Azərbaycan Respublikasının Vəkillər Kollegiyası (ARVK) ilə Ədliyyə Akademiyasının birgə əməkdaşlığı çərçivəsində növbəti ixtisasartırma təlimləri keçirilib.

Belə ki, cari ilin oktyabr ayının 13-də “Cinayət prosesində mülki iddia” mövzusu üzrə baş tutan təlimdə ARVK-nın üzvü Anar Məmişov, oktyabrın 20-də “Uşaqların onlayn cinsi istismarı kibercinayətinə qarşı mübarizə" mövzusu üzrə keçirilən təlimdə Kollegiyanın üzvü, Kibercinayətkarlıq və Kibertəhlükəsizlik Komitəsinin sədri Asif Mustafayev, oktyabrın 24-də "Terrorçuluğun maliyyələşdirilməsi əməlinin tövsifi əsasları" mövzusu üzrə keçirilən təlimdə Maliyyə Monitorinqi Xidmətinin İdarə Heyətinin sədrinin müavini Azər Abbasov və oktyabrın 31-də “BMT-nin insan hüquqları mexanizmləri. “İqtisadi, sosial və mədəni hüquqlar haqqında Beynəlxalq Pakt” və onun nəzarət mexanizmləri” mövzusu üzrə baş tutan təlimdə isə VK-nin üzvü Sahib Məmmədov təlimçi qismində iştirak edib.

Təlimlərdə ümumilikdə 122 vəkil iştirak edib.