxalq və yerli platformalarda aktiv iştirak təmin olunub.

Azərbaycan Respublikasının Mülki Məcəlləsinin 21-ci maddəsi ilə bağlı Konstitusiya Məhkəməsinə BHK üzvləri tərəfindən 3 fərqli hüquqi mülahizə təqdim edilib. Eyni zamanda korporativ hüquq sahəsində BHK-nın Korporativ hüquq üzrə işçi qrupu tərəfindən Konstitusiya Məhkəməsinə müvafiq mülahizə hazırlanaraq təqdim olunub, habelə  Komitə üzvləri tərəfindən Konstitusiya Məhkəməsinə mülki hüquqa dair daha 2 mülahizə təqdim edilib.

Hesabat dövründə BHK üzvləri məhkəmə ekspertizasına dair Ədliyyə Nazirliyi tərəfindən yaradılmış İşçi Qrupunda iştirak edərək, bu sahədə qanunvericiliyin təkmilləşdirilməsi və sahəvi konsepsiyanın formalaşdırılması məqsədilə müvafiq təkliflər irəli sürüblər.

Bundan başqa, “Biznes hüququ müzakirə klubu”nun II buraxılışı hazırlanaraq VK-nın “YouTube” kanalı, eləcə də Kollegiya və BHK-nın rəsmi internet səhifələri və sosial şəbəkə hesablarında yerləşdirilib. Buraxılış “Ödəniş xidməti və ödəniş sistemləri haqqında” Azərbaycan Respublikası Qanununun müzakirəsinə həsr olunub, Maliyyə üzrə işçi qrupunun rəhbəri Əfqan Baxışovun iştirakı ilə hazırlanıb və “EY” şirkətinin təşkilati dəstəyi ilə həyata keçirilib. Buraxılışda iştirak edən şəxslər və digər ətraflı məlumatlar video materialın təsvir hissəsində təqdim olunub.

Komitənin sədri London Beynəlxalq Mübahisələr Həftəsi (LIDW) çərçivəsində keçirilən Beynəlxalq Arbitraj Günündə təşkilatçıların dəvəti ilə Azərbaycandan ilk dəfə olaraq panelçi qismində çıxış edib, Orta Asiya və Azərbaycan daxil olmaqla regionun arbitraj təcrübəsi və potensialı ətrafında müzakirələr aparıb.

Həmçinin BHK tərəfindən Azərbaycanda ilk dəfə olaraq hüquq peşəsində süni intellektdən istifadəyə dair tövsiyələr hazırlanaraq ictimaiyyətə təqdim edilib.

Bundan başqa, Avropa Şurasının “Partnership for Good Governance” layihəsi çərçivəsində “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Qanuna əsasən “Müştəri uyğunluğu və yeni texnologiyaların tətbiqi zamanı verifikasiya tədbirləri, risk faktorlarının müəyyən edilməsi və müştəri profilinin risk qruplarına aid edilməsi” mövzusunda təlimlərin məzmunu işlənib. Sözügedən təlimlərin 2026-cı ildə keçirilməsi nəzərdə tutulur.

Hesabat ili ərzində BHK tərəfindən ABŞ Kommersiya Departamentinin CLDP proqramının nümayəndələri ilə görüş keçirilib, bir sıra birgə təlimlərin təşkili ilə bağlı razılıq əldə edilib və onların formatı razılaşdırılıb. Bu təlimlər arasında CLDP, BHK və Bakı Arbitraj Mərkəzinin birgə təşkilatçılığı ilə vəkillər üçün arbitraj üzrə icbari təlim (“continued legal education” – “CLE”) proqramının keçirilməsi də nəzərdə tutulur. Hazırda həmin kursun proqramı üzərində iş aparılır və yekun variant hazır olduqdan sonra VK rəhbərliyinə təqdim ediləcəkdir. Sözügedən təlimlərin 2026-cı ildə keçirilməsi planlaşdırılır.

BHK üzvləri “Azərbaycan Arbitraj Günləri 2025” beynəlxalq ikigünlük tədbirdə moderator və panel iştirakçısı qismində, habelə Türk Arbitraj Assosiasiyası və “Women in Arbitration” beynəlxalq təşkilatının Bakıda keçirilən ilk tədbirlərində spiker kimi iştirak ediblər. Bununla yanaşı, BHK-nın sədri Nazlı Əhmədova və İdarə Heyətinin üzvü Kamil Vəliyev yeni yaradılmış Bakı Arbitraj Mərkəzinin İdarə Heyətində təmsil olunurlar.

Hesabat dövründə Komitə sədri Nazlı Əhmədova Azərbaycan Respublikası Mədəniyyət Nazirliyi tərəfindən təşkil olunan “Mədəniyyət və hüquq” forumunda moderator qismində iştirak edib.

Komitə sədri və VK Aparatının Beynəlxalq əməkdaşlıq şöbəsinin müdiri Gözəl Hüseynzadə Astana Beynəlxalq Maliyyə Mərkəzi (AIFC) və onun nəzdində fəaliyyət göstərən Beynəlxalq Arbitraj Mərkəzinin nümayəndəsi ilə görüş keçirib, Kollegiya ilə mümkün əməkdaşlıq istiqamətləri müzakirə olunub.

Eyni zamanda “Femida” dialoq platforması çərçivəsində BHK üzvləri tərəfindən müzakirələr aparılıb, formalaşdırılan təkliflər Komitə sədri tərəfindən Ali Məhkəmə ilə VK arasında keçirilən görüşdə səsləndirilib.

İl ərzində BHK üzvləri biznes hüququnun aktual mövzularına dair maraqlı elmi və elmi-publisistik məqalələr yazıb, həmin məqalələr Komitənin saytında, "Kluwer Arbitration Blog" və digər platformalarda yerləşdirilib. Habelə BHK üzvləri geniş şəkildə pedaqoji fəaliyyətlə məşğul olaraq ölkənin aparıcı ali təhsil müəssisələrinin Hüquq fakültələrində biznes hüququnun müxtəlif sahələrinə dair tədris həyata keçirməkdədirlər. 

Həmçinin il ərzində BHK-ya yeni üzvlər qəbul edilib, üzvlər arasında şəbəkələşmə tədbirləri və müzakirələr təşkil olunub. Bununla yanaşı, Komitə üzvləri tərəfindən biznes hüququnun müxtəlif sahələrini əhatə edən mövzular üzrə vəkillər üçün silsilə təlimlər keçirilib, həmin təlimlərin siyahısı VK-nın sosial şəbəkəhesablarında VK Tədris Mərkəzi tərəfindən yerləşdirilib.

Kibercinayətkarlıq və Kibertəhlükəsizlik Komitəsi isə 2025-ci il ərzində fəaliyyətini hüquq sahəsində kibercinayətkarlıqla mübarizə, şəxsi məlumatların qorunması və bu istiqamətdə hüquqi biliklərin artırılması məqsədi ilə davam etdirib. İl ərzində Komitə tərəfindən təlimlərdə iştirak, ixtisaslaşmış tədris tədbirləri və ictimai-hüquqi platformalarda təmsilçilik həyata keçirilib. Əsas fəaliyyət istiqamətləri - vəkilliyə namizədlər üçün icbari təlimlər olub.

Hesabat ili çərçivəsində Komitə Ədliyyə Akademiyasında vəkillər üçün təşkil olunan kibercinayətkarlıq və şəxsi məlumatların qorunması mövzusunda 4 icbari təlimdə təmsil olunub. Təlimlər zamanı kibercinayətlərin hüquqi tərkibi, şəxsi məlumatların qorunması üzrə milli qanunvericilik, praktik risklər və real məhkəmə təcrübəsindən irəli gələn hüquqi yanaşmalar iştirakçılara izah edilib.

Eyni zamanda Komitə tərəfindən Vəkillər Kollegiyası Tədris Mərkəzində şəxsi məlumatlar və internet mühitində törədilən cinayətlər mövzusunda ixtisaslaşmış təlimlər həyata keçirilib. Təlim praktiki yönümlü olmaqla, vəkillərin peşə fəaliyyətində rastlaşa biləcəkləri kiber risklərin hüquqi qiymətləndirilməsi və qarşısının alınması məqsədi daşıyıb.

Həmçinin Komitə “Kibervətən: KiberTəhlükəsizlik və Süni İntellekt – Hüquqi Çağırışlar” adlı forumda rəsmi şəkildə təmsil olunub. Bu iştirak Komitənin kiber hüquq sahəsində aparılan müzakirələrdə mövqeyinin təqdim olunmasına və sahə üzrə təcrübə mübadiləsinə şərait yaradıb.

Bundan başqa, 2025-ci il ərzində Komitənin sosial şəbəkə hesabları və digər əlaqə vasitələri vasitəsilə kibercinayətlərlə bağlı müraciət edən xeyli sayda vətəndaşa ödənişsiz ilkin hüquqi məsləhətlər göstərilib. Müraciətlər çərçivəsində vətəndaşlara onların hüquqları izah edilib, mövcud hüquqi müdafiə vasitələri barədə məlumat verilib və konkret hallara uyğun olaraq aidiyyəti dövlət orqanlarına və ya hüquqi prosedurlara yönləndirmə aparılıb.

Yekun olaraq 2025-ci il ərzində Kibercinayətkarlıq və Kibertəhlükəsizlik Komitəsi kiber risklər üzrə hüquqi maarifləndirmənin artırılması, vəkillərin peşə biliklərinin gücləndirilməsi və müasir texnoloji çağırışlara uyğun hüquqi yanaşmaların formalaşdırılması istiqamətində ardıcıl fəaliyyət göstərib. BMT-nin Kibercinayətkarlıq Konvensiyasından irəli gələn öhdəliklər, milli qanunvericiliyin təkmilləşdirilməsi, kadr hazırlığı və beynəlxalq əməkdaşlıq imkanları nəzərə alınmaqla, Komitənin növbəti il üçün fəaliyyətinin daha intensiv şəkildə davam etdirilməsi planlaşdırılır.

Həmçinin 29-30 may tarixlərində VK Qadın Vəkillər Alyansının nümayəndələrindən ibarət geniş tərkibli heyət Özbəkistanın Daşkənd şəhərində rəsmi səfərdə olub. Nümayəndə heyəti Özbəkistan Vəkillər Palatasını ziyarət edib, Palatanın sədri ilə görüş keçirib. Görüşdə qarşılıqlı əməkdaşlıq imkanları müzakirə olunub, xüsusilə Özbəkistan Vəkillər Palatasında yeni yaradılmış Qadın Vəkillər Alyansı ilə sıx əməkdaşlığın qurulması barədə razılıq əldə edilib.

Noyabrın 25-də Ailə, Qadın və Uşaq Problemləri üzrə Dövlət Komitəsi və BMT-nin Azərbaycandakı nümayəndəliyinin birgə təşkilatçılığı ilə “Gender əsaslı zorakılığa qarşı 16 günlük fəallıq kampaniyası” çərçivəsində “Cəmiyyətin inkişafı hamı üçün təhlükəsizlikdən başlayır” mövzusunda konfrans keçirilib. Konfransda Qadın Vəkillər Alyansının üzvləri iştirak ediblər.

Eyni zamanda Qadın Vəkillər Alyansının üzvləri Liv Bona Dea Hospitalında uzman həkimlər tərəfindən keçirilən “Qadın vəkillər üçün sağlamlıq tədbiri” adlı mərasimdə iştirak ediblər.

Hesabat ili çərçivəsində Qadın Vəkillər Alyansının üzvləri “Azərbaycan Uşaqları” İctimai Birliyinin və  Mehriban Qadın və Uşaq Sığınacağını ziyarət ediblər. Ziyarət zamanı vəkillər sığınacaqda yaşayan uşaqlarla səmimi ünsiyyət qurub, onlarla birgə vaxt keçirərək bayram ab-havasını bölüşüblər. Uşaqlara müxtəlif hədiyyələr təqdim olunub, onların sevincinə və mənəvi dəstəyinə xüsusi diqqət göstərilib.

Eyni zamanda Qadın Vəkillər Alyansının üzvləri Gədəbəydə Heydər Əliyev Mərkəzində vətəndaşlara, Penitensiar xidmətin 4 saylı cəzaçəkmə müəssisəsi ilə Yetkinlik yaşına çatmayanlar üçün penitensiar müəssisəsində cəza çəkən şəxslərə pulsuz hüquqi yardım göstəriblər, habelə Azərbaycan Dillər Universitetində “Dünya və Azərbaycan ədəbiyyatlarında qadın taleyi” mövzusunda esse müsabiqəsinin nəticələrinin elan olunmasına həsr edilmiş tədbirdə iştirak ediblər, kollec, lisey və məktəblərdə isə maarifləndirici çıxışlar ediblər.

 

SOSİAL AKSİYALAR, YARIŞLAR

Məlum olduğu kimi, VK tərəfindən ahıl şəxslər üçün sosial xidmət müəssisələrinə, uşaq evlərinə və internat məktəblərinə tez-tez səfərlər təşkil olunur. Hesabat ilində bu istiqamətdə bir sıra ziyarətlər həyata keçirilib və iştirakçılara sosial dəstək göstərilib.

Eyni zamanda Kollegiya tərəfindən idman və elmi sahələrdə çoxsaylı yarışlar və müsabiqələr keçirilib. Bunlara beynəlxalq və yerli futbol və şahmat turnirləri, rəssamlıq, ədəbiyyat və digər bədii yaradıcılıq müsabiqələri daxildir. Bu tədbirlər vəkillərin sosial məsuliyyətini artırmaqla yanaşı, cəmiyyətlə səmərəli əlaqələrin qurulmasına və peşəkar fəaliyyətin ictimaiyyət tərəfindən daha geniş tanınmasına mühüm töhfə verib.

