Bu gün Fransadan olan vəkil Olivye Pardo Azərbaycan Respublikasının Vəkillər Kollegiyasını ziyarət etmişdir.

Hüquq peşəsinə vaxtilə hakim olaraq başlamış cənab Pardo hazırda Paris şəhərində fəaliyyət göstərən vəkil bürolarından birinə rəhbərlik edir. O, Azərbaycan Respublikasının Fransdakı Səfirliyinə hüquqi xidmətlərgöstərir və ölkəmizin işğal olunmuş Dağlıq Qarabağ regionunda yerləşən şəhər və kəndlər ilə Fransanın 12 şəhəri və 2 əyaləti arasında imzalanmış qanunsuz “əməkdaşlığ”a dair 14 müxtəlif saziş və xartiyarların ləğvi ilə bağlı Fransa məhkəmlərində Azərbaycan dövlətinin maraqlarını müdafiə etmişdir. Bu günədək görülmüş işlərin nəticəsi olaraq 14 “əməkdaşlıq” sazişində 9-nun ləğvinə nail olunmuşdur. Digər sazişlər ilə bağlı isə işlər davam etdirilməkdədir.

Görüşdə qonağı salamlayan Azərbaycan Respublikasının Vəkillər Kollegiyasının sədri Anar Bağırov ümummilli məsələlərdə Azərbaycan vəkillərinin həmrəy olduqlarını qonağa çatdırmış, xüsusilə qonağın diqqətini Avropa Məhkəməsinin “Çıraqov Erminəstana qarşı” qərarına çəkərək Dağlıq Qarabağ və ətraf rayonlar üzərində Ermənistan ordusunun effektiv nəzarət etməsi faktının tanınması, eyni zamanda hazırda azərbaycanlı əsirlər Dilqəm Əsgərov və Şahbaz Quliyev ilə bağlı Avropa Məhkəməsinin icraatında olan “Əsgərov və digərləri Ermənistana qarşı” işinin xüsusatlarına yönəltmişdir.

Daha sonra qonaq Bakıya səfərindən məmnun qaldığını, Azərbaycanın Qərbdə multikultural və dinamik inkişaf edən ölkə olaraq tanınmasını xüsusi vurğulamışdır. Bundan başqa, gələcəkdə Azərbaycan Respublikasının Vəkillər Kollegiyası ilə əməkdaşlıq etməkdə maraqlı olduğun bildirmişdir.

Səfər çərçivəsində cənab Pardo Milli Məclis və ölkəmizin digər dövlət qurumlarında bir sıra görüşlər keçirilmişdir.

Qeyd olunmalıdır ki, rəsmi qonaq Milli Məclisin deputatı Çingiz Qənizadə və Azərbaycan Respublikası Xarici İşlər Nazirliyinin təmsilçisi tərəfindən müşayiət olunmuşdur.

Daha sonra qonaqla xatirə fotosu çəkilmişdir.