Məlum olduğu kimi, “Vəkillər və vəkillik fəaliyyəti haqqında” Azərbaycan Respublikasının Qanununa əsasən vəkillik fəaliyyətinin statistikasının aparılması Vəkillər Kollegiyasının Rəyasət Heyətinin (VK) səlahiyyətlərinə aiddir. Həmin normanın tələblərinə uyğun olaraq VK tərəfindən vəkillik fəaliyyətinin sistemli şəkildə qiymətləndirilməsi, hüquqi yardımın əlçatanlığının və keyfiyyət göstəricilərinin təhlili həyata keçirilir.

Kollegiyanın Rəyasət Heyətinin 20 avqust 2025-ci il tarixli iclasında "Vəkil qurumu və ya fərdi qaydada fəaliyyət göstərən vəkil tərəfindən göstərilmiş hüquqi yardım barədə" statistik hesabatın vahid forması yeni redaksiyada təsdiq edilmiş, müvafiq olaraq yarımillik statistik hesabatın iyul ayının 31-dək, illik statistik hesabatın isə növbəti ilin yanvar ayının 31-dək Rəyasət Heyətinə təqdim edilməsi qərara alınmışdır. Vəkil qurumları və fərdi qaydada fəaliyyət göstərən vəkillər tərəfindən yarımillik və illik statistik hesabatlar təqdim edilib və 2025-ci il üzrə vəkillik fəaliyyətinin statistik hesabatı ümumiləşdirilib.

Qanunun aliliyi, şəffaflıq və hesabatlılıq prinsiplərini rəhbər tutaraq, VK tərəfindən hazırlanan statistik hesabatı ictimaiyyətə təqdim edirik:

Aparılmış təhlil nəticəsində müəyyən edilib ki, VK-nın tərkibində 144 Vəkil Bürosunda 2 676 vəkil, fərdi qaydada isə 150 vəkil fəaliyyət göstərir.

Hesabat dövründə 71 038 fiziki və 13 856 hüquqi şəxslə ümumilikdə 84 894 müqavilə bağlanılıb. Bağlanılan müqavilələr üzrə fiziki şəxslər tərəfindən 22 083 185,94 manat, hüquqi şəxslər tərəfindən isə 5 090 268,89 manat olmaqla, ümumilikdə 27 173 454,83 manat məbləğində vəsait ödənilib.

Eyni zamanda digər ödənişli əsaslarla (məsləhətlərin verilməsi, prosessual sənədlərin hazırlanması və s.) 13 469 fiziki və 1 770 hüquqi şəxs olmaqla, ümumilikdə 15 239 şəxsə hüquqi yardım göstərilib. Bununla yanaşı, 10 521 aztəminatlı şəxs ödənişsiz hüquqi yardımla təmin olunub.

Bundan əlavə, dövlət hesabına hüquqi yardımın göstərilməsi ilə əlaqədar icrası təmin edilən qərarlar üzrə vəkillərə ümumilikdə 5 999 874,51 manat məbləğində ödəniş həyata keçirilib.

Sıra nömrəsi	Göstərilmiş hüquqi yardımın məzmunu	Göstərilmiş hüquqi yardımın sayı	Bağlanmış müqavilələr üzrə ödənilmiş məbləğ (manatla)	Dövlət büdcəsinin vəsaiti hesabına ödənilmiş məbləğ
1.	Hesabat dövründə bağlanılmış müqavilələrin sayı	84 894	27 173 454,83
2.	Dövlət hesabına hüquqi yardım göstərilməsi ilə əlaqədar istintaq orqanları və məhkəmələrdən daxil olmuş qərarlar	56 224
2.1.	Hesabatdan çıxarışın 2-ci sırasında göstərilən qərarların icrası üzrə 2025-ci ildə vəkillərə edilmiş ödəniş	34 073		5 999 874,51
3.	Digər ödənişli hüquqi yardım göstərilmişdir (məsləhət, prosessual sənədlərin hazırlanması və s.)	15 239
4.	Aztəminatlı şəxslərə  göstərilmiş ödənişsiz hüquqi yardım	10 521
5.	Cinayət təqibi üzrə məhkəməyədək icraatda (İbtidai istintaq və ya təhqiqatda)  göstərilmiş hüquqi yardım	30 296
6.	İnzibati xətalar haqqında işlərə baxmaq səlahiyyəti olan orqanlarda göstərilmiş hüquqi yardım	1 151
7.	Konstitusiya məhkəməsində  göstərilmiş hüquqi yardım	80
8.	Avropa İnsan Hüquqları Məhkəməsi və digər beynəlxalq təşkilatlarda hüquqi yardım göstərilmişdir	21
9.	Birinci- apellyasiya instansiyası məhkəmələrində və kassasiya instansiyası məhkəməsində  göstərilmiş hüquqi yardım	109 715
10.	Məhkəmələrdə baxılmış işlərin növü üzrə göstərilmiş hüquqi yardım
	1. Cinayət təqibi üzrə icraatda	42 212
	2. İnzibati xətalara dair işlər üzrə icraatda	6 360
	3. Mülki işlər  və kommersiya mübahisələri üzrə icraatda	46 500
	4. İnzibati mübahisələrə dair işlər üzrə icraatda	14 643