Qeyd etmək lazımdır ki, VK-nın bu fəaliyyətləri vəkilliyin yalnız hüquqi deyil, həm də sosial və mədəni aspektlərini ön plana çıxarmaqla, peşə nüfuzunun möhkəmləndirilməsinə xidmət edir.

İyunun 1-də isə VK qadın vəkil və hüquqşünaslardan ibarət “Legal Eagles” futbol komandası ilə Türkiyə Barolar Birliyinin Ankara Barosunun qadın vəkillərdən ibarət eyni adlı komandası arasında yoldaşlıq görüşü keçirib. Qarşılaşma 3:3 hesabı ilə başa çatıb.

21-22 iyun tarixlərində VK-nın ənənəvi təşkil etdiyi Azərbaycan vəkillərinin şahmat üzrə V respublika birinciliyi keçirilib. Xırdalan Şahmat Məktəbində iki gün davam edən turnirin açılışında Kollegiyanın sədr müavini, “İdmançı Vəkillər” Fondunun İdarə Heyətinin sədri Pərviz Ələkbərov çıxış edib. Yarışda fərdi qaydada fəaliyyət göstərən vəkil Elşən Səfərov birinci, Bakı şəhəri 6 saylı Vəkil Bürosunun vəkili Sənan Süleymanlı ikinci və Bakı şəhəri 8 saylı Vəkil Bürosunun vəkili Aydın Ələkbərov isə üçüncü yerə layiq görülüb.

Bundan başqa, iyulun 9-da Bakı Dövlət Universitetinin Hüquq fakültəsinin Hüquqşünaslıq ixtisasının “İdman hüququ”, "Turizm hüququ" ixtisaslaşmalarının magistrantlarının dissertasiya işlərinin müdafiəsi keçirilib. Müdafiə prosesi Kollegiyanın sədri, hüquq üzrə fəlsəfə doktoru Anar Bağırovun sədrliyi ilə baş tutub.

Eyni zamanda sentyabrın 25-də VK Qadın Vəkillər Alyansının üzvləri “Azərbaycan Uşaqları” İctimai Birliyinin uşaq sığınacağında uşaqlarla tədbir keçiriblər. Mərasim çərçivəsində vəkillər uşaqlara diqqət və qayğı göstərib, onların gündəlik həyatı, təhsili və gələcək arzuları ilə maraqlanıblar.

Həmçinin 23-28 sentyabr 2025-ci il tarixlərində Kollegiyanın vəkil və hüquqşünas qadınlardan ibarət həvəskar futbol komandası “Legal Eagles” Xorvatiyanın Pula şəhərində beynəlxalq futbol oyunları təşkilatçısı “Mundiavocat” tərəfindən keçirilən “Nations Cup 2025” turnirini VII pillədə başa vurub.

Azərbaycan Respublikasının İnsan Hüquqları üzrə Müvəkkili (Ombudsman) Aparatı və Birləşmiş Millətlər Təşkilatının Azərbaycandakı Nümayəndəliyinin birgə təşkilatçılığı ilə Bakıda 10 dekabr – Beynəlxalq İnsan Hüquqları Gününə həsr olunan “İnsan hüquqları: həyatımızın əsas dəyərləri” mövzusunda xüsusi tədbir keçirilib. VK üzvləri tədbir çərçivəsində təşkil edilən “Fibonacci” intellektual oyunun qalib adını qazanıb.

Bundan əlavə, dekabrın 29-da Dünya Azərbaycanlılarının Həmrəyliyi Günü və Yeni il bayramı ərəfəsində VK-ın Qadın Vəkillər Alyansının üzvləri Mehriban Qadın və Uşaq Sığınacağını ziyarət ediblər. Ziyarət zamanı vəkillər sığınacaqda yaşayan uşaqlarla səmimi ünsiyyət qurub, onlarla birgə vaxt keçirərək bayram ab-havasını bölüşüblər.

Dekabrın 26-da isə Ekologiya və Təbii Sərvətlər Nazirliyinin və Kollegiyanın təşkilatçılığı ilə Müşfiqabad qəsəbəsində ağacəkmə aksiyası keçirilib. Vəkil Günü peşə bayramı ilə əlaqədar təşkil olunan ağacəkmə aksiyasında ekologiya və təbii sərvətlər nazirinin birinci müavini Rəşad İsmayılov, VK sədri Anar Bağırov, həmçinin hər iki qurumun rəhbər heyəti və əməkdaşları iştirak edib.

 

GƏNCLƏRƏ DƏSTƏK - GƏNCLƏRDƏ VƏKİL PEŞƏSİNƏ MARAĞIN ARTIRILMASI

VK tərəfindən hər zaman gənc hüquqşünasların vəkillik peşəsinə marağının artırılması diqqət mərkəzində saxlanılır. Bu istiqamətdə universitetlərdə müxtəlif görüşlər, maarifləndirici tədbirlər və müzakirələr keçirilir, həmçinin gənclərin peşəkar inkişafına dəstək məqsədilə bir sıra təşəbbüslər həyata keçirilir.

Kollegiya ilə ölkədə hüquq təhsili verən bütün ali təhsil müəssisələri arasında imzalanmış əməkdaşlıq memorandumlarına əsasən, tələbələrin vəkil qurumlarında təcrübə keçmələri üçün hər cür şərait yaradılıb. Bu əməkdaşlıq gənc hüquqşünasların nəzəri biliklərinin praktik bacarıqlarla möhkəmləndirilməsinə, onların vəkillik peşəsinin mahiyyəti ilə yaxından tanış olmalarına mühüm imkan yaradır. 

Hesabat ili ərzində müvafiq Vəkil bürolarında 69 nəfər “Femida könüllüləri”, 164 tələbə istehsalat təcrübəsində, 23 nəfər isə könüllü qaydada təcrübə keçib. Bu göstəricilər Kollegiyanın gənclərlə iş sahəsində həyata keçirdiyi ardıcıl və məqsədyönlü fəaliyyətin nəticəsidir.

Hesabat ilində dördüncü “Yüksəliş” müsabiqəsinin mentorluq proqramı çərçivəsində layihə qalibi olan Səbuhi Göyüşov "Yüksəliş" müsabiqəsinin idarəçi rəhbəri Anar Bağırov ilə 1 illik fərdi inkişaf - mentorluq proqramı çərçivəsində mütəmadi görüşlər keçirib. Eyni zamanda beşinci "Yüksəliş" müsabiqəsinin idarəçi rəhbərindən olan Kollegiyanın sədri Anar Bağırov final mərhələsinə mentor qismində qatılıb.

Onu da bildirək ki, 2025-ci ildə beşinci “Yüksəliş” müsabiqəsinin qalibləri arasında iki vəkil də yer alıb. 16 553 iştirakçı arasından seçilən 20 qalibdən ikisi – Fatimə Eyyub və Məmməd Balacanov olub.

Həmçinin yanvarın 18-də VK ilə Hüquq və İnsan Haqları İnstitutunun birgə təşkilatçılığı ilə Azərbaycan Respublikasının Prezidenti cənab İlham Əliyevin doğum gününə həsr edilmiş tələbələr arasında “Qalib Azərbaycan” adlı II Hüquq Olimpiadasına təşkilatı dəstək göstərmiş Avropa Hüquqşünas Tələbələr Assosiasiyası (ELSA Azərbaycan) və “Femida Könüllüləri" təşkilatının könüllülərinə sertifikatlar təqdim edilib.

Eyni zamanda hesabat ili çərçivəsində VK rəhbərliyi işə yeni qəbul edilən vəkil köməkçiləri ilə görüşlər (17 yanvar, 10 fevral, 23 may, 5 sentyabr, 26 sentyabr, 21 noyabr tarixlərində) keçiriblər. Kollegiyanın inzibati binasında baş tutan görüşlərdə sədr Anar Bağırov vəkil köməkçilərini salamlayaraq onları yeni fəaliyyət mərhələsinə qədəm qoymaları münasibətilə təbrik edib, gələcək işlərində uğurlar arzulayıb və vəkil köməkçilərinin vəkillik fəaliyyətində rolu və əhəmiyyəti barədə məlumat verib.

Fevralın 15-də isə “Femida Könüllüləri” Təşkilatı və Azərbaycan Könüllü Təşkilatları İttifaqının birgə təşkilatçılığı ilə Femida Könüllülərinin I Ümumrespublika Forumu keçirilib. Mərasimdə VK-nın sədr müavini Pərviz Ələkbərov iştirak edərək çıxış edib.

Həmçinin mart 15-də VK və "Femida Könüllüləri" Təşkilatı arasında bağlanan Memoranduma əsasən, müxtəlif Vəkil bürolarında təcrübə keçən könüllülərə sertifikatlar təqdim edilib.

26 aprel 2025-ci il tarixində Ali Məhkəmədə Gənclər və İdman Nazirliyi tərəfindən gənclər təşkilatlarının fəaliyyətinin dəstəklənməsi məqsədilə 2024-cü il üzrə elan edilmiş qrant müsabiqəsi çərçivəsində, Ali Məhkəmə, Məhkəmə-Hüquq Şurası və VK-nın tərəfdaşlığı ilə “Femida Könüllüləri” Təşkilatı tərəfindən təşkil edilən “DİVAN” Milli Məhkəmə Simulyasiyasının bağlanış və mükafatlandırma mərasimi baş tutub. Tədbirdə VK-nın üzvü İsmayıl Kəngərli çıxış edib.  

Bundan başqa, mayın 14-də isə “Konstitusiya və Suverenlik İli” çərçivəsində Gənclər Fondunun və “Femida Könüllüləri” Təşkilatının birgə təşkilatçılığı, VK, Bakı Dövlət Universiteti Hüquq fakültəsinin və “Gənc Könüllülər” İctimai Birliyinin tərəfdaşlığı ilə ümumrespublika gəncləri arasında “Legal Ring” intellektual yarışı keçirilib. Tədbirdə Vəkillər Kollegiyası Akademiyasının rektoru Əmir Əliyev, Kollegiyanın Aparat rəhbərinin müavini Səttar Məmmədov və Vəkillər Kollegiyası Akademiyasının elmi katibi Sona Xəlilli iştirak edib.

Eyni zamanda mayın 31-də ELSA Azərbaycan tərəfindən VK-nın maliyyə və təşkilati dəstəyi, “Abdurahimli Group” və “BM Morrison Partners” MMC şirkətlərinin sponsorluğu ilə Ali Məhkəmədə XIV Milli Məhkəmə Müsabiqəsinin Final mərhələsi və bağlanış mərasimi keçirilib. Tədbirdə Kollegiyanın Aparat rəhbəri Orxan Babayev çıxış edib.

İyunun 14-də isə VK-nın maliyyə dəstəyi ilə Bakıda yeni maarifləndirici mədəni layihə çərçivəsində çap olunan uşaqlar üçün Konstitusiyaya və insan hüquqlarına həsr olunmuş kitabın təqdimat mərasimi keçirilib. Kollegiyanın sədri Anar Bağırov tədbirin açılışında çıxış edərək qonaqları salamlayıb, “Konstitusiya və Suverenlik İli” çərçivəsində ərsəyə gətirilən maarifləndirici hüquqi layihəni yüksək qiymətləndirib.

Həmçinin sentyabrın 2-də VK sədri Anar Bağırov “Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2028-ci illər üçün Dövlət Proqramı” çərçivəsində dünyanın ən nüfuzlu ali təhsil ocaqlarından biri olan, Böyük Britaniyanın Kembric Universitetinin Korporativ Hüquq magistratura proqramına 2025-ci ildə qəbul olunan Kollegiyanın üzvü Gülzada Mirzəməmmədova ilə görüş keçirib. Kollegiyanın inzibati binasında baş tutan görüşdə sədr gənc vəkili təbrik edərək bu nailiyyəti həm şəxsi uğur, həm də Azərbaycan vəkilliyi üçün qürurverici hadisə kimi qiymətləndirib.

Sentyabr 2-də isə Kollegiyanın sədri Anar Bağırov VK Aparatında ilk dəfə təcrübə keçmiş ADA Universitetinin Hüquq fakültəsinin IV kurs tələbələri ilə görüşüb.  

Bundan əlavə, oktyabrın 20-də Xəzər Universiteti Dünya Məktəbində VK sədri Anar Bağırovun şagirdlərlə görüşü keçirilib. Görüşdə çıxış edən Kollegiya sədri şagirdlərlə təcrübələrini bölüşərək vəkillik peşəsinin üstünlükləri, VK-nın tarixi inkişaf yolu, son illərdə həyata keçirilən mühüm islahatlar və vəkillik institutunun gücləndirilməsi istiqamətində görülən işlər barədə ətraflı məlumat verib.  

Eyni zamanda dekabrın 17-də Konstitusiya Məhkəməsində ELSA Azərbaycan tərəfindən Kollegiyanın tam dəstəyi ilə təşkil olunan Avropa İnsan Hüquqları Məhkəməsi Simulyasiyasının XI buraxılışının final mərhələsi keçirilib. Müsabiqənin nəticələrinə əsasən, “Corpus Delicti” komandasını təmsil edən Bakı Dövlət Universitetinin III kurs tələbələri Gülnar Mütəllibova və Zəhra Hüseynova I yerə layiq görülüb, həmçinin “Ən yaxşı memorial (cavabdeh kimi)” nominasiyası üzrə qalib elan olunublar.

 

PULSUZ HÜQUQİ YARDIM AKSİYALARI – STATİSTİKA

2025-ci il ərzində VK tərəfindən bütün ölkə üzrə 10 mindən çox aztəminatlı şəxsə pulsuz hüquqi yardım göstərilib.

