Hər il oktyabrın 25-də bütün Avropa ailəsinə daxil olan ölkələrdə “Avropa ədalət günü” qeyd olunur. 2003-cü ildə Avropa Şurası və Avropa Komissiyasının birgə qərarı ilə keçirilən bu gün münasibətilə hər ilin oktyabr ayı ərzində hüquqşünaslar tərəfindən aztəminatlı və hüquqi cəhətdən maariflənmə səviyyəsi aşağı olan şəxslərə ödənişsiz hüquqi yardım göstərilir.

Azərbaycan Respublikasının Vəkillər Kollegiyası da “Avropa ədalət günü”nün əhəmiyyətini, habelə “Azərbaycan Respublikasında vəkilliyin inkişafı ilə bağlı əlavə tədbirlər haqqında” Azərbaycan Respublikası Prezidentinin 22.02.2018-ci il tarixli Sərəncamını - hüquqi məsləhətə ehtiyacı olan aztəminatlı şəxslər üçün pulsuz hüquqi xidmətlər göstərilməsi üzrə tövsiyəni nəzərə alaraq, “Avropa ədalət günü” aylığı çərçivəsində silsilə tədbirlər keçirməkdədir.

Qeyd olunan tədbirlər qismində oktyabrın 25-də iş günü ərzində Gəncə 1 saylı vəkil bürosu, Sumqayıt Regional, Şirvan Regional, İmişli ASAN, Masallı ASAN, Qəbələ ASAN, Bərdə ASAN, Mingəçevir ASAN mərkəzlərindəki vəkil büroları, Lənkəran Şəhər və Şəki Şəhər vəkil büroslarında atəminatlı şəxslərə ödənişsiz hüquqi yardım xidmətləri göstəriləcəkdir. göstərilmişdir. Göstəriləcək yardım çərçivəsində əhaliyə şifahi hüquqi məsələhətlərlə yanaşı, müxtəlif orqanlara yazılı müraciətlərin hazırlanması və digər ödənişsiz hüquqi xidmətlər təqdim olunacaqdır.

Azərbaycan Respublikasının Vəkillər Kollegiyasının vəkil qurumları tərəfindən mütəmadi olaraq analoji tədbirlər digər bölgələrdə də keçirilməkdədir və bu Kollegiya bu tədbirlərin davamlılığını bundan sonra da təmin edəcəkdir.

Digər vəkil qurumları bu birgünlük kampaniyaya qoşulmağa dəvət olunurlar.