Ceyhun Hacıbəyli küçəsi 100, AZ1007

ELAN: MAPS-a ünvanlanan sorğular ilə bağlı problem dərhal öz həllini tapıb

07 iyul 2022    1187 share share

Məlum olduğu kimi, Azərbaycan Respublikası Daxili İşlər Nazirliyinin Baş Pasport, Qeydiyyatı və Miqrasiya İdarəsinin Milli Avtomatlaşdırılmış Pasport Sistemi üzrə məlumat şöbəsinə (MAPS) ünvanlanan vəkil sorğuları ilə bağlı cavabların gec verilməsi vəkillərimiz haqlı narahatlığına səbəb olmuşdur. Bununla əlaqədar, Vəkillər Kollegiyasının və Daxili İşlər Nazirliyinin rəhbərliyi arasında bu məsələ müzakirə olunmuş və problem dərhal öz həllini tapmışdır.
 
Belə ki, artıq həm elektron formada ünvanlanması, həm də dərhal cavab alınması üçün, büronun blankı ilə sorğunun və iş ilə bağlı orderin skan versiyalarını vəkillər aşağıdakı e-poçta göndərərək, sorğuya tez cavab alacaqlar. Əgər cavabın elektron deyil, kağız daşıyıcıda da əldə edilməsi lazım olarsa, vəkillər bunu da həmin e-poçtda bildirə bilərlər: bpqmi-maps@bpqmi.gov.az 
 
Əlavə olaraq qeyd edək ki, vəkillərin hüquqi yardımı vaxt itirmədən daha səmərəli şəkildə həyata keçirə bilmələri üçün, vahid elektron kabinet vasitəsilə sorğuların yerləşdirilməsinə və dərhal avtomatik cavablanmasına dair inteqrasiyanın vəziyyəti ilə bağlı Daxili İşlər Nazirliyi ilə hazırda müzakirələr getməkdədir.