Bildirmək istərdik ki, hər il ölkədə qeyd edilən Beynəlxalq İnsan Hüquqları Günü, Beynəlxalq Qadınlar Günü, Milli Qurtuluş Günü, Azərbaycan Respublikasının Silahlı Qüvvələr Günü, Zəfər Günü, Vəkil Günü və s. bayramlar münasibəti ilə keçirilən silsilə tədbirlər çərçivəsində Kollegiya tərəfindən pulsuz hüquqi yardım aksiyaları təşkil edilib.

Qeyd edək ki, VK Rəyasət Heyətinin 18 fevral 2025-ci il tarixli iclasında “Konstitusiya və Suverenlik İli” çərçivəsində Tədbirlər Planı təsdiq edilib. Həmin Tədbirlər Planından irəli gələrək il ərzində bir sıra tədbirlərin, o cümlədən pulsuz hüquqi yardım aksiyalarının keçirilməsi qərara alınıb.

Tədbirlər Planına uyğun olaraq 2025-ci il ərzində Milli Məclisin 42 deputatının təşəbbüsü ilə pulsuz hüquqi yardım aksiyaları keçirilib. 9 aksiya Bakı şəhərində, 33 aksiya isə regionlarda təşkil edilib. Ümumilikdə isə aksiyalarda 1000 nəfərə yaxın vətəndaşa pulsuz hüquqi yardım göstərilib.

Həmçinin VK və Oğuz, Zərdab, Şamaxı, eləcə də Gədəbəy Rayon İcra Hakimiyyətlərinin birgə təşkilatçılığı ilə həmin rayonlarda pulsuz hüquqi yardım aksiyaları təşkil edilib, vəkillər tərəfindən vətəndaşlara hüquqlarının müdafiəsi yolları, mövcud qanunvericiliyin tətbiqi və hüquqi prosedurlar barədə izahatlar verilib, eyni zamanda onlara zəruri istiqamətlər üzrə yazılı tövsiyələr təqdim olunub. Həmin aksiyalarda ümumilikdə 100 nəfərdən artıq vətəndaşa pulsuz hüquqi yardım göstərilib.

Kollegiya ilə Ədliyyə Nazirliyinin Penitensiar Xidməti arasında imzalanmış birgə Tədbirlər Planına uyğun olaraq penitensiar müəssisələrdə məhkum və həbs edilmiş şəxslərin hüquq və azadlıqlarının təmin edilməsi istiqamətində pulsuz hüquqi yardımın və maarifləndirmə işinin təşkili üzrə 29 aksiya təşkil edilib və 806 nəfərə pulsuz hüquqi yardım göstərilib.

Eyni zamanda hesabat ili ərzində VK və Ədliyyə Nazirliyinin Probasiya Xidmətinin birgə təşkilatçılığı ilə probasiya qeydiyyatında olan şəxslərin hüquq və azadlıqlarının təmin olunması ilə bağlı mütəmadi olaraq ödənişsiz hüquqi yardım aksiyaları təşkil olunub. Təşkil edilən 8 aksiyada 186 nəfər şəxsə pulsuz hüquqi yardım göstərilib.

Bundan başqa, VK ilə Azərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsi keçmiş məcburi köçkünlər üçün pulsuz hüquqi yardım aksiyaları təşkil edib. Təşkil olunan 2 aksiyada 200 nəfərə yaxın şəxsə pulsuz hüquqi yardım göstərilib.

Hər il olduğu kimi, ölkədə qeyd edilən Silahlı Qüvvələri Günü, Zəfər Günü, Dövlət Bayrağı, Konstitusiya Günü, Beynəlxalq İnsan Hüquqları Günü, kimi bayramlar münasibəti ilə keçirilən silsilə tədbirlər çərçivəsində Kollegiya tərəfindən 5 “Açıq qapı” günləri təşkil edilib. Həmin aksiyalar çərçivəsində 300 nəfərdən çox vətəndaşa pulsuz hüquqi yardım göstərilib.

Kollegiya və Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə Uşaq və Ailələrə Dəstək Mərkəzlərinin psixoloq, sosial işçiləri və vəkillərin iştirakı ilə 25 iyun 2025-ci il tarixində “Açıq qapı” Günü təşkil edilib. Mərkəzlərin xidmətlərindən istifadə, psixoloji konsultasiya, hüquqi məsələlər, aliment, boşanma, əlilliyin müəyyən edilməsi, müalicə, sosial müavinətlər, işlə təmin olunma, istirahət, yaşayış şəraitinin yaxşılaşdırılması, uşaqla ünsiyyət, təhsildən yayınma və uşaqların inkişaf ləngiməsinin aradan qaldırılması kimi müraciətlər yer alıb.

VK ilə Əmək və Əhalinin Sosial Müdafiəsi Nazirliyinin birgə təşkilatçılığı ilə Şağan Reabilitasiya Pansionatında fərdi hüquqi qəbullar olub, müraciət edən şəxslərə sosial təminat və digər hüquqi məsələlər üzrə ətraflı məsləhətlər verilib.

Eyni zamanda hesabat ili çərçivəsində “Regional İnkişaf” İctimai Birliyi, “100 gün – 100 təşəbbüs” aksiyası çərçivəsində səyyar hüquqi yardım aksiyaları təşkil edilib. Kollegiyanın təşkilatçılığı ilə Bakı şəhəri Nizami Rayon İcra Hakimiyyətində və Bakı şəhəri Nərimanov Rayon İcra Hakimiyyətində 2 hüquqi yardım aksiyası təşkil olunub, həmin aksiyalarda vətəndaşlara səyyar hüquqi xidmətlər göstərilib.

Əlavə olaraq, respublika ərazisində fəaliyyət göstərən vəkil qurumları və fərdi vəkillər tərəfindən də minlərlə aztəminatlı şəxslərə pulsuz hüquqi yardım göstərilib.

Həmçinin Kollegiyanın Hüquqi Yardım Mərkəzi tərəfindən 674 nəfər vətəndaşa müvafiq hüquqi yardımlar göstərilib.

 

DÖVLƏT HESABINA HÜQUQİ YARDIM FƏALİYYƏTİ

“Məhkəmə-hüquq sistemində islahatların dərinləşdirilməsi haqqında” Prezidentin 2019-cu il 3 aprel tarixli Fərmanının tələblərinə uyğun olaraq, 2020-ci ildən başlayaraq dövlət hesabına göstərilən hüquqi yardıma görə vəkillərə (müdafiəçilərə) haqqın ödənilməsi məqsədilə nəzərdə tutulan vəsaitin dövlət büdcəsinin mərkəzləşdirilmiş xərclərindən birbaşa VK-ya ayrılması təmin edilir.

Bu məqsədlə “Azərbaycan Respublikasının 2024-cü il dövlət büdcəsi haqqında” Azərbaycan Respublikasının 2023-cü il 5 dekabr tarixli 1028-VIQ nömrəli Qanununun tətbiqi ilə bağlı bir sıra məsələlər barədə” Azərbaycan Respublikası Prezidentinin 2023-cü il 26 dekabr tarixli 2424 nömrəli Fərmanının 1.3.5.2-ci bəndi ilə ARVK-ya dövlət hesabına göstərilən hüquqi yardımla əlaqədar 6 000 000 manat vəsait nəzərdə tutulub və 2025-ci ildə həmin vəsaitin Kollegiyaya ayrılması müvafiq qaydada təmin olunub.

Həmçinin RK tərəfindən 2025-ci il ərzində büdcə haqqında qanunvericiliyin tələblərinə uyğun olaraq və maliyyə intizamına riayət edilməklə cinayət prosesini həyata keçirən orqanların qərarları əsasında dövlət hesabına göstərilən hüquqi yardıma görə vəkillərə (müdafiəçilərə) haqların (məbləğlərin) ödənişləri vaxtında təmin olunub.

Belə ki, hesabat ilində dövlət büdcəsində dövlət hesabına göstərilən hüquqi yardıma görə vəkillərə (müdafiəçilərə) haqların ödənilməsi üçün nəzərdə tutulan vəsaitlə bağlı xərclərin rüblər və aylar üzrə bölgüsünə uyğun olaraq, vəkil büroları və ya fərdi qaydada fəaliyyət göstərən vəkillər tərəfindən sənədlərin Kollegiyaya təqdim edilməsi ardıcıllığı gözlənilməklə cinayət prosesini həyata keçirən orqanlar (təhqiqat, istintaq, prokurorluq orqanları və məhkəmələr), o cümlədən mülki işlər üzrə qəbul olunan qərarlar əsasında dövlət hesabına hüquqi yardıma görə 34 073 qərar üzrə 5 999 874,51  manat (bank xidməti də nəzərə alınmaqla) vəsaitin 102 vəkil qurumuna və 33 fərdi qaydada fəaliyyət göstərən vəkilə, ümumilikdə isə 1051 vəkilə ödənişi təmin edilib.

Onu da bildirək ki, hazırda 10 714 qərar (1 192 660 manat vəsait) icra olunma mərhələsindədir.

 

I. Vəsaitin təyinatı üzrə bölgüsü

 

	Ümumilikdə icra olunmuş 34073 qərara görə 5 999 874,51 manat, o cümlədən:
1)	2025-ci ildə  icra olunmuş qərarların 10 904 ədədi məhkəməyədək cinayət prosesini həyata keçirən orqanların qərarı olmuşdur:	2 788 151,08 manat
2)	2025-ci ildə  icra olunmuş qərarların 23 169 ədədi məhkəmə qərarı olmuşdur:	3 211 723,43 manat

                                                           

II. Vəsaitin icra olunmuş qərarların sayı üzrə bölgüsü

 

S/S	Qərarların qəbul olunduğu illər	Qərar sayı	Məbləğ (manatla)
1)	2020-ci il üzrə	13 qərar	2 199,67
2)	2021-ci il üzrə	57 qərar	10 645,13
3)	2022-ci il üzrə	163 qərar	31 294,15
4)	2023-cü il üzrə	276 qərar	34 868,02
5)	2024-cü il üzrə	8902 qərar	1 096 396,41
6)	2025-ci il üzrə	24662 qərar	4 824 471,13
	CƏMİ:	34073 qərar	5 999 874,51 manat

 

 

İXTİSASARTIRMA TƏLİMLƏRİ VƏ DİGƏR TƏLİMLƏR

2025-ci il ərzində ümumilikdə 117 təlim keçirilib. Həmin təlimlərdə 5 263 vəkil (bir vəkil bir neçə təlimə qoşulub) iştirak edib. VK ilə Ədliyyə Akademiyasının birgə əməkdaşlığı çərçivəsində 29 ixtisasartırma təlimlərində 795 vəkil, keçirilən 84 digər təlimlərə isə 4468 vəkil qoşulub.

Əlavə olaraq, “Vəkildən gənc hüquqşünasa” layihəsi üzrə keçirilən 4 təlimdə 133 hüquqşünas iştirak edib.

 

İXTİSASARTIRMA TƏLİMLƏRİ:

1.       05 may və 07 may 2025-ci il tarixində “Vəkillərin hüquqi yazı bacarıqlarının artırılması məqsədilə istifadə edəcəyi taktikalar və hüquqi yazı texnikası” mövzusunda distant formada ixtisasartırma kursu keçirilib.  Kursda 37 vəkil  iştirak edib. (təlimçi: Vəkillər Kollegiyasının üzvü Zaur Nağıyev)

2.       13 may 2025-ci il tarixində “Vəkillik etikası. Müştəri ilə müsahibə və məsləhətin aparılmasında vəkillərin bədən dili və kommunikasıya bacarıqlarının artırılması taktikaları” mövzusunda əyani formada ixtisasartırma kursu keçirilib. Kursda 11 vəkil iştirak edib. (təlimçi: Vəkillər Kollegiyası Rəyasət Heyətinin üzvü, Bakı şəhəri 20 saylı Vəkil Bürosunun müdiri İlhamə Həsənova)

3.       04 iyun 2025-ci il tarixində “Vəkilin intizam məsuliyyətinin əsasları və hüquq mədəniyyəti” mövzusunda distant formada ixtisasartırma kursu keçirilib. Kursda 21 vəkil iştirak edib. (təlimçi: Vəkillər Kollegiyası Deontologiya Komitəsinin üzvü Araz Nurməmmədov)

4.       05 iyun 2025-ci il tarixində “Qanunun aliliyi və inkluziv cəmiyyət prinsiplərinin təbliği” mövzusunda distant formada ixtisasartırma kursu keçirilib. Kursda 23 vəkil iştirak edib. (təlimçi: Vəkillər Kollegiyası Deontologiya Komitəsinin sədri, İntizam Komissiyasının üzvü, Bakı şəhəri 26 saylı Vəkil Bürosunun müdiri Paşa Səfərov)

5.       12 iyun 2025-ci il tarixində “Fərdi məlumatların, kommersiya sirrinin mühafizəsi və hüquqi tənzimlənməsi “GDPR” qaydaları” mövzusunda distant formada ixtisasartırma kursu keçirilib. Kursda 19 vəkil iştirak edib. (təlimçi: Vəkillər Kollegiyasının və Kollegiyanın Biznes Hüququ Komitəsinin üzvü Roman Qaraşov)

6.       13 iyun 2025-ci il tarixində “Arbitraj haqqında ümumi məlumat, Milli qanunvericilik və Beynəlxalq təcrübə” mövzusunda distant formada ixtisasartırma kursu keçirilib. Kursda 24 vəkil iştirak edib. (təlimçilər: Vəkillər Kollegiyasının və Kollegiyanın Biznes Hüququ Komitəsinin üzvləri Fuad Qəşəmov və Günel İsmayılbəyli)

