Ceyhun Hacıbəyli küçəsi 100, AZ1007

Vəkillər Kollegiyasının üzvünün dərs vəsaiti işıq üzü görmüşdür

14 dekabr 2020    865 share share

Azərbaycan Respublikası Vəkillər Kollegiyasının üzvü, Xəzər Universitetinin baş müəllimi Akif Əlizadə “Ailə hüquqlarının müdafiəsi. Ailənin sosial, hüquqi və iqtisadi müdafiə hüququ: nəzəriyyə və təcrübə” adlı dərs vəsaiti işıq üzü görmüşdür. Dərs vəsaitinin rəyçiləri arasında Vəkillər Kollegiyasının sədri, hüquq üzrə fəlsəfə doktoru Anar Bağırov da yer almaqdadır.

Üç bölmədən ibarət olan dərs vəsaitində Azərbaycan Respublikasının Ailə Məcəlləsində, digər qanunvericilik aktlarında və beynəlxalq sənədlərdə nəzərdə tutulan müdafiə mexanizmləri barədə geniş məlumat verilir. Dərs vəsaitində praktiki materialların-ərizələr, iddia ərizələri, apelyasiya və kassasiya şikayətləri nümunələri də öz əksini tapmışdır.

Həmçinin, dərs vəsaitində oxucuya tətbiq olunmasına başlanılması nəzərdə tutulan, mübahisələrin alternativ həlli yolu olan mediasiya institutu barədə də geniş məlumat verilmiş, bir sıra yerli və beynəlxalq hüquqi sənədlərdən çıxarışlar təqdim olunmuşdur.