Hörmətli oxucular!
Bu günlərdə "Vəkilin cinayət işində müdafiə faəliyyəti" adlı metodik vəsaiti işıq üzü görmüşdür.
Qeyd olunan Metodik vəsaitdə cinayət işləri üzrə müdafiə hüququnu həyata keçirən vəkillərə hüquq pozuntuların aradan qaldırılması və ya ifşa edilməsi üçün müxtəlif üsul və taktiki yanaşmalar təqdim olunur.
Vəkilin fəaliyyəti yaradıcı, fərdi və mürəkkəbdir. Bu səbəbdən Metodik vəsaitdə təcrübədə rast gəlinən məsələlərin müzakirəsi, mürəkkəb məsələlərin həllində göstərilən həlli yolları tövsiyə xarakterini daşıyır. Hər bir vəkil müdafiə mövqeyini müəyyənləşdirərkən fərdi yanaşmalar nümayiş etdirə bilər. Bu Metodik vəsaitin əsas məqsədi vəkillərə yüksək keyfiyyətli hüquqi yardımın göstərilməsində dəstək olmaqdır.
Dərs vəsaiti Azərbaycan Respublikası Vəkillər Kollegiyasının və BMT‑nin İnsan Hüquqları üzrə Ali Komissarlığının maliyyə dəstəyi ilə dərc olunmuşdur.
.png)