7.       17 iyun 2025-ci il tarixində “İstehlakçı hüquqları” mövzusunda distant formada ixtisasartırma kursu keçirilib. Kursda 20 vəkil iştirak edib. (təlimçi: Vəkillər Kollegiyasının və Kollegiyanın Biznes Hüququ Komitəsinin üzvü Roman Qaraşov)

8.       20 iyun 2025-ci il tarixində “Arbitraja münasibətdə milli məhkəmələrin nəzarət və yardım funksiyaları” mövzusunda distant formada ixtisasartırma kursu keçirilib. Kursda 23 vəkil iştirak edib. (təlimçilər: Vəkillər Kollegiyasının və Kollegiyanın Biznes Hüququ Komitəsinin üzvləri Fuad Qəşəmov və Günel İsmayılbəyli)

9.       23 iyun 2025-ci il tarixində “Arbitraj qərarlarının ləğv edilməsi proseduru”, “Xarici arbitraj qərarlarının tanınması və icrası” mövzularında distant formada ixtisasartırma kursu keçirilib. Kursda 20 vəkil iştirak edib. (təlimçilər: Vəkillər Kollegiyasının və Kollegiyanın Biznes Hüququ Komitəsinin üzvləri Fuad Qəşəmov və Günel İsmayılbəyli)

10.    24 iyun 2025-ci il tarixində “Rəqabət hüququ” mövzusunda distant formada ixtisasartırma kursu keçirilib. Kursda 18 vəkil iştirak edib. (təlimçi: Vəkillər Kollegiyasının və Kollegiyanın Biznes Hüququ Komitəsinin üzvü, “Veysəloğlu” Şirkətlər Qrupunun Hüquq və Komplayens direktoru Allahverən Oruclu)

11.    25 iyun 2025-ci il tarixində “Süni zəka ilə bağlı hüquqi məsələlər” mövzusunda distant formada ixtisasartırma kursu keçirilib. Kursda 21 vəkil iştirak edib. (təlimçi: Vəkillər Kollegiyasının və Kollegiyanın Biznes Hüququ Komitəsinin üzvü Roman Qaraşov)

12.    30 iyun 2025-ci il tarixində “Hüquqi yazı” mövzusunda distant formada ixtisasartırma kursu keçirilib. Kursda 20 vəkil iştirak edib. (təlimçi: Vəkillər Kollegiyasının üzvü Zaur Nağıyev)

13.    15 oktyabr 2025-ci il tarixində “Mülki icraat” mövzusunda distant formada ixtisasartırma kursu keçirilib. Kursda 36 vəkil iştirak edib. (təlimçi: Vəkillər Kollegiyasının üzvü Anar Məmişov)

14.    17 oktyabr 2025-ci il tarixində “İşgəncə cinayəti” mövzusunda distant formada ixtisasartırma kursu keçirilib. Kursda 30 vəkil iştirak edib. (təlimçi: Vəkillər Kollegiyasının üzvü, Sumqayıt Regional Vəkil Bürosunun müdiri Anar Qasımlı)

15.    22 oktyabr 2025-ci il tarixində “Məhkəmədə vəkilin hüquqları və vəzifələri” mövzusunda distant formada ixtisasartırma kursu keçirilib. Kursda 46 vəkil iştirak edib. (təlimçi: Vəkillər Kollegiyası İntizam Komissiyasının üzvü, “Kəngərli və Partnyorları” Vəkil Bürosunun müdiri İsmayıl Kəngərli)

16.    23 oktyabr 2025-ci il tarixində “Əqdlərin etibarsızlığı” mövzusunda distant formada ixtisasartırma kursu keçirilib. Kursda 45 vəkil iştirak edib. (təlimçi: Vəkillər Kollegiyasının üzvü Vamiq Şükürov)

17.    24 oktyabr 2025-ci il tarixində “Avropa İnsan Hüquqları Məhkəməsinin qərarları işığında şikayətin qəbul edilənlik şərtləri” mövzusunda distant formada ixtisasartırma kursu keçirilib. Kursda 29 vəkil iştirak edib. (təlimçi: Vəkillər Kollegiyasının üzvü: Sadiq Bağırov)

18.    27 oktyabr 2025-ci il tarixində “Müflisləşmə və iflas proseduru, Müflisləşmənin hüquqi əsasları və təcrübə” mövzusunda distant formada ixtisasartırma kursu keçirilib. Kursda 33 vəkil iştirak edib. (təlimçi: Vəkillər Kollegiyasının üzvü, Bakı şəhəri 24 saylı Vəkil Bürosunun vəkili, Vüsal Kazımzadə)

19.    31 oktyabr 2025-ci il tarixində “İstehlakçıların müdafiəsi hüququ” mövzusunda distant formada ixtisasartırma kursu keçirilib. Kursda 25 vəkil iştirak edib. (təlimçi: Vəkillər Kollegiyasının üzvü, Bakı Mühəndislik Universitetinin “Biznes hüququ” üzrə müəllimi Bəhruz Orucov)

20.    31 oktyabr 2025-ci il tarixində “Antiinhisar (Antirest) hüququ” mövzusunda distant formada ixtisasartırma kursu keçirilib. Kursda 26 vəkil iştirak edib. (təlimçi: Vəkillər Kollegiyasının üzvü Fidan Rüstəmli)

21.    14 noyabr 2025-ci il tarixində “Vəkilin uşaq hüquqlarının müdafiəsində iştirakının hüquqi aspektləri və həyata keçirilən tədbirlər” mövzusunda distant formada ixtisasartırma kursu keçirilib. Kursda 21 vəkil iştirak edib. (təlimçi: Vəkillər Kollegiyasının üzvü Cavanşir Qasımzadə)

22.    3 dekabr 2025-ci il tarixində “Vəkillərin qərəzsizliyi və peşəkar müstəqilliyi” mövzusunda distant formada ixtisasartırma kursu keçirilib. Kursda 22 vəkil iştirak edib. (təlimçi: Vəkillərin İntizam Komissiyasının və Vəkillər Kollegiyası Deontologiya Komitəsinin üzvü Elvin Əliyev)

23.    4 dekabr 2025-ci il tarixində “Vəkillərin etik davranış qaydaları və bu qaydaların praktikada tətbiqi” mövzusunda distant formada ixtisasartırma kursu keçirilib. Kursda 23 vəkil iştirak edib. (təlimçi: Vəkillər Kollegiyası Deontologiya Komitəsinin sədri, İntizam Komissiyasının üzvü, Bakı şəhəri 26 saylı Vəkil Bürosunun müdiri Paşa Səfərov)

24.    4 dekabr 2025-ci il tarixində “İqtisadi təmərküzələşmələr, iqtisadi təmərküzləşmələrə dövlət nəzarəti” mövzusunda distant formada ixtisasartırma kursu keçirilib. Kursda 25 vəkil iştirak edib. (təlimçi: Vəkillər Kollegiyasının üzvü Fidan Rüstəmli)

25.    5 dekabr 2025-ci il tarixində “Hüquqi yazı” mövzusunda distant formada ixtisasartırma kursu keçirilib. Kursda 27 vəkil iştirak edib. (təlimçi: Vəkillər Kollegiyasının üzvü Zaur Nağıyev)

26.    12 dekabr 2025-ci il tarixində “Təhqiqatçıların qanunsuz əməllərindən şikayətlərin verilməsi” mövzusunda distant formada ixtisasartırma kursu keçirilib. Kursda 57 vəkil iştirak edib. (təlimçi: Vəkillər Kollegiyasının üzvü, Bakı şəhəri 20 saylı Vəkil Bürosunun vəkili Rubayıl Səfərov)

27.    16 dekabr 2025-ci il tarixində “Xarici elementli mülki mübahisələrin həllinin təcrübi və praktiki məsələləri” mövzusunda distant formada ixtisasartırma kursu keçirilib. Kursda 37 vəkil iştirak edib. (təlimçi: Vəkillər Kollegiyasının üzvü, Bakı şəhəri 20 saylı Vəkil Bürosunun vəkili Teymur Babayev)

28.    16 dekabr 2025-ci il tarixində “Mediasiyada barışıq sazişinin tərtibində vəkillərin iştirakı, barışıq sazişinin icrası və yaranmış problemlərdən çıxış yolları” mövzusunda distant formada ixtisasartırma kursu keçirilib. Kursda 34 vəkil iştirak edib. (təlimçi: Vəkillər Kollegiyasının üzvü Qasım Şalıyev)

29.    17 dekabr 2025-ci il tarixində “Hökmran mövqe, ondan su-istifadə halları” mövzusunda distant formada ixtisasartırma kursu keçirilib. Kursda 22 vəkil iştirak edib. (təlimçi: Vəkillər Kollegiyasının üzvü Fidan Rüstəmli)

 

 

DİGƏR TƏLİMLƏR:

1.       11 yanvar 2025-ci il tarixində Vəkillər Kollegiyası Akademiyasının təşkilatçılığı ilə “Əsassız varlanma: mahiyyəti və hüquqi problemlər” mövzusu üzrə əyani formada təlim. Təlimdə 40 vəkil iştirak edib. (təlimçi: Ali Məhkəmənin Mülki və Kommersiya işləri üzrə məhkəmə təcrübəsi sektorunun müdiri, hüquq üzrə fəlsəfə doktoru, dosent Nazənin Hüseynova)

2.       18 yanvar 2025-ci il tarixində Vəkillər Kollegiyası Akademiyasının təşkilatçılığı ilə “Biznes hüququ sahəsində ümumqəbul edilmiş anlayışlar və onların hüquq praktikasında tətbiqi” mövzusu üzrə distant formada təlim. Təlimdə 59 vəkil iştirak edib. (təlimçi: Vəkillər Kollegiyasının üzvü Bəhruz Orucov)

3.       18 yanvar 2025-ci il tarixində Vəkillər Kollegiyası Akademiyasının təşkilatçılığı ilə Abşeron rayonunda fəaliyyət göstərən vəkillər üçün “Uşaqyönümlü hüquqi yardım (Uşaqların hüquqlarının cinayət, inzibati və mülki instansiyalarda  müdafiəsində vəkilin fəaliyyəti)” mövzusu üzrə əyani formada təlim. Təlimdə 19 vəkil iştirak edib. (təlimçi: UNİCEF-in eksperti, Vəkillər Kollegiyasının üzvü Rafiq Alışov)

4.       25 yanvar 2025-ci il tarixində Vəkillər Kollegiyası Akademiyasının təşkilatçılığı ilə “Vəkillərin elektron kabinetlərdən istifadəsinin səmərəliliyinə nail olunması” mövzusu üzrə distant formada təlim. Təlimdə 58 vəkil iştirak edib. (təlimçi: Vəkillər Kollegiyasının və “Elektron vəkillik” Komitəsinin üzvü Nurlan Səfərov)

5.       1 fevral 2025-ci il tarixində Vəkillər Kollegiyası Akademiyasının təşkilatçılığı ilə “Yeni vəkillər üçün mediasiya və mediasiya danışıqları (mediasiyanın prinsipləri, tərəflərin üzləşə biləcəyi risklər, mediasiyanın mərhələləri, qanunvericilik, imkanlar və boşluqlar, etik məsələlər)” mövzusu üzrə hibrid formada təlim. Təlimdə 55 vəkil iştirak edib. (təlimçi: Mediasiya Şurasının üzvü, hüquq üzrə fəlsəfə doktoru, dosent Fərhad Mehdiyev)

6.       5 fevral 2025-ci il tarixində Vəkillər Kollegiyası Akademiyasının təşkilatçılığı ilə “Uşaqyönümlü hüquqi yardım (Uşaqların hüquqlarının cinayət, inzibati və mülki instansiyalarda  müdafiəsində vəkilin fəaliyyəti)” mövzusu üzrə əyani formada təlim. Təlimdə 22 vəkil iştirak edib. (təlimçi: Kollegiyanın üzvü, UNİCEF-in eksperti Rafiq Alışov)

7.       8 fevral 2025-ci il tarixində Vəkillər Kollegiyası Akademiyasının təşkilatçılığı ilə “Birgə nikah dövründə əldə olunan əmlakın bölgüsü” mövzusu üzrə hibrid formada təlim. Təlimdə 92 vəkil iştirak edib. (təlimçi: Vəkillər Kollegiyasının üzvü, Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin Normativ hüquqi təminat şöbəsinin müdiri Könül Fərəcova)

8.     15 fevral 2025-ci il tarixində Vəkillər Kollegiyası Akademiyasının təşkilatçılığı ilə “Vəkilin reklam qadağası və onun sərhədləri” mövzusu üzrə hibrid formada təlim. Təlimdə 64 vəkil iştirak edib. (təlimçi: Vəkillərin İntizam Komissiyasının və Vəkillər Kollegiyası Deontologiya Komitəsinin üzvü Elvin Əliyev)

9.     22 fevral 2025-ci il tarixində Vəkillər Kollegiyası Akademiyasının təşkilatçılığı ilə "Vəkillər arasında etik münasibətlər" mövzusu üzrə distant formada təlim. Təlimdə 55 vəkil iştirak edib. (təlimçilər: Vəkillər Kollegiyası Deontologiya Komitəsinin sədri, İntizam Komissiyasının üzvü, Bakı şəhəri 26 saylı Vəkil Bürosunun müdiri Paşa Səfərov və Vəkillər Kollegiyası və Deontologiya Komitəsinin üzvü Vüsal Cəfərov)

10.  1 mart 2025-ci il tarixində Vəkillər Kollegiyası Akademiyasının təşkilatçılığı ilə “İnzibati icraatın əsasları və prinsipləri” mövzusu üzrə distant formada təlim. Təlimdə 102 vəkil iştirak edib. (təlimçi: Vəkillər Kollegiyasının üzvü Vəfadar Piriyev)

