Hər il oktyabrın 25-də bütün Avropa ailəsinə daxil olan olan ölkələrdə “Avropa ədalət günü” qeyd olunur. 2003-cü ildə Avropa Şurası və Avropa Komissiyasının birgə qərarı ilə keçirilən bu gün münasibətilə hər ilin oktyabr ayı ərzində hüquqşünaslar tərəfindən aztəminatlı və hüquqi cəhətdən maariflənmə səviyyəsi aşağı olan şəxslərə ödənişsiz hüquqi yardım göstərilir.

Azərbaycan Respublikasının Vəkillər Kollegiyası da “Avropa ədalət günü”nün əhəmiyyətini, habelə “Azərbaycan Respublikasında vəkilliyin inkişafı ilə bağlı əlavə tədbirlər haqqında” Azərbaycan Respublikası Prezidentinin 22.02.2018-ci il tarixli Sərəncamını - hüquqi məsləhətə ehtiyacı olan aztəminatlı şəxslər üçün pulsuz hüquqi xidmətlər göstərilməsi üzrə tövsiyəni nəzərə alaraq, “Avropa ədalət günü” aylığı çərçivəsində silsilə tədbirlər keçirməkdədir.

Qeyd olunan tədbirlər qismində oktyabrın 25-də Respublikanın əksər regionlarında yerləşən vəkil qurumları tərəfindən 200-dən artıq aztəminatlı şəxsə hüquqi yardım göstərilmişdir. Göstərilən yardım çərçivəsində əhaliyə şifahi məsələhətlər verilmiş, müxtəlif orqanlara yazılı müraciətlər, ərizə və şikayətlər hazırlanmmışdır.

Azərbaycan Respublikası Vəkillər Kollegiyasının vəkil qurumları tərəfindən mütəmadi olaraq analoji tədbirlər digər bölgələrdə də keçirilməkdədir və Kollegiya bu tədbirlərin davamlılığını bundan sonra da təmin edəcəkdir.