11.    11 mart 2025-ci il tarixində Vəkillər Kollegiyası Akademiyasının təşkilatçılığı ilə “Arbitraj ilə bağlı nəzəri və praktiki məşğələlər” mövzusu üzrə distant formada təlim. Təlimdə 59 vəkil iştirak edib. (təlimçi: Vəkillər Kollegiyasının üzvü, “Legalize Hüquq Şirkəti”nin təsisçi-partnyoru Fuad Qəşəmov)

12.    15 mart 2025-ci il tarixində Vəkillər Kollegiyası Akademiyasının təşkilatçılığı ilə "Vəkilin peşə fəaliyyətini həyata keçirərkən qarşılaşdığı etik çətinliklər və onların aradan qaldırılması yolları" mövzusu üzrə distant formada təlim. Təlimdə 38 vəkil iştirak edib. (təlimçilər: Vəkillər Kollegiyası Deontologiya Komitəsinin sədri, İntizam Komissiyasının üzvü, Bakı şəhəri 26 saylı Vəkil Bürosunun müdiri Paşa Səfərov və Vəkillər Kollegiyası Deontologiya Komitəsinin üzvü Araz Nurməmmədov)

13.    5 aprel 2025-ci il tarixində Vəkillər Kollegiyası Akademiyasının təşkilatçılığı ilə "Cinayət işlərində müdafiə taktikasının qurulması (ibtidai araşdırma və məhkəmə mərhələləri)" mövzusu üzrə hibrid formada təlim. Təlimdə 85 vəkil iştirak edib. (təlimçi: Vəkillər Kollegiyasının Rəyasət Heyətinin üzvü, Bakı şəhəri 20 saylı Vəkil Bürosunun müdiri İlhamə Həsənova)

14.  10 aprel 2025-ci il tarixində Vəkillər Kollegiyası Akademiyasının təşkilatçılığı ilə "Vəkilin internetə çıxışı və özünü ifadə etməsi" mövzusu üzrə distant formada təlim. Təlimdə 40 vəkil iştirak edib. (təlimçilər: Vəkillər Kollegiyası Deontologiya Komitəsinin sədri, İntizam Komissiyasının üzvü, Bakı şəhəri 26 saylı Vəkil Bürosunun müdiri Paşa Səfərov və Vəkillər Kollegiyası Deontologiya Komitəsinin üzvü Araz Nurməmmədov)

15.    12 aprel 2025-ci il tarixində Vəkillər Kollegiyası Akademiyasının təşkilatçılığı ilə "Tikinti müqavilələri üzrə mübahisələrin həlli" mövzusu üzrə hibrid formada təlim. Təlimdə 57 vəkil iştirak edib. (təlimçi: Vəkillər Kollegiyasının üzvü Elcan Həsənli)

16.    19 aprel 2025-ci il tarixində Vəkillər Kollegiyası Akademiyasının təşkilatçılığı ilə "Vəkilin sosial şəbəkədə fəaliyyətini təbliğ etməsi" mövzusu üzrə distant formada təlim. Təlimdə 29 vəkil iştirak edib. (təlimçi: Vəkillərin İntizam Komissiyasının və Vəkillər Kollegiyası Deontologiya Komitəsinin üzvü Elvin Əliyev)

17.    19 aprel 2025-ci il tarixində Vəkillər Kollegiyası Akademiyasının təşkilatçılığı ilə "Vergi mübahisələri" mövzusu üzrə hibrid formada təlim. Təlimdə 66 vəkil iştirak edib. (təlimçi: Vəkillər Kollegiyasının üzvü, “Acon Tax & Accounting” şirkətinin həmtəsisçisi və vergi meneceri Könül Bədəlova)

18.    22 aprel 2025-ci il tarixində Vəkillər Kollegiyası Akademiyasının təşkilatçılığı ilə "Hakim və vəkil münasibətlərində etik çərçivələr" mövzusu üzrə distant formada təlim. Təlimdə 48 vəkil iştirak edib. (təlimçi: Vəkillər Kollegiyası Deontologiya Komitəsinin sədri, İntizam Komissiyasının üzvü, Bakı şəhəri 26 saylı Vəkil Bürosunun müdiri Paşa Səfərov)

19.  23 aprel 2025-ci il tarixində Vəkillər Kollegiyası Akademiyasının təşkilatçılığı ilə "Vəkilin peşəkar nüfuzunu qorumaq öhdəliyi" mövzusu üzrə distant formada təlim. Təlimdə 44 vəkil iştirak edib. (təlimçi: Vəkillərin İntizam Komissiyasının və Vəkillər Kollegiyası Deontologiya Komitəsinin üzvü Elvin Əliyev)

20.    25 aprel 2025-ci il tarixində Vəkillər Kollegiyası Akademiyasının təşkilatçılığı ilə "Vəkilin fəaliyyətində deontoloji məsələlər" mövzusu üzrə distant formada təlim. Təlimdə 45 vəkil iştirak edib. (təlimçi: Vəkillər Kollegiyası Deontologiya Komitəsinin üzvü Araz Nurməmmədov)

21.    26 aprel 2025-ci il tarixində Vəkillər Kollegiyası Akademiyasının təşkilatçılığı ilə "Vəkilin sosial şəbəkələrdə davranışı" mövzusu üzrə distant formada təlim. Təlimdə 46 vəkil iştirak edib. (təlimçilər: Vəkillər Kollegiyası Deontologiya Komitəsinin sədri, İntizam Komissiyasının üzvü, Bakı şəhəri 26 saylı Vəkil Bürosunun müdiri Paşa Səfərov və Vəkillər Kollegiyasının və Deontologiya Komitəsinin üzvü Vüsal Cəfərov)

22.  3 may 2025-ci il tarixində Vəkillər Kollegiyası Akademiyasının təşkilatçılığı ilə "İcra icraatında icra hərəkətləri, məcburi icra tədbirləri və məsuliyyət" mövzusu üzrə hibrid formada təlim. Təlimdə 92 vəkil iştirak edib. (təlimçi: Vəkillər Kollegiyası Vəkillərin İntizam Komissiyasının üzvü, Vəkillərin İcra hüququ komitəsinin sədri Elşən Səfərov)

23.  10 may 2025-ci il tarixində Vəkillər Kollegiyası Akademiyasının təşkilatçılığı ilə "Məhkəmə araşdırmasında prosesual hüququn tətbiqinin aktual məsələləri" mövzusu üzrə distant formada təlim. Təlimdə 60 vəkil iştirak edib. (təlimçi: Vəkillər Kollegiyasının üzvü Samir İsayev)

24.  12 may 2025-ci il tarixində Vəkillər Kollegiyası Akademiyasının təşkilatçılığı ilə “Vəkilin öz vəzifələrinə hörmət və şərəflə yanaşması” mövzusu üzrə distant formada təlim. Təlimdə 40 vəkil iştirak edib. (təlimçi: Vəkillərin İntizam Komissiyasının və Vəkillər Kollegiyası Deontologiya Komitəsinin üzvü Elvin Əliyev)

25.    13 may 2025-ci il tarixində Vəkillər Kollegiyası Akademiyasının təşkilatçılığı ilə “Vəkillərin davranışının əsas prinsipləri” mövzusu üzrə distant formada təlim. Təlimdə 42 vəkil iştirak edib. (təlimçi: Vəkillərin İntizam Komissiyasının üzvü, “Kredo” Vəkil Bürosunun müdiri Elvin Səlimov)

26.    14 may 2025-ci il tarixində Vəkillər Kollegiyası Akademiyasının təşkilatçılığı ilə “Vəkilin davranış qaydalarını dəstəkləməsi” mövzusu üzrə distant formada təlim. Təlimdə 43 vəkil iştirak edib. (təlimçi: Vəkillərin İntizam Komissiyasının üzvü Ələskər Hüseynli)

27.    15 may 2025-ci il tarixində Vəkillər Kollegiyası Akademiyasının təşkilatçılığı ilə “Vəkilin cəmiyyətin vəkilliyə olan inamını saxlaması və artırması üçün lazımı səy göstərməsi” mövzusu üzrə distant formada təlim. Təlimdə 51 vəkil iştirak edib. (təlimçi: Vəkillərin İntizam Komissiyasının üzvü, “Mərkəz” Vəkil Bürosunun müdiri Gülşən Salmanova)

28.    24 may 2025-ci il tarixində Vəkillər Kollegiyası Akademiyasının təşkilatçılığı ilə "Avropa İnsan Hüquqları Məhkəməsinin Azərbaycan Respublikası ilə bağlı qərarları" mövzusu üzrə hibrid formada təlim. Təlimdə 67 vəkil iştirak edib. (təlimçi: Vəkillər Kollegiyasının üzvü, “İsmayılbəyli və Partnyorları” Vəkil Bürosunun müdiri Sevinc Əliyeva)

29.    31 may 2025-ci il tarixində Vəkillər Kollegiyası Akademiyasının təşkilatçılığı ilə “İqtisadi sferada cinayətlər” mövzusu üzrə distant formada təlim. Təlimdə 59 vəkil iştirak edib. (təlimçi: Vəkillər Kollegiyasının üzvü, Bakı Dövlət Universiteti Hüquq fakültəsinin dosenti, hüquq üzrə fəlsəfə doktoru Həbib Cəfərov)

30.    14 iyun 2025-ci il tarixində Vəkillər Kollegiyası Akademiyasının təşkilatçılığı ilə “Xarici dövlətlərin məhkəmə qərarlarının tanınması və icrası” mövzusu üzrə hibrid formada təlim. Təlimdə 76 vəkil iştirak edib. (təlimçi: Bakı Dövlət Universitetinin Hüquq fakültəsinin Beynəlxalq xüsusi hüquq və Avropa hüququ kafedrasının müdiri, hüquq üzrə fəlsəfə doktoru, dosent Əlizadə Məmmədov)

31.  21 iyun 2025-ci il tarixində  Vəkillər Kollegiyası Akademiyasının təşkilatçılığı ilə "İnzibati icraatda müddətlər" mövzusu üzrə distant formada təlim. Təlimdə 59 vəkil iştirak edib. (təlimçi: Vəkillər Kollegiyasının üzvü Vəfadar Piriyev)

32.    28 iyun 2025-ci il tarixində Vəkillər Kollegiyası Akademiyasının təşkilatçılığı ilə "Əmlak üzərində mülkiyyət hüququ, daşınmaz əmlakın alqı-satqısı və icarəsi" mövzusu üzrə distant formada təlim. Təlimdə 56 vəkil iştirak edib. (təlimçi: Vəkillər Kollegiyasının üzvü, “Alfa” Vəkil Bürosunun müdiri, hüquq üzrə fəlsəfə doktoru Cavid Cəfərov)

33.    03 iyul 2025-ci il tarixində Vəkillər Kollegiyası Tədris Mərkəzinin (02 iyul 2025-ci il tarixindən etibarən Vəkillər Kollegiyası Akademiyasının adı dəyişdirilərək) təşkilatçılığı ilə “Vəkil etikası və davranış qaydaları barədə ümumi müddəalar” mövzusu üzrə distant formada təlim. Təlimdə 32 vəkil iştirak edib. (təlimçi: Vəkillər Kollegiyası Rəyasət Heyətinin üzvü, Bakı şəhəri 4 saylı Vəkil Bürosunun müdiri Ramiz İbrahimov)

34.    04 iyul 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Vəkilin ona müraciət etmiş şəxslərə qarşı münasibəti” mövzusu üzrə distant formada təlim. Təlimdə 36 vəkil iştirak edib. (təlimçi: Vəkillər Kollegiyası Rəyasət Heyətinin üzvü, Bakı şəhəri 11 saylı Vəkil Bürosunun müdiri Azər Quliyev)

35.    05 iyul 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Evlərin söküntüsü və yaranan problemlərin məhkəmədə həlli qaydası” mövzusu üzrə hibrid formada təlim. Təlimdə 95 vəkil iştirak edib. (təlimçi: Vəkillər Kollegiyasının üzvü, Bakı Dövlət Universiteti Hüquq fakültəsinin Mülki proses və kommersiya hüququ kafedrasının müəllimi Qumru Eyvazova)

36.    12 iyul 2025-ci il tarixində Vəkillər Kollegiyası Tədris Mərkəzinin təşkilatçılığı ilə "İnzibati prosesdə məhkəmə aidiyyətinin müəyyən edilməsi xüsusiyyətləri" mövzusu üzrə distant formada təlim. Təlimdə 62 vəkil iştirak edib. (təlimçi: Vəkillər Kollegiyasının üzvü, hüquq elmləri doktoru Asif Qədirov)

37.  19 iyul 2025-ci il tarixində Vəkillər Kollegiyası Tədris Mərkəzinin təşkilatçılığı ilə "İcra icraatında tələbin əmlaka yönəldilməsində rast gəlinən bəzi problemlər" mövzusu üzrə distant formada təlim. Təlimdə 65 vəkil iştirak edib. (təlimçi: Vəkillər Kollegiyası Vəkillərin İcra hüququ komitəsinin üzvü, “Universal” Vəkil Bürosunun vəkili Rüstəm Rəhimov)

38.    20 iyul 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Süni intellekt və texnologiyaların hüquqa təsiri” mövzusu üzrə distant formada təlim. Təlimdə 61 vəkil iştirak edib. (təlimçi: Vəkillər Kollegiyasının və Elektron Vəkil Komitəsinin üzvü, İnnovasiya və Rəqəmsal İnkişaf Agentliyinin hüquqşünası Nurlan Səfərov)

39.    26 iyul 2025-ci il tarixində Vəkillər Kollegiyası Tədris Mərkəzinin təşkilatçılığı ilə "İnzibati məhkəmə icraatının aktual məsələləri" mövzusu üzrə əyani formada təlim. Təlimdə 43 vəkil iştirak edib. (təlimçi: Bakı Apellyasiya Məhkəməsinin hakimi Orxan İsmayılov)

40.  02 avqust 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Korporativ müştərilərə hüquqi yardımın göstərilməsində beynəlxalq təcrübə” mövzusu üzrə əyani formada təlim. Təlimdə 29 vəkil iştirak edib. (təlimçi: Vəkillər Kollegiyasının üzvü Bəhruz Orucov)

41.    09 avqust 2025-ci il tarixində Vəkillər Kollegiyası Tədris Mərkəzinin təşkilatçılığı ilə "Ailə hüququnun inkişafı: boşanma, qəyyumluq və aliment məsələləri" mövzusu üzrə əyani formada təlim. Təlimdə 49 vəkil iştirak edib. (təlimçi: əkillər Kollegiyasının üzvü, Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin Normativ hüquqi təminat şöbəsinin müdiri, Bakı Dövlət Universiteti SABAH qruplarının müəllimi Könül Fərəcova)

42.    16 avqust 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Qətimkan tədbirlərinin tətbiq edilməsinin əsasları” mövzusu üzrə distant formada təlim. Təlimdə 122 vəkil iştirak edib. (təlimçi: Vəkillər Kollegiyasının üzvü, Sumqayıt Regional Vəkil Bürosunun müdiri, Bakı Dövlət Universiteti Hüquq fakültəsinin müəllimi Anar Qasımlı)

43.    23 avqust 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Mübahisələrin alternativ həlli üsullarının hüquqi və etik tərəfləri” mövzusu üzrə distant formada təlim. Təlimdə 79 vəkil iştirak edib. (təlimçi: Vəkillər Kollegiyasının üzvü, “Legalize Hüquq Şirkəti”nin təsisçi-partnyoru Fuad Qəşəmov)

44.    30 avqust 2025-ci il tarixində Vəkillər Kollegiyası Tədris Mərkəzinin təşkilatçılığı ilə "Əlavə dəyər vergisi (ƏDV), onun hesablanması və ödənilməsi qaydası" mövzusu üzrə əyani formada təlim. Təlimdə 33 vəkil iştirak edib. (təlimçi: Vəkillər Kollegiyasının üzvü Vahid Hacı-zadə)

45.    06 sentyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Müflisləşmə və iflasın hüquqi əsasları, təcrübə və tətbiq qaydaları” mövzusu üzrə distant formada təlim. Təlimdə 91 vəkil iştirak edib. (təlimçi: Vəkillər Kollegiyasının üzvü, Bakı şəhəri 24 saylı Vəkil Bürosunun vəkili, Ləğvetmə Agentliyinin direktoru Vüsal Kazımzadə)

46.    13 sentyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "Qeyri-kommersiya qurumlarının dövlət qeydiyyatı; qeydiyyata alınmış qeyri-kommersiya qurumlarının təsis sənədlərində edilmiş dəyişikliklərin dövlət qeydiyyatı" mövzusu üzrə əyani formada təlim. Təlimdə 41 vəkil iştirak edib. (təlimçi: Vəkillər Kollegiyasının üzvü, hüquqi şəxslərin qeydiyyatı məsələləri üzrə ekspert Aytən Abbasova)

47.    13 sentyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Cəmiyyətdən təcridetmə ilə əlaqədar olmayan cəzaların icrası xüsusiyyətləri. Ədliyyə Nazirliyi Probasiya xidmətinin bu sahədə fəaliyyət istiqamətləri” mövzusu üzrə distant formada təlim. Təlimdə 54 vəkil iştirak edib. (təlimçi: Vəkillər Kollegiyasının üzvü Natiq Əliyev)

48.    20 sentyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Mülki münasibətlərdə iddia müddətləri” mövzusu üzrə distant formada təlim. Təlimdə 104 vəkil iştirak edib. (təlimçi: Vəkillər Kollegiyasının üzvü, Bakı şəhəri 20 saylı Vəkil Bürosunun vəkili Teymur Babayev)

49.    20 sentyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Məhkəmə mübahisələrində dövlət rüsumu məsələləri” mövzusu üzrə distant formada təlim. Təlimdə 56 vəkil iştirak edib. (təlimçi: Vəkillər Kollegiyasının üzvü, "Güvən" Vəkil Bürosunun vəkili Könül Əliyeva)

50.    24 sentyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Alqı-satqı müqavilələri sahəsində məhkəmə təcrübəsi” mövzusu üzrə distant formada təlim. Təlimdə 88 vəkil iştirak edib. (təlimçi: Vəkillər Kollegiyasının üzvü, Bakı şəhəri 20 saylı Vəkil Bürosunun vəkili Rubayıl Səfərov)

51.    28 sentyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "İnzibati qanunvericilikdə mövcud dəyişikliklər" mövzusu üzrə distant formada təlim. Təlimdə 94 vəkil iştirak edib. (təlimçi: Vəkillər Kollegiyasının üzvü Vəfadar Piriyev)

52.    01 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “İfadə azadlığı və vəkilin etik davranış qaydaları arasında sərhədlərin müəyyən edilməsi” mövzusu üzrə distant formada təlim. Təlimdə 45 vəkil iştirak edib. (təlimçi: Vəkillər Kollegiyası Deontologiya Komitəsinin sədri, İntizam Komissiyasının üzvü, Bakı şəhəri 26 saylı Vəkil Bürosunun müdiri Paşa Səfərov)

53.    03 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Vəkilin sosial şəbəkə hesabında öz peşəsinin nüfuzunu qoruması” mövzusu üzrə distant formada təlim. Təlimdə 40 vəkil iştirak edib. (təlimçi: təlimçi: Vəkillərin İntizam Komissiyasının və Vəkillər Kollegiyası Deontologiya Komitəsinin üzvü Elvin Əliyev)

54.    04 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "Həbslər, dindirilmə prosedurları və məhkəmə araşdırması" mövzusu üzrə əyani formada təlim. Təlimdə 53 vəkil iştirak edib. (təlimçi: Vəkillərin İxtisas Komissiyasının üzvü, ADA Universitetinin müəllimi Fərid Həsənov)

55.    04 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "Kassasiya şikayətlərinin elektron qaydada tərtib edilməsi zamanı vəkillər tərəfindən yol verilən prosessual pozuntuların aradan qaldırılması məqsədilə prosessual qanunvericilikdə nəzərdə tutulmuş tələblərin izahı" mövzusu üzrə distant formada təlim. Təlimdə 76 vəkil iştirak edib. (təlimçi: Vəkillər Kollegiyasının üzvü, Bakı şəhəri 18 saylı Vəkil Bürosunun vəkili Kamilə Quliyeva)

56.    06 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Vəkillər arasında etimada və əməkdaşlığa əsaslanan münasibətlər” mövzusu üzrə distant formada təlim. Təlimdə 39 vəkil iştirak edib. (təlimçi: Vəkillər Kollegiyası Deontologiya Komitəsinin üzvü Araz Nurməmmədov)

57.    08 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Vəkilin peşə fəaliyyətindən kənar davranışı zamanı nəzərə alınmalı hallar” mövzusu üzrə distant formada təlim. Təlimdə 39 vəkil iştirak edib. (təlimçilər: Vəkillər Kollegiyası Deontologiya Komitəsinin sədri, İntizam Komissiyasının üzvü, Bakı şəhəri 26 saylı Vəkil Bürosunun müdiri Paşa Səfərov və Vəkillər Kollegiyası Deontologiya Komitəsinin üzvü Vüsal Cəfərov)

58.    11 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "İnsan alverinə qarşı mübarizə" mövzusu üzrə əyani formada təlim. Təlimdə 23 vəkil iştirak edib. (təlimçi: Vəkillər Kollegiyasının üzvü, "Femida" Vəkil Bürosunun müdiri Pənah Məmmədov)

59.    11 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "İş yerində diskriminasiya və fərdi əmək mübahisələrinin həlli" mövzusu üzrə distant formada təlim. Təlimdə 53 vəkil iştirak edib. (təlimçi: Vəkillər Kollegiyasının üzvü, "Arbitrium" Vəkil Bürosunun vəkili İradə Hacıyeva)

60.    13 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Vəkillik peşəsinə inamı sarsıdacaq hərəkət və davranışlar” mövzusu üzrə distant formada təlim. Təlimdə 41 vəkil iştirak edib. (təlimçi: Vəkillər Kollegiyası Rəyasət Heyətinin üzvü, Bakı şəhəri 4 saylı Vəkil Bürosunun müdiri Ramiz İbrahimov)

61.    15 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Vəkilin göstərdiyi hüquqi yardımla bağlı ictimaiyyəti məlumatlandırmaq öhdəliyi” mövzusu üzrə distant formada təlim. Təlimdə 47 vəkil iştirak edib. (təlimçi: Vəkillər Kollegiyası İntizam Komissiyasının üzvü, "Mərkəz" Vəkil Bürosunun müdiri Gülşən Salmanova)

62.    17 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Müştəri maraqları ilə peşə nüfuzunu qorumaq öhdəliyi arasında balansın qorunması” mövzusu üzrə distant formada təlim. Təlimdə 44 vəkil iştirak edib. (təlimçi: Vəkillər Kollegiyası İntizam Komissiyasının üzvü, "Kredo" Vəkil Bürosunun müdiri Elvin Səlimov)

63.    18 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "Vəkillik psixologiyası" mövzusu üzrə əyani formada təlim. Təlimdə 33 vəkil iştirak edib. (təlimçi: Ədliyyə müşaviri, kliniki (tibbi) psixoloq Vidadi Mayıl)

64.    21 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Etik davranış qaydalarının pozulması ilə bağlı intizam icraatının xüsusiyyətləri” mövzusu üzrə distant formada təlim. Təlimdə 48 vəkil iştirak edib. (təlimçi: Vəkillər Kollegiyası İntizam Komissiyasının üzvü, “Kəngərli və Partnyorları” Vəkil Bürosunun müdiri İsmayıl Kəngərli)

65.    23 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Vəkilin vəkilliyin və ədalət mühakiməsinin inkişafında rolu” mövzusu üzrə distant formada təlim. Təlimdə 43 vəkil iştirak edib. (təlimçilər: Vəkillər Kollegiyası Deontologiya Komitəsinin sədri, İntizam Komissiyasının üzvü, Bakı şəhəri 26 saylı Vəkil Bürosunun müdiri Paşa Səfərov və Vəkillər Kollegiyasının üzvü Esmira Tağıyeva)

66.    25 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "Beynəlxalq əməliyyatlar zamanı vergitutma. İkiqat vergitutmanın aradan qaldırılması sazişləri" mövzusu üzrə əyani formada təlim. Təlimdə 34 vəkil iştirak edib. (təlimçi: Vəkillər Kollegiyasının üzvü, “Acon Tax & Accounting” şirkətinin həmtəsisçisi və vergi meneceri Könül Bədəlova)

67.    25 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Vəkillər arasında haqsız rəqabət və etik tərəflər” mövzusu üzrə distant formada təlim. Təlimdə 38 vəkil iştirak edib. (təlimçilər: Vəkillər Kollegiyası Deontologiya Komitəsinin üzvü Araz Nurməmmədov və Vəkillər Kollegiyasının üzvü Zinyət Ağamalıyeva)

68.    26 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "Vəkillik bacarıqları" mövzusu üzrə distant formada təlim. Təlimdə 51 vəkil iştirak edib. (təlimçi: Vəkillər Kollegiyasının üzvü Vamiq Şükürov)

69.    27 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Vəkilin ona müraciət etmiş şəxsə qarşı etik münasibəti” mövzusu üzrə distant formada təlim. Təlimdə 54 vəkil iştirak edib. (təlimçilər: Vəkillər Kollegiyası İntizam Komissiyasının və Deontologiya Komitəsinin üzvü Elvin Əliyev və “Presedent” Vəkil Bürosunun müdiri Zülfiyyə Həşimova)

70.    29 oktyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Vəkilin öz fəaliyyətinin təbliği zamanı istifadə edəcəyi imkanlar” mövzusu üzrə distant formada təlim. Təlimdə 51 vəkil iştirak edib. (təlimçilər: Vəkillər Kollegiyası Deontologiya Komitəsinin sədri, İntizam Komissiyasının üzvü, Bakı şəhəri 26 saylı Vəkil Bürosunun müdiri Paşa Səfərov və Bakı şəhəri 36 saylı Vəkil Bürosunun müdiri Ceyhun Bayramov)

71.    01 noyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "Beynəlxalq Əmək Təşkilatının təcrübəsi və məhkəmə praktikasında tətbiqi" mövzusu üzrə əyani formada təlim. Təlimdə 21 vəkil iştirak edib. (təlimçi: Vəkillər Kollegiyasının üzvü, “Sahibkarların Hüquqi və İqtisadi Maarifləndirməsi” İctimai Birliyinin sədri, Bakı Dövlət Universitetinin müəllimi, hüquq üzrə fəlsəfə doktoru Fərhad Səttarov)

72.    08 noyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Qeyri-həyat sığortasında hüquqi risklər və peşəkar müdafiə mexanizmləri” mövzusu üzrə distant formada təlim. Təlimdə 63 vəkil iştirak edib. (təlimçi: Vəkillər Kollegiyasının üzvü, "Faiq Nağıyev və partnyorları" Vəkil Bürosunun vəkili, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin Abşeron-Xızı Regional Təhsil İdarəsində hüquq məsələləri üzrə baş məsləhətçisi Səbuhi Paşayev)

73.    08 noyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Hazırki mediasiya praktikasında vəkillərin üzləşdiyi problemlərin öyrənilməsi və həll yolları” mövzusu üzrə distant formada təlim. Təlimdə 42 vəkil iştirak edib. (təlimçi: Bakı şəhəri 1 saylı Mediasiya Təşkilatının direktoru, Bakı Dövlət Universitetinin Hüquq fakültəsinin müəllimi, hüquq üzrə fəlsəfə doktoru Şahin Məmmədrzalı)

74.    15 noyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Sığorta ödənişindən imtinanın hüquqi əsasları və məhkəmə təcrübəsi” mövzusu üzrə əyani formada təlim. Təlimdə 29 vəkil iştirak edib. (təlimçi: Vəkillər Kollegiyasının üzvü, “Presedent” Vəkil Bürosunun vəkili, Kənd Təsərrüfatı Nazirliyi tabeliyində “Aqrar tədarük və təchizat” ASC-nın baş hüquqşünası Günay Musayeva)

75.    22 noyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Girovun və ipotekanın yaranması əsasları” mövzusu üzrə distant formada təlim. Təlimdə 70 vəkil iştirak edib. (təlimçi: Vəkillər Kollegiyasının üzvü, Gəncə Regional Vəkil Bürosunun vəkili, "Bank of Baku" ASC-nin Məhkəmə və icra işləri üzrə hüquq departamentinin baş hüquqşünası Asif Abdullayev)

76.    22 noyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Rəqabət qaydaları. Ümumi baxış” mövzusu üzrə distant formada təlim. Təlimdə 45 vəkil iştirak edib. (təlimçi: Vəkillər Kollegiyasının və Kollegiyanın Biznes Hüququ Komitəsinin üzvü, “Veysəloğlu” Şirkətlər Qrupunun Hüquq və Komplayens direktoru Allahverən Oruclu)

77.    29 noyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Kulturologiya və hüquqi mədəniyyət” mövzusu üzrə əyani formada təlim. Təlimdə 25 vəkil iştirak edib. (təlimçi: kulturoloq, tarix elmləri doktoru, professor Fuad Məmmədov)

78.    29 noyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Vergi yoxlamaları nəticəsində yaranan mübahisələr, onların məhkəmə müstəvisində həlli” mövzusu üzrə distant formada təlim. Təlimdə 81 vəkil iştirak edib. (təlimçi: Vəkillər Kollegiyasının üzvü, "Universal" Vəkil Bürosunun müdiri, Odlar Yurdu Universitetinin dosenti, iqtisadiyyat üzrə fəlsəfə doktoru Rahim Əlizadə)

79.    5 dekabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Dövlət satınalmalarının hüquqi tənzimlənməsi” mövzusu üzrə distant formada təlim. Təlimdə 49 vəkil iştirak edib. (təlimçi: Vəkillər Kollegiyasının və Biznes Hüququ Komitəsinin üzvü Roman Qaraşov)

80.    6 dekabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Narkotik vasitələrinin qanunsuz dövriyyəsinə dair cinayət işləri üzrə vəkilin praktiki vərdişləri” mövzusu üzrə əyani formada təlim. Təlimdə 36 vəkil iştirak edib. (təlimçi: Vəkillər Kollegiyası Rəyasət Heyətinin üzvü, Bakı şəhəri 11 saylı Vəkil Bürosunun müdiri Azər Quliyev)

81.    13 dekabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Şəxsi məlumatlar və kiberistismar - internet cinayətləri” mövzusu üzrə əyani formada təlim. Təlimdə 27 vəkil iştirak edib. (təlimçi: Vəkillər Kollegiyasının üzvü, “Kibercinayətkarlıq” Komitəsinin sədri, Bakı Dövlət Universiteti Hüquq fakültəsinin “Hüquq klinikası”nın rəhbəri, hüquq üzrə fəlsəfə doktoru Asif Mustafayev)

82.    14 dekabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Dövlət satınalmalarına giriş: satın alan təşkilatlar, təchizatçılar və təchizatçılara dair tənzimlənmələr” mövzusu üzrə distant formada təlim. Təlimdə 51 vəkil iştirak edib. (təlimçi: Vəkillər Kollegiyasının üzvü, “Unico” QSC-nin korporativ baş hüquqşünası Ozal Xəlilov)

83.    17 dekabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “Torpaq sahələrinə mülkiyyət hüquqlarının əldə edilməsinin hüquqi əsasları və bu sahədə məhkəmə təcrübəsi” mövzusu üzrə distant formada təlim. Təlimdə 98 vəkil iştirak edib. (təlimçi: Vəkillər Kollegiyasının üzvü, "Azpetrol Ltd" MMC-nin Hüquq şöbəsinin rəisi Vasif Hüseynov)

84.               20 dekabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə “İnzibati məhkəmə icraatında nəzəri və praktiki problemlər” mövzusu üzrə əyani formada təlim. Təlimdə 32 vəkil iştirak edib. (təlimçi: Vəkillər Kollegiyasının üzvü Vəfadar Piriyev).

 

“Vəkildən gənc hüquqşünasa” layihəsi

1. 15 mart 2025-ci il tarixində Vəkillər Kollegiyası Akademiyasının təşkilatçılığı ilə "Korporativ hüququn əsasları" mövzusu üzrə əyani formada təlim. Təlimdə 37 gənc hüquqşünas iştirak edib. (təlimçilər: Vəkillər Kollegiyasının üzvü, “CSS Konsaltinq” şirkətinin rəhbəri Nuridə İbrahimova və Vəkillər Kollegiyasının üzvü, “General Supply” QSC-nin baş hüquqşünası Səkinə Əliyeva)

2. 24 may 2025-ci il tarixində Vəkillər Kollegiyası Akademiyasının təşkilatçılığı ilə "Birinci instansiya məhkəmə icraatı" mövzusu üzrə əyani formada təlim. Təlimdə 18 gənc hüquqşünas iştirak edib. (təlimçilər: Vəkillər Kollegiyasının üzvü, “Sirius” Vəkil Bürosunun vəkili, "CSS Konsaltinq" şirkətinin rəhbəri Nuridə İbrahimova və Vəkillər Kollegiyasının üzvü, “Union” Vəkil Bürosunun vəkili, "CSS Konsaltinq" şirkətinin aparıcı hüquqşünası Səma Əhmədova)

3. 06 sentyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "Daşınmaz əmlakla bağlı mübahisələrin xüsusiyyətləri" mövzusu üzrə əyani formada təlim. Təlimdə 41 gənc hüquqşünas iştirak edib. (təlimçilər: Vəkillər Kollegiyasının üzvü, “Sirius” Vəkil Bürosunun vəkili, "CSS Konsaltinq" şirkətinin rəhbəri Nuridə İbrahimova və Vəkillər Kollegiyasının üzvü, “Sirius” Vəkil Bürosunun vəkili, Dövlət Gömrük Komitəsinin Akademiyasının müəllimi Lalə Məmmədli)

4. 01 noyabr 2025-ci il tarixində Vəkillər Kollegiyası Tədris Mərkəzinin təşkilatçılığı ilə "Hüquqi şəxsin yenidən təşkili" mövzusu üzrə əyani formada təlim. Təlimdə 37 gənc hüquqşünas iştirak edib. (təlimçilər: Vəkillər Kollegiyasının üzvü, “Sirius” Vəkil Bürosunun vəkili, "CSS Konsaltinq" şirkətinin rəhbəri Nuridə İbrahimova və Vəkillər Kollegiyasının üzvü, "Ekol" Vəkil Bürosunun vəkili, “Aztelekom” MMC-nin Korporativ hüquqi tənzimlənmə şöbəsinin müdiri Aysel Şərifova).

 

 

BEYNƏLXALQ ƏMƏKDAŞLIQ

İlk olaraq qeyd etmək lazımdır ki, 2025-ci il də Vəkillər Kollegiyası (VK) üçün beynəlxalq arenada əlamətdar il olub. Belə ki, görülən işlərin davamı olaraq, VK üzvü, Kollegiyanın “Gənc Vəkillər” Komitəsinin həmsədri və Avropa Gənc Vəkillər Assosiasiyasında (EYBA) səlahiyyətli nümayəndə qismində təmsil olunan Yunis Nəsibov EYBA-nın İcraiyyə Komitəsinə üzv seçilib. Eyni zamanda 2026-cı ildə EYBA-nın payız konfransının Bakıda keçirilməsi barədə qərar qəbul edilib ki, bu da Azərbaycan vəkilliyinin beynəlxalq nüfuzunun artmasının bariz nümunəsidir.

Son 8 il ərzində VK Avropa Vəkillər Kollegiyaları və Hüquq Cəmiyyətləri Şurası (CCBE), Asiya və Sakit Okean Hüquq Assosiasiyası (LAWASIA), Beynəlxalq Vəkillər Assosiasiyası (UIA), Avropa Vəkillər Assosiasiyası (AEA-EAL) kimi nüfuzlu qurumlara üzv qəbul olunub. 2025-ci ildə də bu təşkilatlarla yanaşı, Birləşmiş Millətlər Təşkilatının (BMT) ixtisaslaşmış qurumları və Avropa Şurası ilə əməkdaşlıq əlaqələri davam etdirilib və daha da möhkəmləndirilib.

Hesabat ilində VK rəhbərliyi və üzvləri Avstriya, Qırğız Respublikası, İtaliya, Türkiyə, Niderland, Özbəkistan, Küveyt, Çin, Gürcüstan, Fransa və Rumıniyada keçirilən tədbirlərdə iştirak edib, vebinar və simpoziumlara onlayn qatılaraq Azərbaycan vəkilliyini layiqincə təmsil edib. Tədbirlərdə çıxışlar olunub, beynəlxalq təcrübə mübadiləsi aparılıb. Digər tərəfdən Bakıda təşkil olunan beynəlxalq tədbirlərdə də Kollegiya rəhbərliyi fəal iştirak edib, xarici qonaqların və vəkillərin ölkəmizə səfərləri çərçivəsində əməkdaşlıq əlaqələri gücləndirilib.

Qeyd edək ki, hesabat ili ərzində VK Rəyasət Heyətinə beynəlxalq təşkilatlardan ümumilikdə 71 sənəd daxil olub. Bununla yanaşı, Kollegiya üzvləri müxtəlif beynəlxalq səfərlərdə, görüşlərdə, eləcə də təlim və seminar proqramlarında iştirak edərək bilik və təcrübələrini daha da zənginləşdiriblər. Bu fəaliyyətlər Azərbaycan vəkilliyinin beynəlxalq hüquqi müstəvidə mövqeyini daha da gücləndirib.

Beləliklə, xronoloji olaraq qeyd edək ki, fevralın 25-də VK sədri, Azərbaycan Respublikasının Korrupsiyaya qarşı mübarizə üzrə Komissiyasının üzvü Anar Bağırovun başçılıq etdiyi nümayəndə heyəti Avstriyanın Laksenburq əyalətində yerləşən Beynəlxalq Antikorrupsiya Akademiyasına səfər edib və Akademiyanın rektoru Slagjana Taseva ilə görüş keçirib. Görüş zamanı tərəflər gələcək qarşılıqlı əməkdaşlıq strategiyalarını müzakirə edərək, vəkillərin peşəkar inkişafı və təhsilinin dəstəklənməsi istiqamətində konkret addımların atılması barədə razılığa gəliblər.

Həmçinin səfər çərçivəsində Avstriyanın paytaxtı Vyana şəhərində CCBE-nin "Mübadilə, əməkdaşlıq və dəstək platforması" (PECO) Komitəsinin fevralın 26-da növbəti iclası keçirilib. Kollegiyanın sədri Anar Bağırovun başçılıq etdiyi nümayəndə heyəti iclasda iştirak edib və son illər VK-da görülən işlər barədə məlumat verilib.   

Fevralın 27-də isə nümayəndə heyəti Vyana səfəri çərçivəsində CCBE-nin Daimi Komitələrinin iclaslarında iştirak edib. İclas zamanı Komitə üzvləri gündəlikdə olan və səsverməyə çıxarılan məsələlərlə bağlı müzakirələr aparıb və sözügedən təşkilatın gələcək fəaliyyət istiqamətlərinə dair qərarlar qəbul ediblər.

Bir gün sonra - fevralın 28-də isə Kollegiyanın sədri Anar Bağırovun rəhbərlik etdiyi nümayəndə heyəti Avstriya Vəkillər Kollegiyasının dəvəti ilə Avropa Vəkillər Kollegiyaları rəhbərlərinin 53-cü konfransında iştirak edib. Konfrans çərçivəsində iştirakçılar Avstriya Federal Kanslerinin və Avstriya federal ədliyyə nazirinin qəbulunda olublar.

Bundan başqa, 28 fevral-02 mart tarixlərində VK-nın nümayəndə heyəti - Kollegiyanın sədr müavini Aydın Axundov və Kollegiyanın Rəyasət Heyətinin üzvü Muxtar Mustafayev Qırğız Respublikası Vəkillər Kollegiyasının dəvəti ilə Qırğız Respublikası vəkilliyinin 100 illiyinə həsr olunan yubiley tədbirlərində iştirak etmək üçün bu ölkədə rəsmi səfərdə olub. Ziyafət zamanı çıxış edən VK-nın sədr müavini Aydın Axundov Qırğız Respublikası vəkillərini salamlayıb, xoş arzularını çatdırıb və dəvət üçün təşəkkürünü bildirib.

20-23 mart tarixlərində İtaliyanın paytaxtı Roma şəhərində EYBA-nın təşkilatçılığı və İtaliya Gənc Vəkillər Assosiasiyasının dəstəyi ilə növbəti geniş miqyaslı beynəlxalq yaz konfransı keçirilib. Sözügedən konfransa VK-nın EYBA-da səlahiyyətli nümayəndəsi Yunis Nəsibov və Kollegiyanın üzvü Nurəngiz Qarayeva qatılıb. 

Aprelin 24-25 tarixlərində isə VK sədri, hüquq elmləri üzrə fəlsəfə doktoru Anar Bağırovun rəhbərlik etdiyi nümayəndə heyəti Türkiyənin İzmir şəhərində yerləşən Dokuz Eylül Universitetinin dəvəti ilə “Ətraf mühit hüququnun müasir problemləri” mövzusunda keçirilən beynəlxalq konqresdə iştirak edib. 15-dən çox ölkədən hüquqşünas alimlərin, vəkillərin iştirak etdiyi beynəlxalq tədbirə Kollegiyanın sədri Anar Bağırovla yanaşı, VK Vəkillərin İxtisas Komissiyasının sədri professor Turqay Hüseynov və Aparat rəhbərinin müavini Səttar Məmmədov da qatılıb.

Eyni zamanda 24-26 aprel tarixlərində Türkiyənin Balıkesir Universiteti və İstanbul Universiteti, Vəkillər Kollegiyası Akademiyası (indiki adı VK Tədris Mərkəzi), Bakı Dövlət Universiteti, Dövlət Gömrük Komitəsinin Akademiyası, Buxara Dövlət Universiteti, Gülüstan Dövlət Universiteti, Daşkənd İqtisadiyyat Universiteti, Əl-Fərabi Qazax Milli Universiteti, Qazaxıstan Milli Aqrar Universitetinin təşkilatçılığı ilə “Stratejik Bir Alan Olarak İdare Hukukunda Tarım Faaliyeti ve Doğal Çevrenin Korunması” mövzusunda “5. İdare Hukuku ve İdari Yargı Uluslararası Sempozyumu” (ISALAJ-2025) təşkil olunub. 20-dən çox ölkənin nümayəndəsinin, alim və tədqiqatçıların qatıldığı tədbirdə VK Akademiyası təşkilatçılardan biri olaraq iştirak edib və simpoziumda istər əyani, istərsə də, onlayn formada Kollegiyanın üzvləri tezislərlə çıxış ediblər.

29-30 may tarixlərində isə VK-nın sədri Anar Bağırovun rəhbərlik etdiyi nümayəndə heyəti Özbəkistan Respublikası Vəkillər Palatasının dəvəti ilə sözügedən ölkənin paytaxtı Daşkənd şəhərində keçirilən “Daşkənd Hüquq Baharı” adlı IV Beynəlxalq Hüquq Forumunda iştirak edib. Tədbirdə çıxış edən Anar Bağırov Azərbaycanda vəkillik fəaliyyətində tətbiq olunan bir sıra innovativ yanaşmalar və rəqəmsal halları diqqətə çatdırıb.

Bundan başqa, hesabat ili çərçivəsində Niderlandın paytaxtı Amsterdam şəhərində EYBA-nın təşkilatçılığı ilə növbəti beynəlxalq konfransı və sözügedən təşkilatın İllik Ümumi Yığıncağı keçirilib. Kollegiyanın üzvü, VK-nın “Gənc Vəkillər” Komitəsinin həmsədri, Kollegiyanın EYBA-dakı səlahiyyətli nümayəndəsi Yunis Nəsibovun qatıldığı tədbirdə 2026-cı ildə EYBA-nın payız konfransının Bakı şəhərində keçirilməsi barədə qərar qəbul edilib. Həmçinin səsverməyə görə, Yunis Nəsibov EYBA-nın İcraiyyə Komitəsinə üzv seçilib.

Avqustun 26-da isə Özbəkistan Respublikasının Vəkillər Kollegiyası və sözügedən Kollegiyanın Qadın Vəkillər Alyansının təşkilatçılığı ilə “Qadın vəkillərin hüquq cəmiyyətində rolu və təsiri” mövzusunda forum keçirilib. Hibrid formatında baş tutan tədbirə VK Rəyasət Heyətinin üzvü, Qadın Vəkillər Alyansının sədri Dilarə Əfrasiyabova onlayn formada qoşulub və çıxış edib.

Həmçinin hesabat ilində Kollegiyasının sədri hüquq üzrə fəlsəfə doktoru Anar Bağırovun İstanbul Universiteti Hüquq fakültəsi tərəfindən nəşr olunan “İstanbul Hukuk Mecmuası” elmi jurnalının 2025, №2 sayının, 83-cü cildində “Adli yardım hakkı ile bilgi edinme hakkı arasındaki etkileşim: Hukuk teknolojisinin sağladığı fırsatlar” adlı məqaləsi dərc olunub.

Eyni zamanda oktyabrın 12-də Vyetnamın Hanoy şəhərində LAWASIA tərəfindən təşkil edilən 38-ci beynəlxalq konfrans keçirilib. Tədbirdə VK sədri Anar Bağırov “İnsan resurslarının inkişafı: Sərhədlərarası “Bir Kəmər - Bir Yol” layihələrində hüquqi bacarıqların formalaşdırılması” mövzusunda videoformatda çıxış edib.

25 oktyabr tarixində isə Azərbaycan Arbitraj Assosiasiyası və Bakı Arbitraj Mərkəzinin birgə təşkilatçılığı ilə “Azərbaycan Arbitraj Günləri 2025” çərçivəsində beynəlxalq konfransın ikinci günü keçirilib. 600-dən çox iştirakçı, o cümlədən 70-dən artıq aparıcı mütəxəssis, hüquqşünas və dövlət rəsmilərinin qatıldığı tədbirin ikinci günündə Kollegiya sədri Anar Bağırov açılış nitqi ilə çıxış edib.

Bundan başqa, 28-29 oktyabr tarixlərində “Azərbaycanda mediasiyanın təşviqi” layihəsi çərçivəsində Məhkəmə-Hüquq Şurasının, ədliyyə və xarici işlər nazirliklərinin, Vəkillər Kollegiyasının və Mediasiya Şurasının nümayəndələrindən ibarət heyət Portuqaliyada səfərdə olublar. Tədbirdə VK Rəyasət Heyətinin üzvü, Bakı şəhəri 20 saylı Vəkil Bürosunun müdiri İlhamə Həsənova da iştirak edib.

Oktyabrın 30-da isə Küveytin paytaxtı Əl-Küveyt şəhərində Küveyt Vəkillər Kollegiyasının təşkilatçılığı ilə "Gələcəyə istiqamət verən baxış" adlı beynəlxalq konfrans keçirilib. Tədbirdə VK-nın sədr müavini, Hüquqi Yardım Mərkəzinin direktoru Şahmar Məmmədov iştirak edərək çıxış edib.

Həmçinin oktyabrın 29-31-də Çin Xalq Respublikasının Sincan-Uyğur Muxtar Rayonunun Kaşı şəhərində “Çin (Kaşı) Mərkəzi və Cənubi Asiya – Hüququn aliliyi 2025” adlı beynəlxalq forum keçirilib. Tədbirdə Kollegiyanı qurumun Rəyasət Heyətinin üzvü Elçin Usub və VK-nın Beynəlxalq Əməkdaşlıq Şöbəsinin müdiri Gözəl Hüseynzadə təmsil ediblər.

Bundan əlavə, noyabrın 4-də VK-nın inzibati binasında Türkiyənin Eskişehir Barosunun rəhbəri Barış Günaydının rəhbərlik etdiyi nümayəndə heyəti ilə görüş keçirilib. Görüşü giriş sözü ilə açan Kollegiyanın sədri Anar Bağırov qonaqları salamlayaraq Azərbaycan ilə Türkiyə arasında mövcud olan qardaşlıq və dostluq münasibətlərinin hüquq sahəsində də getdikcə möhkəmləndiyini vurğulayıb.

8-9 noyabr tarixlərində isə VK sədri Anar Bağırovun rəhbərlik etdiyi nümayəndə heyəti Gürcüstan Vəkillər Kollegiyasının (GVK) dəvəti ilə GVK-nın 20 illik yubileyinə həsr edilmiş “Hüquqşünasların (Vəkillərin) Müdafiəsi haqqında Konvensiya – Hüququn aliliyinin qorunması üçün səmərəli vasitə” mövzusunda keçirilən beynəlxalq konfransda və digər yubiley tədbirlərində iştirak etmək üçün Tbilisi şəhərində rəsmi səfərdə olub. Konfransda VK sədri Anar Bağırov “Vəkillik peşəsinin müstəqilliyinin və keyfiyyətli ədalət mühakiməsinin təmin edilməsində özünüidarə edən Vəkillər kollegiyalarının rolu” mövzusunda çıxış edib.

Eyni zamanda 26-28 noyabr tarixlərində Fransanın paytaxtı Paris şəhərində CCBE-nin plenar iclası və PECO-nun tədbiri keçirilib. İclas və tədbirdə VK-nı Rəyasət Heyətinin üzvü Elçin Usub təmsil edib.

Dekabrın 11-13-də VK sədri Anar Bağırovun başçılıq etdiyi nümayəndə heyəti Rumıniya Vəkillər Kollegiyasının (RVK) dəvəti ilə bu ölkənin paytaxtı Buxarest şəhərində rəsmi səfərdə olub. Səfərin ilk günü nümayəndə heyəti Buxarestin Tey Parkında ucaldılmış müasir müstəqil Azərbaycanın memarı və qurucusu, xalqımızın dahi oğlu və Ümummilli Lideri Heydər Əliyevin abidəsini ziyarət edib. Abidənin önünə gül dəstələri qoyulub, Ulu Öndərin əziz xatirəsi böyük ehtiram və dərin hörmətlə anılıb. Səfər çərçivəsində nümayəndə heyəti Rumıniyanın Ədliyyə Nazirliyində görüş keçirib. Görüşdə Rumıniyanın Ədliyyə Nazirliyinin Dövlət katibi Roksana Simona Momeu və Kollegiya sədri Anar Bağırov çıxış edib. Kollegiyanın sədri Anar Bağırovun rəhbərlik etdiyi nümayəndə heyəti Azərbaycanın bu ölkədəki səfirliyini ziyarət edib. Ziyarət zamanı nümayəndə heyəti səfirliyin heyəti ilə görüşüb, iş şəraiti ilə maraqlanıb. VK sədri Anar Bağırovun rəhbərlik etdiyi nümayəndə heyəti dekabrın 12-də RVK-nın İllik Konfransında iştirak edib, habelə iki qurum arasında geniş tərkibdə görüş keçirilib.  

Dekabrın 18-də isə Sumqayıt Regional Vəkil Bürosunun nümayəndə heyəti Türkiyənin Eskişehir Barosunun dəvəti ilə Eskişehir şəhərində səfərdə olublar. Səfər çərçivəsində Sumqayıt Regional Vəkil Bürosu ilə Eskişehir Barosunun qardaşlaşmış büro elan edilməsi barədə protokol imzalanıb.

 

Beynəlxalq əməkdaşlıq çərçivəsində keçirilən təlimlər və seminarlar

25-26 fevral tarixlərində VK ilə Avropa Şurasının Bakıdakı Ofisinin birgə əməkdaşlığı ilə Şuranın 2022-2025-ci illər üzrə Azərbaycan üçün Fəaliyyət Planının tərkib hissəsi olan "Azərbaycanda media peşəkarlığı və informasiya azadlığının təşviqi" layihəsi çərçivəsində Kollegiya üzvləri üçün əyani formada informasiya əldə etmək standartları üzrə 2 günlük təlim keçirilib. Avropa Şurasının eksperti Nevena Ruzic tərəfindən aparılan təlimdə VK-nın 25 üzvü iştirak edib.

Son 8 il ərzində vəkillik institutunun inkişafı istiqamətində həyata keçirilən sistemli islahatlar, qəbul olunan qərarlar və ardıcıl tədbirlər nəticəsində Azərbaycan Respublikasında vəkilliyin nüfuzu daha da möhkəmlənib, vəkillərin fəaliyyət imkanları genişlənib, cəmiyyətin hüquqi müdafiə mexanizmlərinə etimadı artıb.

Bu müddət ərzində VK vəkillərin peşəkarlığının artırılması, hüquqi yardımın keyfiyyətinin yüksəldilməsi, şəffaflıq və hesabatlılığın təmin edilməsi, beynəlxalq təcrübənin tətbiqi, həmçinin gənc hüquqşünasların bu sahəyə cəlb olunması istiqamətində mühüm addımlar atıb.

Gələcək dövrdə VK öz strateji məqsədlərinə sadiq qalaraq, vətəndaşlara göstərilən hüquqi yardımın keyfiyyətinin daha da yüksəldilməsi, vəkillərin peşə fəaliyyətinin təkmilləşdirilməsi, beynəlxalq əməkdaşlığın dərinləşdirilməsi və innovativ texnologiyaların tətbiqi istiqamətində fəaliyyətini davam etdirəcəkdir.

Eyni zamanda Kollegiya cəmiyyətin hüquqi maarifləndirilməsi, gənc vəkillərin inkişafı, peşə etikası və sosial məsuliyyət prinsiplərinin möhkəmləndirilməsi sahəsində yeni təşəbbüslərin həyata keçirilməsini planlaşdırır.

Sonda bildirmək istərdik ki, yuxarıda qeyd olunanların davamı kimi, VK hər zaman öz missiyasına sadiq qalmaqla, vətəndaşlara xidmət və qanunların keşiyində durmaq istiqamətində fəaliyyətini daha da möhkəmləndirəcəkdir.